ការពារកុំឲ្យសាច់មុខខូចខ្ទេចដោយសារMake Up រាល់ថ្ងៃ គួរដឹងតិចនិកសំខាន់ៗ
- 2020-09-04 01:52:00
- ចំនួនមតិ 0 | ចំនួនចែករំលែក 0
ការពារកុំឲ្យសាច់មុខខូចខ្ទេចដោយសារMake Up រាល់ថ្ងៃ គួរដឹងតិចនិកសំខាន់ៗ
សម្រាប់មិត្តៗយុវវ័យឬនៅក្នុងវ័យណាក៏ដោយ ឲ្យតែចូលចិត្ត Make Up រាល់ថ្ងៃ ស្បែកមុខងាយនឹងជួបបញ្ហា ជាពិសេសឆាប់វិវត្តទៅកាន់ភាពចាស់ជាងវ័យ។ ដើម្បីការពារស្បែកមុខ ឲ្យមើលនៅតែរលោងស្រស់ថ្លា មានសុខភាពល្អ ស្រីៗគួរដឹងតិចនិកសំខាន់ៗដូចខាងក្រោមនេះ។
១. ប្រើផលិតផលថែរក្សាស្បែកមុនពេលតុបតែងមុខ
ពេលស្បែកមុខនៅក្មេងមិនទាន់អីនៅឡើយទេ ប៉ុន្តែប្រសិនបើអ្នក Make Up យូរៗទៅ ផលិតផលគ្រឿងសម្អាងទាំងនោះ នឹងចូលទៅបំផ្លាញស្បែកមុខពីមួយថ្ងៃទៅមួយថ្ងៃ។ ត្រូវចាំថា គ្រឿងសម្អាងអាចធ្វើឲ្យអ្នកមើលទៅស្អាតជាងមុនមួយរំពេច ប៉ុន្តែវាមិនអាចធ្វើឲ្យស្បែកប្រសើរឡើងបានទេ។ យ៉ាងហោចណាស់គួរលាបឡេការពារកម្តៅថ្ងៃ មុនពេលប្រើប្រាស់គ្រឿងសម្អាង។
២. មិនត្រូវផាត់ម្សៅទ្រនាប់ក្រាស់ៗពេក
មនុស្សស្រីបើចូលចិត្តផាត់ម្សៅរាល់ថ្ងៃខ្វះមិនបាន គួរប្រើតិចៗកាន់តែល្អ។ ម្យ៉ាងវិញទៀត ផាត់ម្សៅទ្រនាប់ក្រាស់ៗពេក វានឹងធ្វើឲ្យមុខឆាប់ចាស់ ដូច្នេះគួរប្រើ BB CC គ្រីម ល្អជាង។
៣. លាបក្រែមរលោង
ក្រែមលាបមាត់គឺជាគ្រឿងសំខាន់ក្នុងការជួយលើកសម្រស់មួយកម្រិតទៀត ប៉ុន្តែសម្រាប់អ្នកដែលចូលចិត្តលាបប្រភេទក្រែមស្ងួតមានពណ៌ក្រមៅខ្លាំង វាមិនត្រឹមតែធ្វើឲ្យឃើញមុខចាស់ប៉ុណ្ណោះទេ ថែមទាំងប៉ះពាល់ដល់បបូរមាត់ ធ្វើឲ្យស្បែកមាត់ស្ងួតគ្មានសំណើមផងដែរ។ គួរប្រើក្រែមណា ដែលជួយឲ្យបបូរមាត់ទន់រលោងមានសុខភាពល្អ។
៤. មិនត្រូវផាត់ពណ៌ភ្នែកដិតក្រមៅ
ឃើញតារាក្នុង Instagram ឬ bloggers និយមផាត់មុខវាយគូល័រភ្នែកពណ៌ដិតក្រមៅ តើអ្នកចង់ធ្វើតាមបែបនោះដែរមែនទេ? ការផាត់ស្ទីលបែបនោះ មើលទៅស្អាតប្លែកទាក់ទាញពិតមែន ប៉ុន្តែគួរផាត់ម្តងម្កាលឬផាត់ពេលទៅចូលរួមកម្មវិធីបានហើយ។ សម្រាប់ការតុបតែងប្រចាំថ្ងៃ គួរដាក់ពណ៌ស្រាលល្មម ឬមិនបាច់ផាត់ក៏សោះបាន ត្រឹមលាបម៉ាស្ការ៉ាបែបធម្មជាតិ ក៏ទាក់ទាញមិនស្ទើរដែរ។
****ដើម្បីសម្រស់ស្រស់ស្អាតបានយូរទៅថ្ងៃមុខ កុំគិតចង់ស្អាតតែថ្ងៃនេះមួយពេល៕**
ចុចអានបន្ត៖ ស្ទីលផាត់ភ្នែកដ៏ទាក់ទាញ តាមលំដាប់លំដោយ ស្រីៗគួរសាកល្បងហោចណាស់ម្ដង