មនុស្សស្រីរឹងមាំពិតប្រាកដ មិនដែលចំណាយពេលខ្វល់ពីរឿងទាំង ៧ នេះឡើយ
- 2020-11-12 02:22:00
- ចំនួនមតិ 0 | ចំនួនចែករំលែក 0
មនុស្សស្រីរឹងមាំពិតប្រាកដ មិនដែលចំណាយពេលខ្វល់ពីរឿងទាំង ៧ នេះឡើយ
មនុស្សភាគច្រើនតែងរស់នៅគិតរឿងមិនល្អច្រើន ជាពិសេសគឺមនុស្សស្រី ពីព្រោះបរិបថសង្គមបានឃាត់ឃាំងពួកគេពីរឿងជាច្រើនដែលខ្លួនចង់ធ្វើ។ ទោះជាបែបនេះក៏ដោយ មាននារីមួយចំនួនអាចធ្វើចិត្តរបស់ពួកគេបានយ៉ាងរឹងមាំ ដោយឈរលើគោលចំហ និង ភាពជឿជាក់លើខ្លួនឯង។ នារីមានភាពរឹងមាំទាំងនោះ មិនដែលយកពេលគិតរឿងមិនបានការទាំង ៧ ដូចខាងក្រោមឡើយ៖
**១. ការគិតរបស់អ្នកដទៃ៖** នារីដែលមានភាពជឿជាក់លើខ្លួនឯងមិនរស់នៅដើម្បីស្របតាមគំនិតរបស់អ្នកដទៃឡើយ។ វាហាក់បីដូចជាការរស់នៅគ្មានគោលចំហលើជីវិតរបស់ខ្លួន ម្លោះហើយពួកគេតែងយកក្តីសុខរបស់ខ្លួនឯងជាធំ មិនមែនអ្នកដទៃឡើយ។
២. ការចង់ឈ្នះគ្រប់ពេល៖ មនុស្សដែលមានទំនុកចិត្តលើខ្លួនឯង ហើយ ចេះទទួលស្គាល់ថាខ្លួនឯងខុស ទើបជាមនុស្សរឹងមាំពិតប្រាកដ។ ការជឿជាក់លើខ្លួនឯងមិនបានតម្រូវឱ្យអ្នកត្រូវតែគិតថាខ្លួនមិនចេះខុសនោះឡើយ គឺត្រូវទទួលយកការពិតដោយឈរលើការពិតជាក់ស្តែង។
៣. រូបរាងស្អាតឥតខ្ចោះ៖ នារីដែលមានភាពទំនុកចិត្តលើខ្លួនឯងក្នុងការគ្រប់គ្រងរឿងសំខាន់ៗដូចជា ការងារ មុខរបរ ការសិក្សា ឬ កិច្ចការនានា ពួកគេគ្មានពេលគិតរឿងសម្រស់ឬរូបរាងខ្លាំងប៉ុន្មានទេ។ លើសពីនេះទៀត ពួកគេក៏គ្មានពេលទៅប្រៀបធៀបរូបរាងខ្លួនឯងទៅនឹងនារីដទៃនោះដែរ គឺពួកគេយកពេលធ្វើអ្វីឱ្យជីវិតប្រសើរឡើង និង ធ្វើតែរឿងណាដែលធ្វើឱ្យខ្លួនគេសប្បាយចិត្តប៉ុណ្ណោះ។
៤. ការពេញនិយមនៃសម្លៀកបំពាក់៖ នារីដែលមានភាពរឹងមាំ ពួកគេមិនដែលសូវខ្វល់ថាអ្នកដទៃកំពុងនិយមស្លៀកពាក់បែបណា ឬ ប្រឹងសម្របខ្លួនទៅតាមការពេញនិយមដូចគេដូចឯងឡើយ ពោលគឺគេពេញចិត្តនូវការស្លៀកពាក់បែបណា ពួកគេនឹងស្លៀកបែបនោះដោយមិនខ្វល់ថាអ្នកដទៃគិតយ៉ាងណាឡើយ។
៥. ស្តាយស្រណោះមនុស្សមិនល្អ៖ នារីដែលស្រឡាញ់ និង មានភាពជឿជាក់លើខ្លួនឯង មិនងាយចំណាយពេលសេពគប់ជាមួយមនុស្សដែលមិនឱ្យតម្លៃនាងឡើយ មិនថាក្នុងទំនាក់ទំនងស្នេហាក្តី ក្នុងមិត្តភាពក្តី។ បើនាងស្រឡាញ់ និង ខ្វល់ពីនរណាខ្លាំង ហើយគេមិនបានតបស្នងនូវទឹកចិត្តរបស់នាងទេ នាងនឹងដើរចេញដោយគ្មានស្តាយស្រណោះឡើយ។
៦. ការទាមទារចំណាប់អារម្មណ៍៖ ពួកគេមិនទាមទារការពេញចិត្តឬសរសើរពីអ្នកដទៃឡើយ ជាពិសេស នៅតាមបណ្តាញសង្គមគឺនាងធ្វើការផុសអ្វីៗដែលនាងពេញចិត្ត និង រីករាយនឹងចែករំលែក។ យ៉ាងណាមិញ កុំច្រឡំឱ្យសោះថានាងត្រូវការការចាប់អារម្មណ៍ពីអ្នកដទៃ ព្រោះនាងគ្រាន់ចង់ធ្វើអ្វីដែលនាងរីករាយតែប៉ុណ្ណោះ មិនបានចង់ល្បី ឬ ទាមទារចំណាប់អារម្មណ៍ពីអ្នកណាម្នាក់ឡើយ។
៧. ការនិយាយដើមនាង៖ មាននារីខ្លះតែងចង់ដឹង ចង់ឮថាអ្នកដទៃមានមតិយ៉ាងណាលើរូបគេ តែចំពោះនារីដែលសម្បូរទៅដោយមោទកភាពនិងទំនុកចិត្តនោះ គឺពួកគេមិនដែលយកពេលគិតខ្វល់ថាគេនិយាយអំពីនាងបែបណានោះទេព្រោះវាមិនមែនជាការពិត គឺនាងខ្វល់តែពីរឿងរ៉ាវជីវិតខ្លួនឯង និង លើកទឹកចិត្តខ្លួនឯងតែមួយមុខគត់ ពោលគឺគ្មានសម្តីរបស់អ្នកណាអាចឆក់យកក្តីសុខរបស់នាងឡើយ។
អានបន្ត៖ រឿង ៥ យ៉ាងដែលនារីមុខមូល ប៉ោងៗ តែងតែជួបប្រទះមិនដែលខាន