ខួបកំណើតដ៏ឯកាបំផុតរបស់ Huang Xiaoming មានតែ Zhao Wei ម្នាក់គត់ដែលជូនពរ ប្រពន្ធបាត់ឈឹង

2020-11-16 03:43:00
ចំនួនមតិ 0 | ចំនួនចែករំលែក 0

នៅក្នុងថ្ងៃខួបរបស់ខ្លួន កំពូលតារាសម្ដែងប្រុសចិន Huang Xiaoming បង្ហាញអារម្មណ៍ឯកា ខណៈប្រពន្ធរបស់លោក តារាសម្ដែងស្រី Angelababy រក្សាភាពស្ងៀមស្ងាត់មិនបង្ហាញអ្វីទាំងអស់។

មុននេះបន្តិច បណ្ដាញសង្គមចិន Weibo បានជ្រួលច្របល់ដោយសារសកម្មភាពដ៏ចម្លែករបស់ប្ដីប្រពន្ធតារាសម្ដែងមានឥទ្ធិពលចិន Huang Xiaoming និង Angelababy។ ជាក់ស្ដែង កាលពិថ្ងៃទី ១៣ ខែវិច្ឆិកា កន្លងទៅនេះ គឺជាថ្ងៃខួបទី ៤៣ឆ្នាំរបស់តារាសម្ដែងប្រុសជួរមុខចិន Huang Xiaoming។ តែនៅលើបណ្ដាញសង្គម តួរឿងទេពឥន្ទ្រីបក្សីស្នេហ៍ បែរជាបង្ហាញអារម្មណ៍ពិបាកចិត្តទៅវិញ ដោយលោកបានបង្ហោះរូបហើយនិយាយនៅម៉ោង៤ភ្លឺថា៖ ខួបកំណើតពិសេស ត្រូវមើលខ្លួនឯងនៅក្នុងភក់ និងទឹកត្រជាក់ តែពន្លឺព្រះអាទិត្យនៅតែត្រចះត្រចង់”។

បណ្ដាញព័ត៌មាន Sina បានឲ្យដឹងថា ដោយសារតែនៅក្នុងឱកាសខួបនេះ លោកត្រូវទៅធ្វើការនៅក្រៅមិនបាននៅផ្ទះ ទើបមានអារម្មណ៍ថាឯកាខ្លាំង។ អ្វីដែលគួរឲ្យចាប់អារម្មណ៍នោះគឺ នៅលើរូបភាពនេះ គឺមិនឃើញស្រមោលរបស់ Angelababy ឡើយ ដោយអ្នកដែលចូលជូនពរលោកដំបូងគឺកំពូលតារាសម្ដែងស្រីចិន Zhao Wei ដែលជាមិត្តរួមសាលារបស់លោក។

ដោយស្រីស្អាត ៤៤ឆ្នាំបានសរសេរថា៖ ជូនពរខួបកំណើតមិត្តសម្លាញ់ សូមឲ្យសុខភាព និងមានសុភមង្គលរហូតណា។ ការរក្សាភាពស្ងៀមស្ងាត់របស់ Angelababy បានធ្វើឲ្យការសង្ស័យបែកគ្នារបស់អ្នកទាំង ២ត្រូវរើឡើងជាថ្មី ដោយប៉ុន្មានឆ្នាំជាប់គ្នាមកហើយ ដែលប្ដីប្រពន្ធនេះមិនដែលនៅជាមួយគ្នានៅក្នុងឱកាសពិសេសៗឡើយ៕