វិធីរៀបចំបន្ទប់គេងសម្រាប់គូស្វាមីភរិយា ដែលទោះរៀបការយូរក៏នៅតែផ្អែមល្ហែម
- 2020-10-02 01:30:00
- ចំនួនមតិ 0 | ចំនួនចែករំលែក 0
វិធីរៀបចំបន្ទប់គេងសម្រាប់គូស្វាមីភរិយា ដែលទោះរៀបការយូរក៏នៅតែផ្អែមល្ហែម
វិធីរៀបចំបន្ទប់គេងសម្រាប់គូស្វាមីភរិយា ដែលទោះរៀបការយូរក៏នៅតែផ្អែមល្ហែមនេះដើម្បីកុំឲ្យសុភមង្គលគ្រួសារមានការប៉ះពាល់ សូមអ្នកគួរចៀសវាងកំហុសរៀបបន្ទាប់ទាំងឡាយខាងក្រោម។
១. មិនដាក់គ្រែនៅជិតបង្អួច
មនុស្សជាច្រើនគិតថា ដាក់គ្រែក្បែរបង្អួចគឺល្អ ព្រោះមានខ្យល់អាកាសស្រស់ថ្លា។ យ៉ាងណាក្ដី ក្រៅពីរឿងហុងស៊ុយ ការដាក់គ្រែជាប់បង្អួចក៏អាចធ្វើឲ្យអ្នកងាយកើតជំងឺផ្លូវដង្ហើមផងដែរ។ បើគិតតាមតម្រាហុងស៊ុយ ការដាក់គ្រែជាប់បង្អួច ងាយធ្វើឲ្យប្ដីប្រពន្ធបែកគំនិត ស្រលាញ់អ្នកទី៣។
២. មិនដាក់អំពូលគេងលើក្បាលដំណេក
ការដាក់អំពូលគេងលើក្បាលដំណេកតែម្ដង ធ្វើឲ្យចាំងភ្នែក និងអារម្មណ៍ធ្ងន់ធ្ងរ ងាយធ្វើឲ្យប្ដីប្រពន្ធកើតចិត្តក្ដៅក្រហាយ បង្ករជាជម្លោះឈ្លោះគ្នា។ អំពូលគេងគួរដាក់លើតុឃ្លាតឆ្ងាយពីគ្រែបន្តិច ដើម្បីឲ្យស្រឡះអារម្មណ៍។
៣. ដាក់គ្រែនៅចំណុចកណ្ដាល
សូមដាក់គ្រែរបស់អ្នកនៅចំកណ្ដាលបន្ទប់ ចៀសវាងការដាក់វៀចទៅខាងណាម្ខាង ត្បិតការដាក់មិនស្មើគ្នានេះ អាចធ្វើឲ្យថាមពលប្ដីប្រពន្ធមិនស្មើគ្នា ងាយកើតទៅជាឡាក់ឆុងជាដើម។ មិនត្រឹមតែប៉ុណ្ណោះ ការដាក់គ្រែវៀច ងាយធ្វើឲ្យជនទី៣ងាយជ្រៀតជ្រែកចូលមនោសញ្ចេតនារបស់អ្នកទាំង២។
៤. រើសរាងបន្ទប់ឲ្យត្រូវជ្រុង
ជម្រើសល្អបំផុតគឺបន្ទាប់រាងការេ ចៀសវាងបន្ទប់មានរាងមិនច្បាស់ វៀច ឬជារង្វង់ជាដើម។ ត្បិតរាងបន្ទប់មិនប្រក្រតី នឹងធ្វើឲ្យមនោសញ្ចេតនារបស់អ្នកមិនរឹងមាំ ងាយប្រេះឆា។ បន្ថែមពីនេះ គឺអាចបង្ករជាក្ដីក្ដៅក្រហាយដល់ប្ដីប្រពន្ធទាំង២៕