ធ្លាប់ត្រឹមតែជាអ្នកបាំងឆ័ត្រឲ្យគេ តែពេលនេះ Yang Mi វ៉ាមុខ Liu Yifei ដាច់តែម្ដងទាំងសម្រស់ និងកេរ្ត៍ឈ្មោះ

2020-11-24 08:41:00
ចំនួនមតិ 0 | ចំនួនចែករំលែក 0

ទោះបីជាការចាប់ផ្ដើមទាបជាង តារាសម្ដែងស្រីល្បីឈ្មោះ Liu Yifei ក៏ដោយ តែនៅពេលនេះ កំពូលតារាសម្ដែងស្រីចិន Yang Mi បានក្លាយជាតារាសម្ដែងស្រីលេខ ១ចិនទៅហើយ។

ជាយូរមកហើយ មិនថាវិស័យសិល្បៈណានោះទេ តែងតែមានការប្រៀបធៀបគ្នាជានិច្ចរវាងតារានានា ជាពិសេសគឺសិល្បការិនី។ ជាក់ស្ដែង កម្រងរូបភាពកាលពីទើបចូលសិល្បៈរបស់តារាស្រីចិន២ដួងគឺ Liu Yifei និង Yang Mi ទទួលបានការចាប់អារម្មណ៍ជាខ្លាំង។

តាមនោះដែរ នៅពេលទើបចូលសិល្បៈ Liu Yifei មានការចាប់ផ្ដើម ដែលនៅខ្ពស់ស្រឡះតែម្ដង ដោយគ្រាន់តែចូលភ្លាមនាងទទួលបានតួអង្គធំៗ ជាក់ស្ដែងគឺតួ សៀវ ឡុងនី ក្នុងរឿងទេពឥន្ទ្រីបក្សីស្នេហ៍។ ដោយឡែក នៅពេលនោះ Yang Mi បានត្រឹមតែតួបន្ទាប់បន្សំតែប៉ុណ្ណោះ។ មិនត្រឹមតែប៉ុណ្ណោះ នៅពេលឈុតក្រៅឆាកមួយ ដោយសារតែជំនួយការមិនទំនេរ Yang Mi បានធ្លាក់ខ្លួនមកបាំងឆ័ត្រឲ្យ Liu Yifei ទៀតផង។

យ៉ាងណាក្ដី ដូចគេនិយាយមិនខុសឡើយ វាសនាមនុស្សមើលមិនទៀង ដោយក្រោយរយៈពេលជាង ១០ឆ្នាំ វាសនារបស់តារាស្រីទាំង២នេះបានប្រែប្រួលដាច់ស្រឡះ។ ដោយនៅពេលនេះ Yang Mi នៅតែរក្សារាង និងសម្រស់បានដូចដើម ហើយស្អាតជាងមុនទៀតផង។ ដោយឡែក Liu Yifei ពេលនេះបែកសាច់ធាត់ជាងមុន។ បន្ថែមពីនេះ រាល់វណ្ណកម្មថ្មីរបស់ Yang Mi សុទ្ធតែមានពិន្ទុពីអ្នកជំនាញខ្ពស់ទាំងអស់ ផ្ទុយមកវិញ មិនថាស្នាដៃក្នុងស្រុក ឬក្រៅស្រុកនោះទេ Liu Yifei សុទ្ធតែទទួលបានពិន្ទុទាបទាំងអស់។ ជាក់ស្ដែង រឿងដែលមានការបោះទុនរយលានដុល្លារ Mulan បរាជ័យទាំងទីផ្សារក្នុងស្រុក និងក្រៅស្រុក៕