អ្នកគាំទ្របះសក់ច្រូងពេលឃើញ Liu Shishi និង Ni Ni ថតស្និទ្ធដូចសង្សារនឹងគ្នា
- 2020-12-31 04:30:00
- ចំនួនមតិ 0 | ចំនួនចែករំលែក 0
អ្នកគាំទ្របះសក់ច្រូងពេលឃើញ Liu Shishi និង Ni Ni ថតស្និទ្ធដូចសង្សារនឹងគ្នា
កម្រងរូបភាពថ្មីរបស់តារាសម្ដែងស្រីល្បីឈ្មោះចិន២ដួង Liu Shishi និង Ni Ni បានធ្វើឲ្យទស្សនិកជនជ្រួលច្របល់ជាខ្លាំង នៅពេលស្រីស្អាតទាំង២ស្និទ្ធិស្នាលនឹងគ្នាខ្លាំងពេក។
កាលពីថ្ងៃទី ៣០ ខែធ្នូកន្លងទៅនេះ ទស្សនាវដ្ដីល្បីឈ្មោះ Marie Claire បានធ្វើឲ្យកក្រើកបណ្ដាញសង្គម Weibo នៅពេលប្រភពមួយនេះប្រកាសកម្រងរូបភាពថ្មីរបស់តារាសម្ដែងស្រីល្បីឈ្មោះ Liu Shishi និង Ni Ni ដោយអ្នកទាំង២នឹងក្លាយតារាគ្របមុខនៅក្នុងលេខថ្មីសម្រាប់ទស្សនាវដ្ដីខាងលើ។
តាមនោះដែរ មូលហេតុដែលស្រីស្អាតទាំង២ក្លាយជាតារាគ្របមុខ និងថតរូបយ៉ាងស្និទ្ធិស្នាលដូចគូស្នេហ៍បែបនេះគឺ សិល្បការិនីទាំង២មានរឿងថ្មីថតរួមគ្នាដែលមានចំណងជើងថា My Best Friend’s Story។
នេះគឺជាលើកទី១ហើយដែល តារាល្បីឈ្មោះទាំង២សហការនឹងគ្នា។ មិនត្រឹមតែប៉ុណ្ណោះ នេះគឺជាខ្សែភាពយន្តភាគដែលមានប្រវែងវែងទៀតផង។ មនុស្សជាច្រើនបានសន្និដ្ឋានថា គម្រោងភាពយន្តខាងលើនឹងជោគជ័យ ត្បិតវិស័យភាពយន្តចិនកម្រមានរឿងស្នេហាស្រីស្រលាញ់ស្រី ហើយនេះគឺជាតារាល្បីទាំង២រូបទៀតផង។
យោងតាមក្រុមការងាររបស់រៀង My Best Friend’s Story គ្រោងចាក់ផ្សាយនៅដើមឆ្នាំ ២០២១ ដោយនឹងផ្សាយលើប៉ុស្តិ៍ Dragon TV៕