តើ២០២១ រឿងអាក្រក់អ្វីអាចចូលក្នុងជីវិតអ្នកបាន សាករើសរូបមួយដើម្បីដឹងច្បាស់
- 2020-12-21 04:30:00
- ចំនួនមតិ 0 | ចំនួនចែករំលែក 0
តើ២០២១ រឿងអាក្រក់អ្វីអាចចូលក្នុងជីវិតអ្នកបាន សាករើសរូបមួយដើម្បីដឹងច្បាស់
ចង់ដឹងថា ក្នុងឆ្នាំ២០២១ ខាងមុខ តើរឿងអាក្រក់អ្វីដែលអាចចូលមកក្នុងជីវិតអ្នក សាករើសរូបមួយខាងក្រោម។
លេខ១
អ្វីដែលនឹងមានការផ្លាស់ប្តូរក្នុងឆ្នាំ២០២១នេះ វាអាចនឹងជះឥទ្ធិពលដល់ការសិក្សា ទំនាក់ទំនងនៅកន្លែងការងារ ឬមជ្ឈដ្ឋានដែលនៅជុំវិញអ្នកជាដើម។ មួយវិញទៀត អ្នកប្រហែលត្រូវផ្លាស់ប្តូរការងារដើម្បិស្វែងរកបរិយាកាសថ្មី ប៉ុន្តែវាជាការងារដែលអ្នកមិនមានបទពិសោធន៍ពាក់ព័ន្ធទៅវិញ។ ឬបើមិនអ៊ីចឹងទេ អាចនឹងមានគម្រោងថ្មីត្រូវធ្វើ ដែលជាការបង្កើតនូវការខំប្រឹងប្រែងថ្មីមួយសម្រាប់អ្នក ឬអ្នកនឹងមានការផ្លាស់ប្តូរចៅហ្វាយនាយថ្មីជាដើម ដែលគាត់ជាមនុស្សម៉ត់ចត់ខ្លាំង ឬហេតុផលមួយទៀត នៅក្នុងក្រុមរបស់អ្នកនឹងមានសមាជិកថ្មីចូលមក ដែលមានអត្តចរិតមិនល្អជាដើម។ ការផ្លាស់ប្តូរមួយទៀត ក្នុងឆ្នាំ២០២១ ដែលវាទំនងអាចទៅរួចមួយទៀត គឺគូស្នេហ៍របស់អ្នកត្រូវទៅធ្វើការនៅឆ្ងាយ ដែលទាំងនេះ អ្នកត្រូវរៀនសម្របខ្លួន និងព្រមទទួលស្គាល់ការពិត។
លេខ២
ក្នុងឆ្នាំ២០២១ ប្រហែលជាមានរឿងរ៉ាវខ្លះធ្វើឲ្យអ្នកវង្វេងវង្វាន់ អារម្មណ៍មិននឹងនរ ឬមិនសប្បាយចិត្តជាដើម។ គ្រប់យ៉ាង អាចពិបាកដោះស្រាយបានទាំងស្រុង ដែលធ្វើឲ្យជីវិតរបស់អ្នកក្លាយជាជាប់ផុង និងទុក្ខព្រួយ។ ដូច្នេះ ដំបូន្មានចំពោះអ្នកនៅពេលនេះ គឺត្រូវឈប់គិត ហើយធ្វើអ្វីដែលអ្នកចង់ធ្វើ។ ប្រសិនបើអាច អ្នកត្រូវលៃលករកពេលវេលាសម្រាកសម្រាប់ខ្លួនឯង ឬធ្វើសកម្មភាពផ្សេងៗដូចជា ហាត់ប្រាណ អានសៀវភៅ ធ្វើសមាធិ ឬហាត់យូហ្គាជាដើម។ បញ្ហាអាចត្រូវបានដោះស្រាយ លុះត្រាតែអ្នកមានវិន័យចំពោះខ្លួនឯង ដូច្នេះប្រសិនបើអ្នកបន្តរស់នៅក្នុងអតីតកាលដោយទុក្ខព្រួយ នោះអ្វីៗកាន់តែអាក្រក់ទៅៗមិនខាន។
លេខ៣
ក្នុងឆ្នាំ២០២១ខាងមុខ វានឹងមានការផ្លាស់ប្តូរភ្លាមៗគួរឲ្យកត់សម្គាល់នៅក្នុងជីវិតរបស់អ្នក។ នេះអាចជាការក្រើនរំលឹកមួយ ដ៏គួរឲ្យភ្ញាក់ផ្អើលដើម្បីដឹងថាអ្វីដែលអ្នករំពឹងទុក ក្តីសង្ឃឹម និងការស្រមើលស្រមៃ ពិតជាខុសទាំងអស់។ មិនថាការងារ ទំនាក់ទំនង ក៏អាចនឹងមានការផ្លាស់ប្តូរដែរ។ រឿងរ៉ាវទាំងនោះ អាចមកភ្លាមៗ ស្ទើរតែគ្មានពេលឲ្យអ្នកគិតល្អិតល្អន់សិន ធ្វើឲ្យអ្នកពិបាកតវ៉ា តែអ្នកមិនចុះចាញ់ងាយៗឡើយ។ ថ្វីដ្បិតតែរឿងទាំងនោះ ធ្វើឲ្យភ្ញាក់ផ្អើលបន្តិចមែន តែបើអ្នកត្រៀមរៀបចំពីឥលូវ អ្នកនឹងមិនវេទនាចិត្ត មិនជួបរឿងដែលអាក្រក់បំផុត ហើយជីវិតអ្នកអាចស្រោចស្រង់បានទាន់ពេលវេលា៕