មនុស្សស្រីអាស៊ីបើនៅតែភ័យខ្លាចរឿងទាំង២នេះ នឹងគ្មានថ្ងៃរកឃើញសុភមង្គលឲ្យខ្លួនឯងឡើយ

2020-12-30 02:50:00
ចំនួនមតិ 0 | ចំនួនចែករំលែក 0

មនុស្សស្រីអាស៊ីភាគច្រើនតែងតែសួរថា ហេតុអ្វីខ្លួនមិនមានសុភមង្គលដូចមនុស្សប្រុស ក៏ជាមនុស្ស្រីមកពីមជ្ឈិមប្រទេស។ ខាងក្រោមនេះគឺជាមូលហេតុដែលមនុស្សស្រីអាស៊ីមួយចំនួន នៅតែរកសុភមង្គលមិនទាន់ឃើញធៀបនឹងនារីនៅអឺរ៉ុប។

១. ខ្លាចសម្ដីអ្នកផងរឿងប្ដីសី

មនុស្សស្រីអាស៊ី ឲ្យតែហួសអាយុម្ភៃឆ្នាំមិនទាន់បានប៉ុន្មានផង នឹងត្រូវញាតិមិត្តបងប្អូន អ្នកជិតខាងសួរថា កាលណាយកប្ដី ឬហេតុអ្វីមិនទាន់មានប្ដី។ តាមការពិតទៅ រឿងប្ដីសី កូនចៅនេះ គឺជារឿងបុគ្គលសោះ មិនមានទាក់ទងនឹងអ្នកផ្សេងឡើយ ទោះបីជាសាច់ញាតិក៏ដោយ។ តែមនុស្សស្រីយើង មិនគិតបែបនេះឡើយ ដោយសារតែខ្លាចសម្ដីគេ ហើយតែងយកសម្ដីនេះមកគិត ដោយខ្លះទៀតសុខចិត្តយកប្ដីខុសដើម្បីបំពេញមុខគ្រួសារក៏មាន។ កុំរស់នៅលើក្ដីសុខអណ្ដាតរបស់គេឲ្យសោះ ព្រោះគេនិយាយហើយ គឺចប់ហើយ តែបើយើងខុសមួយគ្រា នោះគឺខុសមួយជីវិត។

២. ខ្លាចឯកា

មនុស្សមួយចំនួនច្បាស់ណាស់ថាកំពុងរស់នៅជាមួយប្ដី ឬបុរសដែលហិង្សា ដែលគ្មានបានការ ហើយធ្វើទុក្ខដល់នាងរាល់ថ្ងៃ ដោយសារមួយ ខ្លាចអត់ពីគេទៅខ្លួនអត់ចំណូលចិញ្ចឹមខ្លួនឯង ក៏ដូចជាចិញ្ចឹមកូន និងមួយទៀត ខ្លាចអត់ពីគេទៅធ្វើអ្វីមិនបាន មនុស្សស្រីស្ម័គ្រចិត្តទ្រាំរស់នៅជាមួយគេបន្តទៀត ទាំងគ្មានក្ដីសុខ។ នេះគឺជាភាពខុសគ្នារវាង មនុស្សស្រីអាស៊ី និងអ្នកនៅអឺរ៉ុប ដោយនៅពេលជួបទុក្ខវេទនាដែលពួកគេគិតថាខ្លួនទ្រាំលែងបាន ពួកគេនឹងដោះដៃដើរចេញ។ តែសម្រាប់អ្នកនៅអាស៊ីវិញ ដោយសារតែការភ័យខ្លាចទាំងអស់ខាងលើ ធ្វើឲ្យពួកគេសុខចិត្តសម្ងំ ដោយសឹងតែថាមិនហ៊ានប្រាប់ដល់អ្នកផ្ទះទៀតផង គឺលាក់ទុកតែម្នាក់ឯង។ សូមមនុស្សស្រីគ្រប់រូបកុំខ្លាចភាពឯកាឲ្យសោះ ព្រោះឲ្យតែយើងតាំងចិត្តឲ្យរឹងមាំ គ្មានអ្វីអាចផ្ដួលយើងបានឡើយ ក្រៅពីខ្លួនឯង៕

ប្រភព៖ Phunutoday ប្រែសម្រួល៖ Caramel