កត្តាទំាង ៦ ដែលធ្វើឲ្យស្បែកអ្នកមានស្នាមជ្រីវជ្រួញ
- 2020-09-21 06:53:00
- ចំនួនមតិ 0 | ចំនួនចែករំលែក 0
កត្តាទំាង ៦ ដែលធ្វើឲ្យស្បែកអ្នកមានស្នាមជ្រីវជ្រួញ
ផ្អែកលើការសិក្សាស្រាវជ្រាវមួយចំនួនបានឲ្យដឹងថា របបអាហារប្រចំាថ្ងៃ ការប្រើប្រាស់ផលិតផល និងទម្លាប់ប្រចំាថ្ងៃអាចជះឥទ្ធិពលដល់ស្បែករបស់អ្នកបាន។ នៅពេលអ្នកដឹងពីរបៀបថែរក្សាមុខ តែអ្នកមិនដឹងពីប្រភេទអាហារដែលត្រូវតមឡើយ។ មានទម្លាប់មួយចំនួនប្រចំាថ្ងៃដែលអ្នកគួរចៀសវាងដើម្បីទទួលបានសុខភាពស្បែកល្អក្មេងជាងវ័យ។ ដូច្នោះ កត្តាទំាង ៦ ដែលងាយធ្វើឲ្យស្បែកអ្នកជ្រីវជ្រួញនោះរួមមាន៖
១. ការគេងមិនគ្រប់គ្រាន់ធ្វើឲ្យស្បែកខ្វះជាតិទឹក
យោងតាមការសិក្សាមួយបានឲ្យដឹងថា ប្រសិនបើអ្នកគេងតិចជាង ៥ ម៉ោងក្នុងមួយថ្ងៃអាចបណ្តាលឲ្យអ្នកបាត់បង់ជាតិទឹកនិងកើនឡើងបញ្ហាស្បែក។ ការគេងបានល្អគឺជាគន្លឹះនៃការថែរក្សាសម្រស់និងជួសជុលសម្រាប់កោសិកាថ្មីៗ។ ដូចនេះ ប្រសិនបើអ្នកគេងបានគ្រប់គ្រាន់នោះ អ្នកអាចនឹងមើលមកក្មេងជាងវ័យជាងធម្មតា។
២. កង្វះសារធាតុប្រឆំាងអុកស៊ីតកម្មអាចកើតជាស្នាមជ្រីវជ្រួញ
តើអ្នកដឹងទេថាវីតាមីន A, C, E, និង potassium គឺមានសារៈសំខាន់ណាស់សម្រាប់សុខភាពស្បែក។ ដូច្នោះហើយ អ្នកគួរតែទទួលទានការ៉ុត ប៉េងប៉ោះ និងបន្លែបៃតងឲ្យបានច្រើន។ លើសពីនេះ អ្នកក៏អាចបន្ថែមប្រេងអូលីវចូលក្នុងរបបអាហារបន្ថែមទៀតរឹតតែល្អ។
៣. ការបរិភោគសាច់ក្រហមអាចបង្កជាស្នាមជ្រីវជ្រួញលើផ្ទៃមុខ
មានការសិក្សារបស់ជនជាតិ Dutch បានលើកឡើងថាចំពោះស្រ្តីណាដែលនិយមបរិភោគសាច់ក្រហមច្រើនគឺទំនងមានស្នាមជ្រួញលើផ្ទៃមុខច្រើន។ លើសពីនេះ ការចម្អិនសាច់លើសកម្តៅអាចបង្កទៅជាជំងឺទឹកនោមផ្អែមបានទៀតផង។ ប្រសិនបើអ្នកចង់បរិភោគ គប្បីចំហុយសាច់នោះច្រើនជាងការអំាង។ ក្រៅពីនេះ គប្បីបន្ថែមផ្លែឈើចូលក្នុងរបបអាហាររបស់អ្នក។
៤. មុជទឹកក្តៅជាមួយសាប៊ូយូរឲ្យនំាឲ្យស្បែកស្ងួត
ផលិតផលអស់ទំាងនេះអាចធ្វើឲ្យកម្រិត pH ប្រែប្រួលងាយឲ្យស្បែកអ្នករលាកនិងស្ងួត។ បន្ទាប់មកទៀត វានឹងធ្វើឲ្យស្បែកអ្នកឆាប់ចាស់ព្រោះវាបាត់បង់របំាងការពារស្បែក។
៥. របបអាហារតែមួយមុខងាយធ្វើឲ្យស្បែកឆាប់ចាស់
របបអាហាហរតែមួយមុខមានន័យថាការទទួលទានអាហារតែមួយមុខនៅក្នុងពេលតែមួយ។ ការទទួលទានបែបនេះគឺមិនល្អសម្រាប់សុខភាពអ្នកឡើយដោយសារតែវានំាឲ្យខ្វះប្រតេអ៊ីន ខ្លាញ់ និងកាបូនអ៊ីដ្រាតដែលធ្វើឲ្យស្បែកមានលទ្ធភាពតិចក្នុងការព្យាបាល។
៦. កង្វះប្រតេអ៊ីនធ្វើឲ្យស្បែកឆាប់ចាស់
មានការស្រាវជ្រាវលើកឡើងថា បើអ្នកបដិសេធការទទួលទានកាឡូរីនិងប្រតេអ៊ីនតិចនោះ ស្បែករបស់អ្នកនឹងបាត់បង់ភាពបត់បែននិងបន្ទាប់មកទៀតអាចនំាឲ្យមានស្នាមជ្រីវជ្រួញ។ តែបើអ្នកបរិភោគគ្រប់គ្រាន់វិញ វានឹងល្អសម្រាប់ស្បែករបស់អ្នកទៅវិញព្រោះវាជួយជួសជុលនិងព្យាបាលស្បែកឲ្យល្អវិញ៕
ចុចអានបន្ត៖
ហេតុអ្វីបានជាអ្នកមិនអាចគេងដោយគ្មានអ្វីអោប?