ដឹងហើយ ភ្ញាក់ព្រើត! អាថ៍កំបាំង៣ធំៗ ដែលប្តីច្រើននិយាយដើមប្រពន្ធប្រាប់អ្នកផ្សេង
- 2020-10-02 03:36:00
- ចំនួនមតិ 0 | ចំនួនចែករំលែក 0
ដឹងហើយ ភ្ញាក់ព្រើត! អាថ៍កំបាំង៣ធំៗ ដែលប្តីច្រើននិយាយដើមប្រពន្ធប្រាប់អ្នកផ្សេង
ដោយសារតែស្វាមីជាច្រើនដឹងថា រឿងខ្លះបើនិយាយត្រង់ពេកនៅចំពោះមុខប្រពន្ធ ច្បាស់ជានាងមិនសប្បាយចិត្ត។ ហេតុនេះហើយ បុរសជាច្រើនតែងនិយាយរឿងពិបាកក្នុងចិត្តអំពីប្រពន្ធរបស់ខ្លួនប្រាប់ទៅមិត្តជិតស្និទ្ធ ឬអ្នកដទៃឲ្យបានដឹង។
១. ប្រពន្ធរអ៊ូច្រើន
ភរិយាជាច្រើនតែងតែគិតថា ការដែលខ្លួននិយាយច្រើនហូរហែរមកនេះ ហេតុផលគឺដើម្បីតែប្តីល្អដែរ ដោយសារនាងនៅបារម្ភច្រើនពីស្ថានភាពគ្រួសារ ដូច្នេះហើយទើបនាងប្រឹងរំលឹកនិងជម្រុញប្តីរបស់នាងរាល់ថ្ងៃបែបនេះ។ យ៉ាងណាក៏ដោយ ស្វាមីមានអារម្មណ៍ថា នេះជារឿងគួរឲ្យធុញទ្រាន់ហើយធុញទ្រាន់ទៀត ដែលប្រពន្ធចេះតែរអ៊ូរាល់ថ្ងៃបែបនេះ។
ទើបអ៊ីចឹងហើយ បុរសជាច្រើននៅពេលជួបជុំមិត្តភក្កិម្តងៗ គាត់តែងនិយាយចំណុចនេះអំពីប្រពន្ធរបស់ខ្លួន ។ ប៉ុន្តែពួកគេភ្លេចហើយថា ប្រសិនបើប្រពន្ធមិនស្រលាញ់ប្តី នាងក៏មិនរអ៊ូច្រើនអ៊ីចឹងដែរ។
២. មុខមិនចេះស្រស់
ជីវិតប្រៀបដូចដងផ្លូវដែលពេលខ្លះ ត្រូវជួបបញ្ហាស្ទះចរាចរណ៍។ មិនខុសគ្នាដែរ នៅកន្លែងធ្វើការ បុរសជួនកាលក៏ជួបរឿងមិនសប្បាយចិត្ត ដូច្នេះបើប្រពន្ធឃើញប្តីមកដល់ផ្ទះ ហើយនាងធ្វើមុខក្រញូវ មុខមិនរីកហើយមិនចេះសួរនាំដោយសំនួរឲ្យបានត្រឹមត្រូវ ប្តីណាក៏គ្មានកម្លាំងដែរ។ គាត់អាចនិយាយពីប្រពន្ធដែលមិនចេះផ្តល់នូវភាពកក់ក្តៅមួយឲ្យគាត់ មិនចេះលើកទឹកចិត្ត ប៉ុន្តែបែរជាចេះតែរអ៊ូនិងមុខកាចមិនឈប់ឈរ។ ដែលនេះហើយ ចេះតែធ្វើឲ្យប្តីខឹង និងមិនសូវចង់ចូលផ្ទះ។
៣. ប្រពន្ធរិះថាំពេក
ប្រពន្ធតែងតែជាអ្នករៀបចំទុកដាក់លុយកាក់ មិនហ៊ានចាយខ្ជះខ្ជាយ ព្រោះខ្លាចថ្ងៃខាងមុខត្រូវជួបវិបិត្តណាមួយ អាចយកលុយសន្សំទាំងនេះមកដោះទាល់បាន។ យ៉ាងណាក៏ដោយ នៅពេលបុរសខំប្រឹងធ្វើការរកស៊ីពេញមួយខែ ហើយគាត់ចង់បានរបស់អ្វីមួយ តែបែរជាប្រពន្ធរឹតត្បិតគាត់ នោះគាត់នឹងមានអារម្មណ៍ថាមិនស្រណុកចិត្តជាមួយភរិយាទេ។ គាត់នឹងគិតថា គ្រួសារនេះពុំមានភាពស្មើគ្នា បើទោះនោះជាប្រាក់ខែពេញមួយខែរបស់គាត់ តែគាត់បែរជាគ្មានសិទ្ធទៅវិញ។ ស្វាមីនឹងមានអារម្មណ៍សោកសៅ ហើយមួលម៉ៅ ដែលជាហេតុធ្វើឲ្យគេអត់ទ្រាំពុំបាននឹងនិយាយរឿងទាំងនេះប្រាប់ទៅអ្នកដទៃ។
យ៉ាងនេះក្តី ក្នុងគ្រួសារមួយបើចង់ឲ្យមានសុភមង្គល លុះណាតែភាគីទាំងសងខាងចេះយោគយល់គ្នា ព្រមទាំងចិត្តត្រជាក់ មិនបង្ករឿងតូចឲ្យក្លាយជាធំ។ លើសពីនេះទៅទៀត ការផ្តល់កិត្តិយសឲ្យគ្នាទៅវិញទៅមក គឺការមិននាំភ្លើងក្នុងទៅក្រៅ ទើបគ្រួសារបានសុខ និងរមនាបានយូរ៕