ពាក់អាវស្រី Wang Yi Bo ជាន់ម៉ូដជាមួយ Yang Mi តែម្នាក់សិចស៊ី ម្នាក់សង្ហាសន្លប់
- 2021-01-04 05:05:00
- ចំនួនមតិ 0 | ចំនួនចែករំលែក 0
ពាក់អាវស្រី Wang Yi Bo ជាន់ម៉ូដជាមួយ Yang Mi តែម្នាក់សិចស៊ី ម្នាក់សង្ហាសន្លប់
នេះមិនមែនជាលើកទី១ឡើយ ដែលតារាសម្ដែង និងចម្រៀងប្រុសចិនកំពុងឡើងកូដ Wang Yi Bo ជ្រើសយកម៉ូដអាវរបស់មនុស្សស្រីដើម្បីឡើងឆាក។
តារាសម្ដែងស្រីលំដាប់ A ចិន Yang Mi បានបង្ករការចាប់អារម្មណ៍ជាខ្លាំងនៅពេលនាងក្លាយជាតារាកិត្តិយសដើម្បីច្រៀងស្វាគមន៍ឆ្នាំថ្មីរបស់ប៉ុស្តិ៍ទូរទស្សន៍ជាតិចិន CCTV។ តាមនោះដែរ ខុសសព្វមួយដង ស្រីស្អាត៣៤ឆ្នាំ មិនបានស្លៀករ៉ូបវែងអូសដីដើម្បីឡើងឆាកនោះឡើយ ដោយនាងជ្រើសយកអាវអៀមនៅខាងក្នុង និងអាវក្រៅពណ៌លឿងស្រាលដើម្បីគួបផ្សំនឹងអៀមខាងក្នុង។ មនុស្សជាច្រើនបានសរសើរថា ទោះបីជាមិនស្លៀករ៉ូបក៏ដោយ តែអ្នកម្ដាយកូន១នៅតែទាក់ទាញមិនធម្មតា ហើយក៏សិចស៊ីមិនណយដែរ។
យ៉ាងណាក្ដី មុនពេល Yang Mi ពាក់អាវនេះឡើងលើឆាក គឺមានប្រុសស្អាតម្នាក់ទៀតដែលបានប្រើម៉ូដអាវនេះ ហើយនោះគឺប្រុសស្អាតកំពុងឡើងកូដ Wang Yi Bo។ ជាក់ស្ដែង មុននោះបន្តិច ប្រុសស្អាត ២៣ឆ្នាំ បានពាក់ម៉ូដអាវស្រីដូចគ្នាដើម្បីឡើងសម្ដែងដែរ។ មិនត្រឹមតែប៉ុណ្ណោះ លោកក៏ពាក់អាវដដែលនេះដើម្បីថតឲ្យទស្សនាវដ្ដីដែរ។ នេះមិនមែនជាលើកទី១ឡើយ ដែលតួរឿង The Untamed ពាក់អាវស្រីឡើងឆាក ដោយលោកនិយមអាវក្រៅម៉ូដស្រីនៅលើឆាកជាច្រើនដងមកហើយ។
យ៉ាងណាក្ដី ទោះបីជាជាន់គ្នាជាមួយរៀមច្បងក៏ពិតមែន តែអ្នកគាំទ្របានលាន់មាត់ថា ពួកគេស្អាតម្នាក់មួយបែប គ្មានអ្នកណាចាញ់ប្រៀបអ្នកណាឡើយ។ គួរបញ្ជាក់ផងដែរថា ម៉ូដអាវខាងលើគឺមកពីប្រេនសម្លៀកបំពាក់ Chanel៕