អាសូរ! បុរសដែលផ្ដើមចលនាលក់ក្រលៀន ទិញ iPhone ពេលនេះបានពិការងើបលែងរួចមួយជីវិតហើយ
- 2020-11-20 02:38:00
- ចំនួនមតិ 0 | ចំនួនចែករំលែក 0
អាសូរ! បុរសដែលផ្ដើមចលនាលក់ក្រលៀន ទិញ iPhone ពេលនេះបានពិការងើបលែងរួចមួយជីវិតហើយ
លោក Wang ទទួលស្គាល់ថា ខ្លួននៅពេលនោះ គឺក្មេងខ្លាំងពេក មិនទាន់ដឹងរឿងច្បាស់ទើបមានការសម្រេចចិត្តខុសបែបនេះ ដែលធ្វើឲ្យខ្លួនស្ដាយក្រោយមួយជីវិត។
សម្រាប់មនុស្សជាច្រើន ឃ្លាដែលនិយាយថា៖ លក់ក្រលៀនទិញ iphone គឺជាការលេងសើចមួយ តែពួកគេមិនបានដឹងឡើយថា នៅលើទីផ្សារងងឹត គឺមានលក់ក្រលៀននេះរាល់ថ្ងៃដើម្បីធ្វើការទិញទូរសព្ទទំនើបខាងលើ។ កាលពីជាង ១០ឆ្នាំមុន បុរសចិត្តម្នាក់ត្រកូល Wang នៅពេលនោះមានអាយុ ១៧ឆ្នាំ បានលក់ក្រលៀនរបស់ខ្លួនឲ្យឈ្មួញលើទីផ្សារងងឹត ក្នុងតម្លៃ ៣២០០ដុល្លារ។
នៅពេលនោះ លោកបានយកលុយដែលលក់ក្រលៀនទៅទិញ iPhone 4 និង iPad មួយគ្រឿង។ ក្រោយមួយឆ្នាំ ក្រលៀនម្ខាងទៀតរបស់ខ្លួនចាប់ផ្ដើមចុះខ្សោយធ្វើឲ្យលោកស្រកគីឡូ។
ហើយកាលពីដើមខែ វិច្ឆិកាកន្លងទៅនេះ នៅពេលបណ្ដាញព័ត៌មានចុះទៅសួរនាំលោក ពួកគេបានទទួលបានដំណឹងថា លោកបានពិការ ត្រូវនៅលើគ្រែរៀងរហូតហើយ គឺមិនអាចដើរបានតិចតួចដូចមុនទៀតឡើយ។ និយាយពីការសម្រេចចិត្តរបស់ខ្លួន Wang ប្រាប់ថា៖ នៅពេលនោះ ខ្ញុំក្មេងខ្លាំងពេក មិនទាន់ចេះគិតជ្រៅជ្រះ ទើបនាំឲ្យមានការគិតខុសមួយគ្រា។ នៅពេលនេះ Wang បានត្រឹមតែគេងនៅលើគ្រែ ហើយគ្រប់សកម្មភាពទាំងអស់ តាំងពីបត់ជើង ដល់ហូបចុកគឺត្រូវការគ្រួសារជួយសម្រួលទាំងអស់ ដោយលោកងើបពីគ្រែលែងបាន។ គួរបញ្ជាក់ផងដែរថា Wang គឺជាអ្នកស្ថិតក្នុងចលនាដំបូង ដែលលក់គ្រឿងក្នុងដើម្បីទិញទូរសព្ទទំនើបមកពីសហរដ្ឋអាមេរិកមួយនេះ៕