ការសិក្សាបង្ហាញថា កូនបងច្រើនតែជាមនុស្សឆ្លាតជាងគេក្នុងគ្រួសារ

2020-11-10 02:43:00
ចំនួនមតិ 0 | ចំនួនចែករំលែក 0

កូនបង តែងតែត្រូវបានគេចាត់ទុកជាមនុស្សមានអំណាច បន្ទាប់ពីឪពុកម្ដាយ។ សូម្បីតែអ្នកវិទ្យាសាស្ត្រក៏បានបង្ហាញពីការសិក្សានិងស្រាវជ្រាវជាច្រើនថា កូនច្បងពិតជាដើរតួយ៉ាងសំខាន់ក្នុងការអភិវឌ្ឍបុគ្គលិកលក្ខណៈផ្ទាល់ខ្លួន និងមានភាពពិសេស។ លក្ខណៈ សម្បត្តិទាំងនោះ រួមមាន៖

រូបតំណាង

**១. ច្រើនតែជាមនុស្សឆ្លាតជាងប្អូនៗ**

ការស្រាវជ្រាវបង្ហាញថា IQ របស់កូនច្បងតែងតែខ្ពស់ជាងប្អូនៗ ដែលការសិក្សាកាលពីឆ្នាំ ២០០៧ ចំណោមមនុស្ស ២៥០០០០នាក់ រកឃើញថា កូនច្បងមាន IQ ជាមធ្យម ២ ,៣ លើសប្អូនៗរបស់ពួកគេ។ ដោយឡែក អ្នកស្រាវជ្រាវក៏ជឿថា ភាពខុសគ្នានេះដោយសារកត្តាមជ្ឈដ្ឋានជុំវិញ មិនមែនមកហ្សែនតំណពូជទេ។ ដោយសារពួកគេរស់ក្នុងគ្រួសារដែលមានឪពុកម្ដាយរវល់នឹងការងារ ម្ល៉ោះហើយបន្ទុកមើលថែប្អូនត្រូវធ្លាក់មកលើកូនបង។

រូបតំណាង

២. មានទំនួលខុសត្រូវច្រើនជាងប្អូនៗ

ជាការពិតមិនអាចប្រកែកបាន ភាគច្រើនបងៗតែងតែជាអ្នកជួយផ្ដល់យោបល់ និងមានទំនួលខុសត្រូវខ្ពស់ជាងគេ។ អ្នកនិពន្ធជនជាតិអាមេរិកម្នាក់បានចែករំលែកថា កូនបងជាទូទៅចេះគោរពប្រណិបត្តិលើច្បាប់ទម្លាប់គ្រួសារ ក៏ដូចជាកិត្តិយសគ្រួសារបានល្អ។ បង្កើតភាពស្អិតរមួត រក្សាទំនាក់ទំនង និងជាញឹកញាប់ធ្វើការងារផ្ទះច្រើនជាងគេ។

រូបតំណាង

៣. ច្រើនតែជាមនុស្សជោគជ័យ

ពួកគេមិនត្រឹមតែជាសិស្សពូកែក្នុងសាលារៀន សូម្បីនៅកន្លែងធ្វើការក៏ធ្វើកិច្ចការបានល្អដែរ។ យោងតាម លោក Ben Dattner ផ្នែកចិត្តវិទ្យានៅសាកលវិទ្យាល័យ New York អះអាងថា ដោយសារកូនច្បងបានទទួលការផ្ដាំផ្ញើរច្រើនពីឪពុកម្ដាយ លើសពីនេះគេក៏ត្រូវបានគ្រួសារទាំងមូលរំពឹងខ្ពស់លើគេផងដែរ ដែលជាហេតុធ្វើឲ្យគេតែងជំរុញខ្លួនឯងឲ្យទទួលបានលទ្ធផលល្អ។ នៅមិនទាន់អស់ទេ គេច្រើនតែបោះជំហានទៅមុខជានិច្ច ដើម្បីភាពជោគជ័យក្នុងតំណែងជាអ្នកដឹកនាំក្នុងកន្លែងធ្វើការ។