រឿង ៣យ៉ាងបើមនុស្សស្រីមិនទាមទារពីមនុស្សប្រុសទេ នឹងមានតម្លៃគុណនឹង២
- 2020-12-31 15:00:00
- ចំនួនមតិ 0 | ចំនួនចែករំលែក 0
រឿង ៣យ៉ាងបើមនុស្សស្រីមិនទាមទារពីមនុស្សប្រុសទេ នឹងមានតម្លៃគុណនឹង២
ទោះបីជាសង្សារ ឬប្ដីប្រពន្ធនឹងគ្នាក៏ដោយ តែបើមនុស្សស្រីចេះគោរពភាពឯកជនរបស់គូភាគី នោះតម្លៃរបស់នាងផ្ទាល់នឹងកើនលើសដើមនៅក្នុងកែវភ្នែករបស់គេ។ រឿងទាំង៣ ខាងក្រោមនេះបើខាងស្រីមិនទាមទារខាងប្រុសនោះទេ នោះគេនឹងឲ្យតម្លៃអ្នកកាន់តែខ្ពស់។
១. ទាមទារការចាប់អារម្មណ៍ពីខាងប្រុសគ្រប់ពេលវេលា
ទោះបីជាក្លាយជាប្ដីប្រពន្ធ ឬសង្សារនឹងគ្នាហើយពិត តែក្រៅពីចំណងមនោសញ្ចេតនាជាមួយយើង គេក៏មានចំណងផ្សេងទៀតនៅក្នុងសង្គម។ ដូចនេះហើយ គេមិនអាចចំណាយពេលទំនេរទាំងស្រុងលើអ្នកបានឡើយ។ ប្រសិនជាយើងគោរពពេលវេលា ក៏ដូចជាម៉ោងឯកជនរបស់គេ គេនឹងដឹងថាយើងជាមនុស្សចាស់ទុំ ដោយមិនមែនជាបុគ្គលដែលត្រូវការ ការចាប់អារម្មណ៍គ្រប់ពេលវេលាឡើយ។
២. លះបង់អ្វីមួយ ដើម្បីអ្នក
បើយើងគោរពអ្នកដទៃ អ្នកដទៃនឹងគោរពអ្នកវិញ នេះគឺជាច្បាប់នៅក្នុងសង្គមទៅហើយ។ ដូចនេះហើយ បើចង់ឲ្យតម្លៃរបស់ខ្លួនឯងខ្ពស់នៅក្នុងកែវភ្នែកសង្សារ សូមកុំបង្ខំឲ្យគេលះបង់អ្វីម្យ៉ាងដែលគេមិនពេញចិត្តដើម្បីតែបំពេញចំណូលចិត្តយើងឲ្យសោះ។ បើមិនដូចនោះទេ គេនឹងមានអារម្មណ៍ថាធុញថប់ នៅពេលស្ថិតក្នុងចំណងជាមួយយើង។
៣. គ្រប់គ្រងទូរសព្ទរបស់គេ
នៅសម័យកាលដែលគ្រប់ការងារទាំងអស់សុទ្ធតែធ្វើតាមរយៈទូរសព្ទដៃនោះ មានរឿងមួយចំនួន ទោះបីជាស្និទ្ធិស្នាលគ្នាយ៉ាងណាក៏ជារឿងឯកជន ពិបាកក្នុងការចែករំលែក។ ដូចនេះហើយ បើអ្នកជឿទុកចិត្តគេ ក៏ដូចជាឲ្យតម្លៃខ្លួនឯង នោះអ្នកនឹងមិនគ្រប់គ្រងទូរសព្ទគេនោះឡើយ។ ការដែលគ្រប់គ្រងទូរសព្ទគេ នឹងធ្វើឲ្យគេមើលមកឃើញថាអ្នកជាមនុស្សហួងហែង និងចិត្តចង្អៀត ត្បិតបើមនុស្សមានធម្មជាតិសាវា ទោះបីជាអ្នកគ្រប់គ្រងយ៉ាងណា ក៏គេនៅតែមានវិធីដើម្បីរកទាល់តែបានដែរ៕