ទង្វើទាំង ៥ របស់ឪពុកម្តាយធ្វើឱ្យកូនក្លាយជាក្មេងឈ្លើយដោយមិនដឹងខ្លួន

2020-09-13 08:00:00
ចំនួនមតិ 0 | ចំនួនចែករំលែក 0

ឪពុកម្តាយណាក៏ចង់ឱ្យកូនមានអត្តចរិតល្អ គួរឱ្យស្រឡាញ់ និងជាក្មេងដែលចេះស្តាប់បង្គាប់ដែរ។ ដូច្នេះហើយទើបការចិញ្ចឹមបីបាច់ ព្រមទាំងការផ្តល់ដំបូន្មានទាំងឡាយត្រូវចាប់ផ្តើមឡើងតាំងពីកូននៅតូច។ យ៉ាងណាមិញ ប្រសិនអ្នកជាឪពុកម្តាយចិញ្ចឹមកូនជាមួយទម្លាប់ទាំង ៥ ខាងក្រោមនេះ មានន័យថាអ្នកកំពុងបង្រៀនកូនឱ្យក្លាយជាក្មេងឈ្លើយដោយមិនដឹងខ្លួនហើយ៖

១. ទម្រើសតាមចិត្តកូន៖ ឧទាហរណ៍ថាអ្នកបញ្ចុកបាយឱ្យកូន តែកូនបែរជាមិនចង់ញ៉ាំ ហើយស្រែកយំរករឿង នោះអ្នកមិនគួរតាមចិត្តកូនដោយរករបស់ផ្សេងមកលួងគេទេ។ ទង្វើនេះនឹងធ្វើឱ្យកូនលែងខ្លាច ហើយកាន់តែទម្រើសរករឿងខ្លាំងឡើងៗ។

២. កាន់ជើងកូន៖ អ្នកជាឪពុកម្តាយមិនត្រូវមើលរំលងកំហុសកូនដោយសំអាងលើហេតុផលថា «កូនវានៅក្មេង កុំប្រកាន់នឹងវាអី» បែបនេះទេ។ ធ្វើដូច្នេះកូនរបស់អ្នកអាចក្លាយជាក្មេងទំនើងនៅថ្ងៃក្រោយ និងទទួលខុសត្រូវចំពោះទង្វើរបស់គេជាមិនខាន។

រូបតំណាង

**៣. ទម្លាប់អ្នកណាប៉ះមិនបាន៖** អ្នកមិនគួរថ្នមកូនជ្រុលរហូតអ្នកដទៃប៉ះមិនបានទេ បើគេធ្វើខុសនៅសាលារៀនទុកឱ្យគ្រូបន្ទុកថ្នាក់ជាអ្នកចាត់ការចំពោះកំហុសគេចុះ។

៤. ខ្វល់ខ្វាយពីគេខ្លាំងពេក៖ ទទួលស្គាល់ថាឪពុកម្តាយត្រូវមានពេលវេលាច្រើនសម្រាប់នៅជាមួយកូន និងយកចិត្តទុកដាក់ចំពោះគេ ប៉ុន្តែអ្នកក៏គួរទុកពេលឱ្យគេរៀនធ្វើអ្វីដោយខ្លួនឯងខ្លះដែរ។ ពុំនោះទេគេនឹងក្លាយជាមនុស្សទម្រន់នៅពេលធំឡើងមិនខាន។

រូបតំណាង

៥. ពង្វក់ក្មេងដោយបច្ចេកវិទ្យា៖ សម័យនេះឪពុកម្តាយភាគច្រើនមិនសូវមានពេលនៅកំដរកូនទេ ពួកគេជំនួសដោយការប្រើរបស់បច្ចេកវិទ្យាផ្សេងៗដើម្បីលួងកូន។ ការធ្វើបែបនេះមិនខុសពីធ្វើកូនក្លាយជាក្មេងទម្រើសទេ នៅពេលដែលគេមិនបានអ្វីដែលគេចង់បាន គេនឹងរករឿងក្រាញននាលធ្វើឱ្យអ្នកពិបាកលើសដើម៕

ចុចអាន៖កំហុសឆ្គង ៤យ៉ាងរបស់ឪពុកម្ដាយ ដែលធ្វើឲ្យកូនលួចយំម្នាក់ឯងនៅពេលគេង

ប្រភព៖ demic ប្រែសម្រួល៖ អ៊ុង រ័ត្នបញ្ញា