ប្រយ័ត្នស្រីៗ! ទង្វើ៧យ៉ាងបើឧស្សាហ៍ធ្វើ មុខនឹងប្រែជាខូចខ្ទេចគ្មានសល់
- 2020-11-03 03:47:00
- ចំនួនមតិ 0 | ចំនួនចែករំលែក 0
ប្រយ័ត្នស្រីៗ! ទង្វើ៧យ៉ាងបើឧស្សាហ៍ធ្វើ មុខនឹងប្រែជាខូចខ្ទេចគ្មានសល់
ប្រសិនបើអ្នកនៅតែបន្តទម្លាប់៧យ៉ាងនេះ នោះស្បែកមុខរបស់អ្នកគ្មានថ្ងៃទទួលបានលទ្ធផលល្អទេ ។ លើសពីនេះ វាមានតែធ្វើឲ្យមុខទៅជាខូចខ្ទេច និងចាស់ជាងមុនថែមទៀត។
១. ញិចមុន
លទ្ធផលនឹងធ្វើឲ្យស្បែកប្រែក្លាយជាជាំ ស្នាមពីខាងក្នុង ដែលបណ្តាលឲ្យស្បែកទៅជារ៉ាំរ៉ៃ រលាក ព្រមទាំងរន្ធញើសរីកធំ ទៀតផង។
២. អេះនិងប៉ះមុខញឹកញាប់
ដូចអ្នកដឹងរួចហើយថា នៅក្នុងក្រចករបស់យើងភាគច្រើនមានបាក់តេរី ហេតុនេះបើអ្នកឧស្សាហ៍អេះមុខ នោះនឹងធ្វើឲ្យបាក់តេរីចូលដល់ផ្ទៃមុខដោយផ្ទាល់ ហើយទៅជាឡើងមុនផងដែរ។ ម្យ៉ាងវិញទៀត ការយកដៃមិនស្អាតទៅប៉ះមុខ ក៏ជាស្ពានចម្លងមេរោគទៅដល់សាច់មុខផងដែរ ព្រោះធ្វើឲ្យរន្ធញើសពោពេញដោយធាតុកខ្វក់។
៣. ផឹកទឹកបានតិច
ការផឹកទឹកបានតិច នឹងធ្វើឲ្យស្បែកងាយប្រេះ ស្ងួតជាទីបំផុត ដែលធ្វើឲ្យរាងកាយប្រឈមនឹងហានិភ័យ ហើយជាលទ្ធផលនឹងទៅជាហើម។
៤. ជក់បារី
ឥទ្ធិពលនៃការជក់បារី នឹងធ្វើឲ្យរ៉ាឌីកាល់សេរីក្នុងរាងកាយកើនឡើង ជាហេតុធ្វើឲ្យស្បែកមិនភ្លឺរលោង។ ទន្ទឹមនឹងនេះ វាក៏ធ្វើឲ្យស្បែកងាយនឹងបំផ្លាញទៅដល់ស្រទាប់ផ្នែកផ្សេងៗទៀត នៃរាងកាយផងដែរ។
៥. មិនលាបឡេការពារកម្តៅថ្ងៃ
កាំរស្មីនៃពន្លឺព្រះអាទិត្យ ងាយបំផ្លាញស្បែកឲ្យមើលទៅខ្មៅស្រអាប់ណាស់។ ម្ល៉ោះហើយ មិនថានៅផ្ទះ ឬចេញក្រៅនោះទេ អ្នកដាច់ខាតត្រូវតែលាបឡេការពារកម្តៅថ្ងៃ ដើម្បីការពារកាំរស្មីអ៊ុលត្រាវីយូឡេកុំឲ្យបំផ្លាញស្រទាប់ស្បែកពីខាងក្នុងបាន។
៦. ចូលគេងយប់ជ្រៅ
មិនចូលគេងពីក្បាលព្រលប់ មិនត្រឹមធ្វើឲ្យរាងកាយហត់នឿយនៅថ្ងៃបន្ទាប់ឡើយ តែវាក៏ជះឥទ្ធិពលធ្វើឲ្យអរម៉ូនរាងកាយផ្លាស់ប្តូរផងដែរ។ នោះនឹងបណ្តាលឲ្យស្បែកគ្មានលទ្ធភាពជួសជុលខ្លួនឯងបានទាំងស្រុង ធ្វើឲ្យប្រែជាស្បែកខ្មៅស្រអាប់ មានរង្វង់ខ្មៅនៅក្រោមភ្នែកទៀត។
៧. មិនជូតគ្រឿងសម្អាងឲ្យអស់ មុនចូលគេង
ប្រសិនបើអ្នកមិនបានជូតមុខឲ្យស្អាតជ្រះល្អទេ នឹងធ្វើឲ្យរន្ធញើសរបស់ស្បែកមុខប្រែជារីកធំ ដែលងាយឲ្យកើតមុនជាទីបំផុត។ ដូច្នេះ មុនចូលគេង គប្បីជូតគ្រឿងសម្អាងមុខឲ្យជ្រះល្អ ដោយការប្រើហ្វូមលាងមុខ ឬ ប្រេងជូតមុខ រហូតដល់អ្នកប្រាកដថាផ្ទៃមុខរបស់អ្នកពិតជាស្អាតល្អមែន៕