មនុស្សស្រីត្រូវតែដឹង រឿងទាំង៣នេះ បើកាន់តែធ្វើកាន់តែចម្រើនដល់ខ្លួនឯង
- 2020-12-24 08:22:00
- ចំនួនមតិ 0 | ចំនួនចែករំលែក 0
មនុស្សស្រីត្រូវតែដឹង រឿងទាំង៣នេះ បើកាន់តែធ្វើកាន់តែចម្រើនដល់ខ្លួនឯង
មិនថាអ្នកនៅលីវ ឬមានគ្រួសារហើយនោះទេ សកម្មភាពទាំង ៣នេះ បើអ្នកធ្វើជាប្រចាំ គ្មានថ្ងៃខាតនោះទេ មានតែចំណេញសម្រាប់ខ្លួនឯង។ ដូចនេះហើយ កុំភ្លេចធ្វើរឿងទាំងនេះ ដើម្បីអនាគតខ្លួនឯងកាន់តែភ្លឺស្វាង។
១. មើលថែទាំខ្លួនឯង
មនុស្សស្រីជាច្រើនក្រោយមានសង្សារ មានគ្រួសាររួចហើយ គួបផ្សំនឹងការងារចិញ្ចឹមគ្រួសារទៀតនោះ បានធ្វើឲ្យពួកគេ ភ្លេចភ្លាំងខ្លួនឯង លែងមានពេលរវីរវល់ពីសុខភាព ក៏ដូចជាសម្រស់របស់ខ្លួនឯង។ មិនត្រឹមតែប៉ុណ្ណោះសក់ក្បាល សម្លៀកបំពាក់ក៏មើលលែងយល់។ នៅពេលដែលខ្លួនឯងស្ថិតក្នុងសភាពបែបនេះ សូម្បីតែអ្នកផ្ទាល់មើលទៅក៏លែងមានអារម្មណ៍ស្រលាញ់ខ្លួនដែរ កុំថាឡើយអ្នកដទៃ។ បើទុកដល់ថ្នាក់នេះ ការដែលស្វាមី ឬសង្សារបែកចិត្តគ្រាន់តែជារឿងមុន និងក្រោយតែប៉ុណ្ណោះ។
២. សាងទំនាក់ទំនងក្នុងសង្គម
មនុស្សស្រីភាគច្រើន ក្រោយពេលមានគ្រួសារហើយនឹងកាត់បន្ថយការប្រាស្រ័យទាក់ទងនៅក្នុងសង្គម ដោយផ្ដោតលើតែរឿងគ្រួសារ និងកូនៗ ដែលជាហេតុធ្វើឲ្យពួកគេបាត់បង់ឱកាសល្អជាច្រើនដែលខ្លួនសមនឹងទទួលយកបាន។ អ្នកត្រូវដឹងថា ក្រោយពេលមានគ្រួសារហើយ មិនមានន័យថា ជីវិតនៅក្នុងសង្គមរបស់អ្នកត្រូវបានបញ្ចប់នោះទេ។ ព្រោះទំនាក់ទំនងទាំងនេះហើយ ដែលជាស្នូលឲ្យអ្នកជោគជ័យទៅថ្ងៃក្រោយ។
៣. ប្រឹងប្រែងដើម្បីការងារ
នៅសម័យដែលនារីៗ ក៏អាចជោគជ័យដូចមនុស្សប្រុសដែរនោះ។ ការដែលមនុស្សស្រីអាចឯករាជ្យរឿងលុយកាក់ និងរកចំណូលឲ្យខ្លួនឯងបាននោះ គឺជារឿងដែលប្រពៃជាទីបំផុត។ ព្រោះនៅពេលនោះ នាងមិនខ្លាច ថាមានអ្នកណាដើរចូល ឬដើរចេញពីជីវិតរបស់នាងឡើយ ហើយនាងអាចធ្វើជាម្ចាស់ជីវិតរបស់ខ្លួនបានយ៉ាងល្អ មិនចាំបាច់លាដៃសុំលុយនរណាទាំងអស់៕