នារីសុំអង្វរឲ្យមិត្តភ័ក្ដិមកញ៉ាំការ ព្រោះមុននោះហៅតែតាម Facebook
- 2020-12-07 08:46:00
- ចំនួនមតិ 0 | ចំនួនចែករំលែក 0
នារីសុំអង្វរឲ្យមិត្តភ័ក្ដិមកញ៉ាំការ ព្រោះមុននោះហៅតែតាម Facebook
ដោយសារតែខ្ជិលទៅដល់ផ្ទះហៅការពេក នារីម្នាក់បានហៅការមិត្តភ័ក្ដិតាមបណ្ដាញសង្គមទាំងអស់ ដែលធ្វើឲ្យមនុស្សជាច្រើនប្រកាន់ ហើយមិនបានចូលរួមពិធីមង្គលការរបស់នាងឡើយ។
ជាមួយនឹងការអភិវឌ្ឍន៍មិនឈប់ឈររបស់បណ្ដាញសង្គម បានធ្វើឲ្យការងារជាច្រើនបានប្រែទៅងាយស្រួលជាងមុន។ ដោយមនុស្សភាគច្រើនបានជ្រើសយកបណ្ដាញសង្គមជាវិធីសាស្ត្រនៃការផ្ដល់ដំណឹងដល់អ្នកដែលស្គាល់គ្នា ព្រោះមនុស្សដែលស្គាល់គ្នាស្ទើរតែទាំងអស់គឺប្រើប្រាស់បណ្ដាញសង្គម។
យ៉ាងណាក្ដី បណ្ដាញសង្គមប្រៀបបានដូចជាកាំបិតមុខ ២ដោយវាអាចជួយសម្រាលបន្ទុកការងារមែនពិត តែក៏អាចធ្វើឲ្យមនុស្សឃ្លាតឆ្ងាយពីគ្នាដែរ។ ដោយខុសពីមុន ដែលនៅពេលមានរឿងអ្វីសំខាន់ៗ មនុស្សនឹងទៅរកគ្នាដើម្បីចែករំលែកនោះ តែពេលនេះ គ្រាន់តែបង្ហោះលើបណ្ដាញសង្គម គឺមានអ្នកគ្រប់គ្នាដឹងទាំងអស់។ តែមិនមែនអ្នកណាក៏ពេញចិត្តនឹងវិធីនេះនោះដែរ។
ជាក់ស្ដែង មុននេះបន្តិច កូនក្រមុំមួយរូបមកពីប្រទេសវៀតណាម បានប្រែទៅជាសើចលែងសមនៅថ្ងៃមង្គលរបស់ខ្លួន ដោយសារតែហៅការតាមបណ្ដាញសង្គម Facebook។ តាមនោះដែរ ដោយសារតែមានមិត្តភ័ក្ដិនៅឆ្ងាយៗ កូនក្រមុំរូបនេះ មិនបានកាន់ធៀបទៅហៅដល់ផ្ទះឡើយ ដោយហៅតាមអនឡាញទាំងអស់។ យ៉ាងណាក្ដី ដោយសារតែគេមិនបានឃើញពីទឹកចិត្តរបស់នាង ទើបនៅថ្ងៃការ គ្មានមិត្តណាមកចូលរួមនោះទេ ដែលធ្វើឲ្យនាងត្រូវប្រើបណ្ដាញសង្គមដដែលនេះ សុំអង្វរឲ្យមិត្តចូលរួម។ នៅលើបណ្ដាញសង្គមកូនក្រមុំបានបង្ហោះថា៖ មកៗអ្នកទាំងអស់គ្នាអើយ please៕