ការទាក់ទាញពីលក្ខណៈសម្បត្តិខាងក្នុងនេះវាអាចនឹងមានភាពខ្លាំងក្លា ជាងរូបរាងខាងក្រៅទៅទៀត។ បើសិនជាអ្នកមានអត្តចរិតបែបនេះនោះ​ មិនខ្វះទេអ្នកដែលពេញចិត្តនឹងអ្នកនោះ៖

១. ចង់ធ្វើអ្វី ក៏ធ្វើភ្លាមៗ មិនបង្អង់យូរ

ជាពិសេសចំពោះមនុស្សភេទផ្ទុយនេះតែម្ដង ភាគច្រើនអ្នកដែលមានចរិតដែលមិនងាយនឹងអោយនរណាដឹងមុនថាអាចនឹងធ្វើអ្វីមុន អាចអោយអ្នកមើលទៅកាន់តែទាក់ទាញ។ តែបើសិនជាអ្នកមានចរិតបែបនេះត្រូវប្រុងប្រយ័ត្នបន្តិចចំពោះរឿងគ្រឿងស្រវឹង ហើយក៏ព្រោះតែមិនចូលចិត្តភាពច្រំដែលបែបនេះហើយ អ្នកក៏មិនសូវជាចូលចិត្តធ្វើការងារមួយណាអោយជាប់លាប់។ ចំពោះរឿងស្នេហាវិញ មនុស្សប្រភេទនេះ មានមន្តស្នេហ៏ពិសេស ព្រោះតែចរិតមិនចេះអេះអុញយូរបែបនេះ។

២. តែងបារម្ភពីសុខទុក្ខមនុស្សជុំវិញខ្លួន

ទោះជាមនុស្សប្រភេទនេះអាចនឹងធ្វើអ្វីតាមតែអារម្មណ៏ខ្លួនឯងបន្តិចមែន តែវាក៏ជាលក្ខណៈមួយដែលធ្វើអោយមនុស្សភាគច្រើនពេញចិត្តនឹងមនុស្សប្រភេទនេះតាំងតែពីពេលជួបគ្នាដំបូង។ អ្វីដែលកើតឡើងជុំវិញខ្លួនដែលមនុស្សភាគច្រើនមិនចាប់អារម្មណ៏ មិនអាចគេចផុតពីក្រសែភ្នែកពួកគាត់បានឡើយ។ ព្រោះតែចរិត Caring ពីកំណើតបែបនេះហើយ ទើបធ្វើអោយមនុស្សភាគច្រើនដែលបានស្គាល់ពួកគាត់ ពិបាកនឹងមិនពេញចិត្ត។

៣. មនុស្សចូលចិត្តភាពល្អឥតខ្ចោះ

មនុស្សប្រភេទនេះតែងតែល្អិតល្អន់ ចូលចិត្តធ្វើអ្វីដែលមនុស្សភាគច្រើនដែលគិតថាខ្លួនមិនអាចធ្វើបាន ហើយក៏ធ្វើវាទៅយ៉ាងល្អថែមទៀត។ ដោយសារតែភាពជម្នះ មហិជ្ជតាខ្ពស់ ព្រមទាំងហ៊ានធ្វើអ្វីដើម្បីសម្រេចវាបានទៀតនោះ ធ្វើអោយមនុស្សប្រភេទនេះមើលទៅកាន់តែទាក់ទាញ ពីក្រសែភ្នែកមនុស្សភេទផ្ទុយ។