រាជិនី Mukbang Yang Soo Bin សម្រកគីឡូសរុបបាន៤៥គីឡូ រាងពេលនេះឡើងស្វែល តែមិនទាន់ពេញចិត្តទៀត
- 2020-09-02 06:47:00
- ចំនួនមតិ 0 | ចំនួនចែករំលែក 0
រាជិនី Mukbang Yang Soo Bin សម្រកគីឡូសរុបបាន៤៥គីឡូ រាងពេលនេះឡើងស្វែល តែមិនទាន់ពេញចិត្តទៀត
ធ្លាប់មានទម្ងន់ជាង ១០០គីឡូ តារា Youtube កូរ៉េ Yang Soo Bin បានធ្វើឲ្យគេមិនសរសើរមិនបានក្រោយពេលនាងបានប្ដេជ្ញាចិត្ត សម្រកគីឡូបានដល់ទៅ ៤៥គីឡូ។ និយាយពីតារាញ៉ាំអីនៅលើបណ្ដាញសង្គម Youtube ស្រីស្អាត Yang Soo Bin ប្រហែលជាគ្មានគូប្រកួតឡើយ កាលពីមុន ត្បិតនាងអាចបានញ៉ាំបានច្រើន ហើយនាងធ្វើឲ្យគេស្រក់ទឹកមាត់ស្ទើរគ្រប់គ្នា។
យ៉ាងណាក្ដី ដោយដឹងថា ទម្ងន់របស់ខ្លួន មិនអាចធ្វើឲ្យនាងមានសុខភាពល្អនោះ នាងបានសម្រេចចិត្តបញ្ចុះទម្ងន់ទាំងដឹងថា ការធ្វើបែបនេះអាចធ្វើឲ្យនាងបាត់បង់ភាពល្បីឈ្មោះក៏ដោយ។ ជាក់ស្ដែង វីដេអូមួយៗដែលធ្លាប់មានគែមើលរាប់លានអ្នកនោះ ពេលនេះត្រូវបានធ្លាក់ចុះត្រឹមរាប់សែននាក់ទៅហើយ។
ទោះជាបែបនេះក៏ដោយ នាងនៅតែឲ្យតម្លៃទៅលើសុខភាពរបស់ខ្លួន ដោយនៅតែញ៉ាំតម និងបន្តហាត់ប្រាណជានិច្ច។ ជាលទ្ធផល នៅពេលនេះ នាងបានសម្រកគីឡូសរុបបានដល់ទៅ ៤៥គីឡូ ធ្វើឲ្យរាងរបស់នាងនៅពេលនេះ ស្វែលជាងមុនខ្លាំង ប្រៀបដូចមនុស្ស២ផ្សេងគ្នា។ មិនបញ្ឈប់ត្រឹមនេះ តារា Youtube រូបនេះ នៅប្ដេជ្ញាចិត្តបន្តសម្រកឲ្យបានស្គមជាងនេះទៅទៀត។ ជាក់ស្ដែង បច្ចុប្បន្នទម្ងន់របស់នាងគឺ ៨៦គីឡូ៕