Yang Mi ឆ្លើយយ៉ាងខ្លីចំពោះព័ត៌មានភ័យខ្លាច Dilraba ល្បីជាងខ្លួន
- 2020-12-29 02:30:00
- ចំនួនមតិ 0 | ចំនួនចែករំលែក 0
Yang Mi ឆ្លើយយ៉ាងខ្លីចំពោះព័ត៌មានភ័យខ្លាច Dilraba ល្បីជាងខ្លួន
ជាមួយការឆ្លើយតបដ៏មុតស្រួចរបស់ខ្លួន មនុស្សជាច្រើនបានសរសើរកំពូលតារាសម្ដែងស្រីចិន Yang Mi ថា ខួរក្បាលរបស់នាងពិតជាមិនធម្មតាឡើយ។
មួយរយៈចុងក្រោយនេះ តារាសម្ដែងស្រីជួរមុខចិន Yang Mi ទទួលសំណើរចូលរួមកម្មវិធីទូរទស្សន៍ថ្មីជាច្រើន។ នៅក្នុងកម្មវិធីនេះដែរ ស្រីស្អាត៣៤ឆ្នាំបានបង្ហាញឲ្យឃើញថា EQ របស់ខ្លួនខ្ពស់មិនធម្មតា ដោយសំនួរពិបាកៗមិនអាចធ្វើឲ្យនាងទាល់ តម្រិះបានឡើយ។
ជាក់ស្ដែងនៅក្នុងកម្មវិធី Rock and Roast ថ្មីបំផុត អ្នកម្ដាយកូន១បានឆ្លើយយ៉ាងរលូននូវសំនួរដ៏ចាក់ដោតមួយនៅពេលត្រូវគេសួរថា៖ មានអារម្មណ៍ភ័យខ្លាចឬអត់ នៅពេលតារាសម្ដែងស្រីវ័យក្មេង Dilraba កំពុងល្បីចង់វ៉ាមុខខ្លួននោះ?
ឮសំនួរបែបនេះ តួរឿងនិស្ស័យស្នេហ៍ទេវតា៣ជាតិបានឆ្លើយថា៖ មានអ្វីត្រូវភ័យខ្លាចទៅ? នាងគឺជាតារានៅក្នុងក្រុមហ៊ុនរបស់ខ្ញុំ បើនាងកាន់តែល្បី ក្រុមហ៊ុនកាន់តែរីកចម្រើន។ គ្រាន់តែការឆ្លើយមួយម៉ាត់នេះ Yang Mi ព្រួញ១បាញ់បានសត្វ២ គឺបំបិតរឿងនាងមិនត្រូវគ្នាជាមួយ Dilraba ហើយក៏បដិសេធរឿង Dilraba មានបំណងដើរចេញពីផលិតកម្ម Jay Walk ដូចគ្នា។
ចម្លើយរបស់ តារាកើតឆ្នាំ ១៩៨៦ ទទួលបានការសរសើរពីសំណាក់អ្នកគាំទ្រ ដោយពួកគេបានលើកឡើងថា ទោះបីជាសំនួរពិបាកយ៉ាងណាក៏មិនអាចធ្វើឲ្យនាងទាល់ច្រកបានដែរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
