តើរឿងរ៉ាវស្នេហានៅឆ្នាំ ២០២១ របស់អ្នកនឹងប្រែទៅជាយ៉ាងណា សាករើសកាតមួយ

2020-12-29 03:50:00
ចំនួនមតិ 0 | ចំនួនចែករំលែក 0

ប្រសិនបើអ្នកចង់ដឹងពីរឿងរ៉ាវស្នេហាទៅជាយ៉ាងណា ក្នុងឆ្នាំ ២០២១ សាករើសរូបមួយ បន្ទាប់មកផ្ទៀងចម្លើយខាងក្រោម។

កាតទី១

រឿងរ៉ាវសេ្នហារបស់អ្នកក្នុងឆ្នាំ២០២១ គឺពោរពេញដោយភាពស្រស់ស្អាត និងការចុះសម្រុងគ្នា។ យ៉ាងណាក៏ដោយ ដើម្បីឲ្យស្នេហានេះឈានទៅរកភាពផ្អែមល្ហែមនិងសមដូចបំណងប្រាថ្នា អ្នកត្រូវចេះសម្របសម្រួលអត្តចរិតផ្ទាល់ខ្លួនសិន។ អ្នកត្រូវបង្កើនភាពអត់ធ្មត់ ចិត្តធ្ងន់ចំពោះដៃគូផងដែរ មិនត្រូវឈ្លោះរករឿង ឬដៀមដាមគ្នានោះទេ។ តែផ្ទុយទៅវិញ ត្រូវចេះស្វែងយល់ពីគ្នា ព្រមទាំងមានការអត់ធ្មត់ខ្ពស់ថែមទៀត។ ប្រសិនបើអ្នកអាចធ្វើបាន នោះស្នេហារបស់អ្នកទាំងពីរ នឹងកាន់តែជ្រាលជ្រៅ ព្រមទាំងមានលទ្ធផលល្អនាពេលអនាគត។

កាតទី២

ថ្មីៗនេះ រវាងអ្នកនិងគាត់នៅកំពុងសិក្សាយល់ចិត្តគ្នាសិន តែបើនិយាយពីអារម្មណ៍មនោសញ្ចេតនាវិញ ហាក់មិនទាន់ជ្រាលជ្រៅឡើយ។ សម្រាប់អ្នក កំពុងព្យាយាមខ្លាំងចំពោះទំនាក់ទំនងមួយនេះ និងប្រឹងប្រែងយ៉ាងណាឲ្យរឿងរ៉ាវស្នេហាស្រស់បំព្រងដូចធម្មជាតិ សម្រាប់អ្នកទាំងពីរ។ យ៉ាងណាក៏ដោយ គ្រប់យ៉ាងត្រូវការពេលវេលា ម្ល៉ោះហើយអ្នកមិនត្រូវគិតរឿងស្នេហាពេកទេ ព្រោះវាអាចប៉ះពាល់ដល់ការងាររបស់អ្នកបាន។

កាតទី៣

ដូចដែលអ្នកអាចប៉ាន់ស្មានអ៊ិចឹង រឿងរ៉ាវស្នេហារបស់អ្នកក្នុងឆ្នាំ២០២១ ប្រហែលមិនសូវចុះសម្រុងគ្នាប៉ុន្មានទេ។ រវាងអ្នកទាំងពីរ ឧស្សាហ៍ឈ្លោះគ្នា មិនសូវស្របគ្នានោះឡើយ។ ហេតុនេះ សូម្បីតែក្នុងឆ្នាំនេះ រឿងរ៉ាវស្នេហារបស់អ្នកក៏នឹងពិបាកទៅមុខ ដោយសារតែជម្លោះ និងការខឹងគ្នាច្រើនដងពេក។ ដល់ចំណុចនេះ អ្នកនិងគាត់មិនអាចកាត់ក្តីបានទេថា នរណាខុស នរណាត្រូវ។ ប្រសិនបើអ្នកចង់ឲ្យសម្ព័ន្ធស្នេហាល្អឡើងវិញ លុះត្រាកុំបង្កើតកំហុសដដែរៗ ការឈ្លោះគ្នា និងមិននិយាយរកគ្នាបែបនេះ ព្រោះធ្វើឲ្យម្នាក់ៗធុញទ្រាន់។

កាតទី៤

ក្នុងរឿងស្នេហា អ្នកច្រើនជាភាគីពូកែប្រច័ណ្ឌ មិនសូវជឿទុកចិត្ត និងដាក់សម្ពាធលើដៃគូមិនធម្មតាដែរហ្នឹង។ នេះក៏ជាហេតុផលមួយដែលធ្វើឲ្យគាត់មានអារម្មណ៍មិនសប្បាយចិត្ត ឈឺចាប់ នៅពេលក្បែរអ្នក។ សម្រាប់ឆ្នាំ២០២១ខាងមុខ អ្នកគួរតែកែប្រែរបៀបនៃការគិតឡើងវិញ រួមទាំងអាកប្បកិរិយារបស់អ្នកដូចគ្នា។ ប្រសិនបើអ្នកមិនអាចធ្វើបានទេ ស្នេហាមួយនេះដឹងតែរត់ចោលអ្នកមិនខាន៕