ខឹងទូ ATM លេបកាតមិនព្រមខ្ជាក់ បុរសម្នាក់យកញញួរវាយកម្ទេចទូចោល
- 2020-12-14 07:30:00
- ចំនួនមតិ 0 | ចំនួនចែករំលែក 0
ខឹងទូ ATM លេបកាតមិនព្រមខ្ជាក់ បុរសម្នាក់យកញញួរវាយកម្ទេចទូចោល
ដោយសារតែត្រូវទូ ATM លេបបាត់កាតរបស់ខ្លួន ដកលុយមិនបាន បុរសម្នាក់បានត្រលប់ទៅផ្ទះយកញញួរ ហើយវាយកម្ទេចទូខាងលើ បន្ទាប់មកក៏ដើរចេញ។ កាលពីយប់ថ្ងៃទី ១០ ខែធ្នូកន្លងទៅនេះ នៅខេត្ត Binh Duong ប្រទេសវៀតណាមបានកើតហេតុការណ៍មួយធ្វើឲ្យអ្នកស្នាក់នៅក្នុងតំបន់ភ្ញាក់ផ្អើលជាខ្លាំង។ ដោយបុរសម្នាក់ បានទៅដកលុយនៅទូ ATM របស់ធនាគារ មួយ ដែលមានអាសយដ្ឋាននៅជិតផ្ទះខ្លួន។
តាមសម្ដី របស់អ្នកដែលមាននៅកន្លែងកើតហេតុផ្ទាល់ ក្រោយពេលបុរសរូបនេះដកលុយមិនបាន ហើយត្រូវទូលេបកាតបាត់នោះ គេក៏ឃើញលោកដើរចេញ តែមិនទាន់បានប៉ុន្មានផង ស្រាប់តែលោកត្រលប់មកវិញ ដោយមានញញួរនៅក្នុងដៃ ហើយវាយកម្ទេចទូម៉ាស៊ីនខាងលើតែម្ដង។
ក្រោយពេលត្រូវអ្នកភូមិរាយការណ៍ ប៉ូលិសតំបន់បានមានវត្តមានដើម្បីអន្តរាគមករណីខាងលើ ហើយបុរសដដែលនេះ ត្រូវបានចាប់ទៅប៉ុស្តិ៍ដើម្បីសាកសួរបន្ត។ មានមុខនៅប៉ុស្តិ៍ បុរសខាងលើបានទទួលស្គាល់កំហុសរបស់ខ្លួន ដោយលោកលើកឡើងថា ដោយសារតែត្រូវការលុយប្រញាប់ តែត្រូវម៉ាស៊ីនលេបកាតបាត់ ទើបធ្វើឲ្យលោកខឹងមួយឆាវទប់អារម្មណ៍មិនជាប់ ទើបមានករណីមិនគួរនេះកើតឡើង។ ប៉ូលិសបានឲ្យដឹងថា នៅពេលមកវាយទូនេះ បុរសខាងលើកំពុងស្ថិតក្នុងស្រវឹងស្រវឹងស្រារួចហើយ ព្រមទាំងមានជម្លោះជាមួយប្រពន្ធផងដែរ៕