អ្នកជំនាញផ្នែកសម្រស់ណែនាំ ផលិតផល៣មុខដែលអ្នកមិនគួរចំណាយលុយទិញឡើយ
- 2020-09-08 03:54:00
- ចំនួនមតិ 0 | ចំនួនចែករំលែក 0
អ្នកជំនាញផ្នែកសម្រស់ណែនាំ ផលិតផល៣មុខដែលអ្នកមិនគួរចំណាយលុយទិញឡើយ
អ្នកជំនាញផ្នែកសម្រស់បានណែនាំថា ផលិតផលថែរក្សាសម្រស់មួយចំនួនគឺមិនចាំបាច់សម្រាប់អ្នកប្រើប្រាស់ខ្លាំងពេកទេ។ អ្នកអាចទុកលុយរបស់អ្នកសន្សំក៏បាន ព្រោះទោះមានក៏មិនអី គ្មានក៏មិនអីដូចគ្នា។
ផលិតផលលាបក្រោមភ្នែក (Eye Cream)
បើអ្នកមានគ្រីម ឬឡេលាបមុខមួយដបហើយ ចំពោះឡេលាបភ្នែកអាចមិនអើពើក៏បាន។ អ្នកឯកទេសផ្នែកសម្រស់ចង្អុលបង្ហាញថា ទោះជាអ្នកមិនប្រើឡេលាបជុំវិញភ្នែក ក៏ស្បែកនៅបរិវេណនោះភ្លឺថ្លា និងគ្មានស្នាមជ្រួញបានដែរ។ សេរ៉ូម និងគ្រីមបំបាត់ជ្រួញសម្រាប់លាបមុខ គឺល្មមគ្រប់គ្រាន់ឲ្យអ្នកលាបបានសព្វទាំងមុខ និងវាសដល់ក្រោមភ្នែកបានទៀតផង។ ម្ល៉ោះហើយ មិនបាច់បន្ថែមអ្វីមួយជាន់ទៀតទេ គឺមិនសំខាន់ឡើយ។
ឡេលាបដៃ -ជើង
អ្នកមានត្រឹមឡេផ្តល់សំណើមសម្រាប់លាបរាងកាយ តែមួយមុខនេះគឺគ្រប់គ្រាន់ហើយ មិនបាច់ត្រូវទិញឡេលាបដៃផង ជើងផងផ្សេងៗគ្នាទេ។ អាចថា កន្លងមកធ្លាប់លឺគេនិយាយថា ផលិតផលរក្សាសម្រស់មិនអាចប្រើបូកបល់គ្នាបានទេ ត្រូវប្រើឲ្យចំមួយៗ ទើបធ្វើឲ្យអ្នកចង់ទិញឡេសម្រាប់លាបស្បែកកាយផង លាបជើងផ្សេង និងលាបដៃផ្សេងបែបនេះ។ តាមពិត នេះគ្រាន់ជាការខ្ជះខ្ជាយលុយប៉ុណ្ណោះ ព្រោះឡេផ្តល់សំណើមសម្រាប់លាបរាងកាយ ក៏អាចយកមកលាបលើប្រអប់ដៃនិងជើងឲ្យទន់ ម៉ត់រលោង ពេញទាំងរាងកាយបានដែរ។
ម៉ាសលាបពេលយប់ (Sleeping mask)
ម៉ាសប្រភេទនេះ ផ្តល់ជាតិសំណើមខ្លាំងសម្បើមណាស់ដល់ស្បែក។ យ៉ាងណាក៏ដោយ បើតាមអ្នកជំនាញផ្នែកសម្រស់ពីប្រទេសកូរ៉េ ប្រាប់ថា Sleeping mask ត្រូវគេចាត់ទុកជាផលិតផលជួយចិញ្ចឹមស្បែកមុខរបស់អ្នកបាន សូម្បីតែពេលអ្នកកំពុងគេងលក់។ យ៉ាងនេះក្តី ជាតិសំណើមដ៏មហិមារបស់វាមិនទាមទារឲ្យអ្នកលាបរាល់យប់ទេ។ អ្វីដែលអ្នកត្រូវការ ត្រឹមលាបឡេផ្តល់សំណើមរាល់ថ្ងៃឲ្យស្បែកទទួលបានគ្រប់គ្រាន់ មិនបាច់ត្រូវការ Sleeping mask សូម្បីតែពេលគេងឡើយ៕