៥ រឿងរ៉ាវពិតរបស់មនុស្សស្រីឆា្លតត្រូវតែផ្លាស់ប្តូរឲ្យបាន ក្រោយអាយុ២៤ឆ្នាំ
- 2020-12-08 07:18:00
- ចំនួនមតិ 0 | ចំនួនចែករំលែក 0
៥ រឿងរ៉ាវពិតរបស់មនុស្សស្រីឆា្លតត្រូវតែផ្លាស់ប្តូរឲ្យបាន ក្រោយអាយុ២៤ឆ្នាំ
ចាប់ពីអាយុ២៤ឆ្នាំទៅ គឺជាពេលវេលាដ៏សំខាន់មួយដែលបង្ហាញថាអ្នកកំពុងតែមានភាពចាស់ទុំបន្តិចម្តងៗ ក្នុងការគិត និងបញ្ចេញសកម្មភាព។ ដូច្នេះ ស្ទីលម៉ូដសម្លៀកបំពាក់ ការណាត់ជួប ឬការគ្រប់គ្រងហិរញ្ញវត្ថុក៏ចាំបាច់ត្រូវផ្លាស់ប្តូរឲ្យសមទៅតាមនោះដែរ។ ដូចនេះ នៅពេលចូលដល់វ័យលើសពី២៤ឆ្នាំហើយ រឿងទាំងប៉ុន្មានខាងក្រោម ត្រូវកាត់បន្ថយឲ្យបាន។
គិតពីសម្តីអ្នកដទៃពេក
ក្នុងករណីខ្លះ សម្តីមនុស្សដទៃអាចធ្វើឲ្យអ្នករីកចម្រើន និងអភិវឌ្ឍនៅក្នុងជីវិតនិងការងារ។ តែបើអ្នកគិតពីមាត់មនុស្សដទៃពេក អ្នកនឹងបាត់ភាពជាខ្លួនឯង ហើយមានតែធ្វើឲ្យខ្លួនឯងលំបាកលើសដើម។ហេតុនេះ កុំព្យាយាមប្តូរខ្លួនឯង ដើម្បីគ្រាន់តែចង់ឲ្យអ្នកដទៃសប្បាយចិត្តឲ្យសោះ។
រៀបការជាមួយបុរសមិនល្អ
កុំដោយសារតែអាយុច្រើន កុំដោយសារតែខ្លាចឯកា ហើយអ្នកបែរជាជ្រើសយកបុរសម្នាក់មករៀបការ នោះហៅថា ស្នេហាដ៏អាក្រក់បំផុត។ ទំនាក់ទំនងដែលមិនចេញពីចិត្តស្មោះ គឺជាការចំណាយពេលដ៏ខ្ជះខ្ជាយនិងឱកាសចំពោះខ្លួនឯង។
ខ្វះភាពជឿជាក់
អំឡុងពេលធ្វើការបាន២ -៣ ឆ្នាំ គឺជាពេលវេលាគ្រប់គ្រាន់សម្រាប់អ្នកស្រង់បទពិសោធន៍បានច្រើនហើយ។ ដូច្នេះ កុំនៅស្ទាក់ស្ទើរនឹងខ្វះការជឿជាក់លើសមត្ថភាពរបស់ខ្លួនឯងបន្តទៀត។ ក្នុងករណីដែលលទ្ធផលការងារចេញមកធ្វើឲ្យអ្នកខុសចិត្ត នៅចំណុចនេះ គឺជាពេលវេលាល្អបំផុតដើម្បីកំណត់គោលការណ៍ថ្មីសម្រាប់អ្នកឲ្យច្បាស់ក្នុងថ្ងៃខាងមុខ។
គ្មានការគ្រប់គ្រងច្បាស់លាស់លើផ្នែកហិរញ្ញវត្ថុ
វាគ្មានអ្វីខុសទេ ដែលកាលនៅក្មេងអ្នកបានចំណាយលុយខ្លះទៅដើរលេង ឬលើសម្ភារៈមួយចំនួន ដើម្បីជាការដូខ្លួនឯង។ តែនៅពេលអ្នកចូលវ័យលើសពី២៤ឆ្នាំហើយ អ្នកត្រូវបង្កើតនូវសមិទ្ធិផលខ្លះៗសម្រាប់ខ្លួនឯង។ ការដឹងក្តីមែនទែន នៅពេលអ្នកចេះគណនាច្បាស់លាស់ពីការចំណូលចំណាយនៅពេលបច្ចុប្បន្ន និងអនាគត សម្រាប់ស្ថេរភាពជីវិត ដើម្បីកុំឲ្យថ្ងៃក្រោយត្រូវបារម្ភច្រើលើបញ្ហាហិរញ្ញវត្ថុ នៅពេលជួបហានិភ័យណាមួយដែលកើតឡើងដោយមិនបានព្រាងទុក។
ចាយលុយខ្ជះខ្ជាយលើសម្លៀកបំពាក់
នៅអាយុស្របាលៗ២០ឆ្នាំ អ្នកប្រហែលចង់តុបតែងខ្លួនឲ្យស្រស់ស្អាត តាមវ័យរបស់អ្នកដូចផ្កាកំពុងរីកមិនខាន ។ យ៉ាងណាក៏ដោយ នៅពេលអ្នកចូលដល់វ័យមានការងារធ្វើ ប្រាក់កាសស្ថិតស្ថេរហើយ អ្នកគួរចាស់ទុំលើរបៀបនៃការចំណាយលុយលើការតុបតែងខ្លួននេះឲ្យបានខ្លាំងជាងមុន។ កុំចំណាយប្រាក់ច្រើន ទៅលើសម្លៀកបំពាក់ រហូតទាល់តែអស់ប្រាក់ពីខ្លួន៕