ខុសគេតែឯង តារាដទៃដើរតែម្នាក់ឯង Ju Jing Yi ពួយជំនួយការបាំងឆ័ត្រ៤នាក់ឡើងជិតឈឺង
- 2020-10-13 08:01:00
- ចំនួនមតិ 0 | ចំនួនចែករំលែក 0
ខុសគេតែឯង តារាដទៃដើរតែម្នាក់ឯង Ju Jing Yi ពួយជំនួយការបាំងឆ័ត្រ៤នាក់ឡើងជិតឈឺង
កម្រងរូបភាបក្រៅឆាករបស់តារាសម្ដែង និងចម្រៀងស្រីកំពុងឡើងកូដ Ju Jing Yi កំពុងទទួលបានការរិះគន់ជាខ្លាំង ដោយសារការប្រើជំនួយការច្រើនពេល ខុសពីតារាដទៃ។
អាចនិយាយបានថា តារាសម្ដែង និងចម្រៀងស្រីល្បីឈ្មោះចិន Ju Jing Yi គឺជាសិល្បការិនីដែលទទួលបានចំណាប់អារម្មណ៍ជាខ្លាំង មិនថាពីបណ្ដាញព័ត៌មាន ឬទស្សនិកជន ដោយគ្រប់សកម្មភាពរបស់នាងគឺត្រូវបានគេចាំឃ្លាំមើលជានិច្ច។
ជាក់ស្ដែងបណ្ដាញព័ត៌មាន QQ បានរាយការណ៍ថា ស្រីស្អាតវ័យ ២៦ឆ្នាំកំពុងថតរឿងភាគបុរាណថ្មី។ តែអ្វីដែលធ្វើឲ្យគេចាប់អារម្មណ៍នោះគឺ ខណៈដែលមិត្តរួមសម្ដែងរបស់ តារាកើតឆ្នាំ ១៩៩៤ នេះធ្វើខ្លួនសាមញ្ញ ដើរទៅណាមកណាតែម្នាក់ឯង គ្មានជំនួយការសូម្បីតតែម្នាក់នោះ តួរឿង ពស់សពស់ខៀវ បែរជាប្រើជំនួយការដល់ទៅ ៥ នាក់ ដោយមានអ្នកបាំងឆ័ត្រឲ្យ ៤នាក់ ឡើងជិត ដោយគេមើលនាងសឹងតែមិនឃើញ។
ក្រោយពេលអត្ថបទនេះត្រូវបានចុះផ្សាយ ទស្សនិកជនជាច្រើនបានសម្ដែងការមិនពេញចិត្តចំពោះសកម្មភាពរបស់ស្រីស្អាតរូបនេះ ដោយពួកគេបានលើកឡើងថា តំណែងរបស់តារារូបនេះក្នុងពិភពសិល្បៈមិនទាន់បានដល់កម្រិត A ឡើយ ហើយទោះបីជាតារាលំដាប់ A ក៏គ្មានអ្នកណាប្រើអ្នកបាំងឆ័ត្រដល់ទៅ ៤នាក់នោះដែរ។ គេសង្ស័យថា នាងធ្វើបែបនេះដើម្បីទាក់ទាញចំណាប់អារម្មណ៍តែប៉ុណ្ណោះ៕