រឿងទាំង ៣បើក្នុងជីវិតមិនបានធ្វើទេ គឺមួយជីវិតនេះគ្មានន័យឡើយ

2020-11-24 02:00:00
ចំនួនមតិ 0 | ចំនួនចែករំលែក 0

ជីវិតមនុស្សនិយាយរួមទៅក៏គ្មានអ្វីមានតម្លៃជាងការធ្វើល្អដាក់អ្នកដទៃនោះទេ បើកើតមកមួយជាតិនេះមិនបានជួយគេម្ដងទៀត គឺទៅវិញមិនមានន័យឡើយ។ ខាងក្រោមនេះគឺជារឿងទាំង ៣ ដែលនៅក្នុ្ងងមួយជីវិតធ្វើយ៉ាងតិចបានម្ដង ទើបជីវិតមិនមានន័យ។

១. មិនបង្ខំអ្នកដទៃ

ក្នុងមួយជាតិមនុស្ស មនុស្សពេលខ្លះរមែងជួបគ្រាល្អ ជួបគ្រាលំបាក គ្មានអ្នកណារលូនពីក្មេងដល់ស្លាប់ឡើយ។ បើគេកំពុងស្ថិតនៅក្នុងកាលៈទេសៈដែលរើបម្រាស់លែងរួចទៅហើយ បើមិនបានជួយយកអសារគេទេ សូមកុំបន្ថែមរុញគេចូលផ្លូវទាល់ឲ្យសោះ។ ដូចពាក្យគេថា មិនរំពឹងមួយជីវិតរស់នៅសុខស្រួល តែសុំត្រឹមតែអ្នកផងមិនបង្ខំចូលផ្លូវស្លាប់ប៉ុណ្ណោះ។

២. កុំធ្វើឲ្យខូចចិត្តធម៌របស់ខ្លួន

មនុស្សម្នាក់ណាកើតមក ក៏ប្រៀបដូចជាក្រដាសសទាំងអស់ ហើយចង់គូរអ្វីនៅលើក្រដាសនោះគឺមកពីយើង។ នេះប្រៀបបានដូចជាចិត្តគំនិតរបស់យើងដែរ។ អ្នកណាកើតមក ក៏មានចិត្តធម៌នៅក្នុងខ្លួន គ្រាន់តែពេលវេលាធ្វើចិត្តនេះកើនឡើង ឬថយចុះប៉ុណ្ណោះ។ កុំបណ្ដាលឲ្យបរិយាកាសជុំវិញខ្លួន ប្រែក្លាយអ្នកពីមនុស្សចិត្តធម៌ មកមនុស្សចិត្តបាបឲ្យសោះ។ គេប្រែទៅជាយ៉ាងណាគឺជារឿងរបស់គេ ឲ្យតែយើងរក្សាចិត្តដ៏ជ្រះថ្លារបស់យើង រឿងល្អនឹងកើតឡើងដោយឯងៗ។

៣. មិនឈ្នានីសអ្នកដទៃ

នៅសម័យកាលដែលអ្នកណាក៏ឡូយឆាយនៅលើបណ្ដាញសង្គមនោះ ការរក្សាចិត្តឲ្យនៅនឹង មិនយារយី ឈ្នានីសគេ គឺពិបាកខ្លាំងណាស់។ មនុស្សមួយចំនួន ឃើញគេបានសុខគឺនៅមិនសុខឡើយ ព្រោះគិតថាហេតុអ្វីយើងមិនបានដូចគេ ម៉េចបានគេសំណាងជាងយើង។ តែនៅពីក្រោយសម្បកដ៏សប្បាយនោះ តើអ្នកមានដឹងទេថា តើគេកំពុងសប្បាយមែនពិត ឬគ្រាន់តែសម្ដែង។ ដូចនេះហើយ ជីវិតអ្នកណា អ្នកហ្នឹងរស់ទៅ កុំឈ្នានីស មិនថាគេទាប ឬខ្ពស់ជាងយើងក៏ដោយ៕

ប្រភព៖ Phunutoday ប្រែសម្រួល៖ Caramel