ប្រភេទផ្លែឈើទាំងឡាយដែលមិនគួរសែនក្នុងខែខ្មោចចិន បើមិនចង់នាំទុក្ខដាក់ខ្លួន

2020-09-04 03:20:00
ចំនួនមតិ 0 | ចំនួនចែករំលែក 0

ចេកគឺជាប្រភេទផ្លែឈើដែលមិនតែងតែត្រូវបានយកមកសែននៅក្នុងឱកាសជាច្រើន យ៉ាងណាក្ដីក្នុងខែ ៧ចិន (ខែខាងក្រោម) ដែលត្រូវគេស្គាល់ថាជាខែអ្នកគួរជៀសសែនប្រភេទផ្លែនេះ។ មិនសែនផ្លែចេក ដើម្បីអុជធូបនៅពេលបន់ស្រន់អ្វីមួយ។សម្រាប់វិញ្ញាណខ្មោចនានានោះ

តាមក្បួនហុងស៊ុយ ចេកមួយស្និតតំណាងឲ្យការទាក់ទាញ។ ដូចនេះហើយ ប្រភេទផ្លែនេះត្រូវបានពេញនិយមខ្លាំងសម្រាប់ការសែននានាដើម្បីពាំនាំមកនូវ សំណាងល្អដល់គ្រួសារ។ យ៉ាងណាក្ដី សម្រាប់ខែ៧ចិន (ខែខាងក្រោម) ដែលជាខែដែលគេបើកទ្វារនរក ឲ្យវិញ្ញាខ្មោចចេញមករកស៊ីនោះ ម្ចាស់ផ្ទះ ឬបុគ្គលនានាមិនគួរសែនចេករាល់ពេលសុំអ្វីនោះឡើយ។ ត្បិតយើងអាច អចេតនាហៅវិញ្ញាណតែលតោលឲ្យមកនៅផ្ទះ ត្បិតផ្លែមួយនេះ មានឥទ្ធិពលទាក់ទាញថាមពលច្រើន។ ដែលក្រៅពីអ្វីដែលយើងសុំ ផ្លែនេះអាចហៅវត្ថុអរូបដែលយើងអាចមើលមិនឃើញក៏ថាបាន។ ក្រៅពីនេះ អ្នកក៏គួរជៀសវាងសែនប្រភេទផ្លែឈើខាងក្រោមនេះ ដើម្បីកុំឲ្យទទួលរឿងអពមង្គល។

១. ផ្លែឈើក្លែងក្លាយ

គ្រួសារមួយចំនួនគិតថា ផ្លែឈើជ័រ ឬផ្លែឈើក្លែងក្លាយអាចប្រើបានច្រើនដង និងសន្សំសំចៃ តែការដាក់ផ្លែឈើបែបនេះគឺហាមដាច់ខាតមិនឲ្យសែនឡើយ ត្បិតមិនមានវត្ថុស័ក្ដិសិទ្ធណាទទួលសំណែននេះនោះទេ។ ប្រសិនបើជីវភាពមិនធូរធារ អ្នកអាចសែនផ្លែឈើទៅតាមសមត្ថភាព តែមិនអាចដាក់ផ្លែឈើជ័របាននោះឡើយ។

២. ផ្លែឈើមានបន្លាមុតស្រួច

ការដាក់សែនផ្លែឈើដែលមានបន្លា ឬមុតស្រួចត្រូវបានគេចាត់ទុកថា ការបំផ្លាញភាពស្ងប់ស្ងាត់ និងសុវត្ថិភាពដែលអ្នកប៉ងចង់បាន នាំមកនូវតែឧបសគ្គ ប៉ះពាល់ដល់សុខភាពរបស់សមាជិកក្នុងគ្រួសារ។ អាស្រ័យហេតុនេះ នៅពេលសែនត្រូវជៀសវាងប្រភេទផ្លែឈើនេះ៕