គ្រួសារមួយរលាយហិនហោច ក៏ដោយសារតែមូលហេតុដ៏តូចមួយនេះ
- 2020-10-02 02:00:00
- ចំនួនមតិ 0 | ចំនួនចែករំលែក 0
គ្រួសារមួយរលាយហិនហោច ក៏ដោយសារតែមូលហេតុដ៏តូចមួយនេះ
នៅក្នុងគ្រួសារណាមួយ ប្រសិនបើឪពុកម្ដាយយកកូនធ្វើជាស្នូលកណ្ដាល ហើយតាមចិត្តកូនគ្រប់បែបយ៉ាង នឹងងាយធ្វើឲ្យគ្រួសារមួយនោះឆាប់ខ្ចាត់ព្រាត់ខ្លាំងណាស់។
ស្រលាញ់កូនមិនគិតហេតុផល តាមកូនគ្រប់បែបយ៉ាង
បើសង្កេតទៅលើតថភាពពិតនៅក្នុងសង្គមនាពេលបច្ចុប្បន្ន ក្រៅពីកូនមួយចំនួនដែលមានគំនិតប្រកបដោយព្រហ្មវិហារធម៌ ក៏នៅសល់កូនមួយចំនួនធំនៅតែខិលខួច ដើរបង្កររឿងគ្រប់ទីកន្លែងជាដើម។ ខណៈមនុស្សមួយចំនួនគិតថា ការដើរបំផ្លាញគ្រសារ បំផ្លាញសង្គមបែបនេះ គឺជាចរិតធម្មជាតិរបស់កូនទាំងនោះ តែតាមការពិត ឪពុកម្ដាយក៏មិនរួចផុតពីទំនួលខុសត្រូវចំពោះសកម្មភាពរបស់ពួកកូនៗនេះដែរ។
ត្បិតបើតាំងពីតូច អ្នកមានគុណទាំង២បានប្រៀនប្រដៅកូនឲ្យបានតឹងរឹង ម្ល៉េះកូនធំឡើង ក៏មិនបានមានបក្សពួកដើរធ្វើឲ្យខូចកេរ្តី៍ឈ្មោះឪពុកម្ដាយនោះឡើយ។ សួរថា ម៉េចគ្រួសារខ្លះ កូនធំឡើងមានកំណើត ឯមួយចំនួនទៀត ធំឡើងបែរជាបំផ្លាញទៅវិញ។ បើកំហុសនេះមិនមែនជារបស់ឪពុកម្ដាយតើជារបស់អ្នកណា?
ដើមចមនៃបញ្ហាក៏បណ្ដាលមកពីចិត្កតស្រលាញ់កូនហួសហេតុពេក ដែលធ្វើឲ្យកូនខូច កូនចង់ធ្វើអ្វីកីបាន។ ទោះបីដឹងថា ឪពុកម្ដាយស្រលាញ់កូនគឺត្រូវ តែត្រូវស្រលាញ់នៅកម្រិតមួយដែលអនុញ្ញាត មិនមែនបិទភ្នែកស្រលាញ់នោះឡើយ។ សម្រាប់អាណាព្យបាលដែលកំពុងស្រលាញ់កូនខុស សូមគិតឡើងវិញនូវវិធីដែលបង្រៀនកូន មុនពេលកូនបោះជើងចូលសង្គមពិតប្រាកដ៕