ខ្ជិលទិញម៉ាសតាមអនឡាញនាំខាតលុយច្រើន! យកល្ហុងលាបមុខត្រូវបានដល់ទៅ៣ប្រភេទស្បែកដោយមិនបារម្ភច្រើន
- 2020-09-01 07:48:00
- ចំនួនមតិ 0 | ចំនួនចែករំលែក 0
ខ្ជិលទិញម៉ាសតាមអនឡាញនាំខាតលុយច្រើន! យកល្ហុងលាបមុខត្រូវបានដល់ទៅ៣ប្រភេទស្បែកដោយមិនបារម្ភច្រើន
ដោយសារតែបរិយាកាសបច្ចុប្បន្នពោរពេញដោតសារធាតុពុល ធ្វើឲ្យមិត្តនារីជាច្រើនពិបាកនឹងទទួលបានស្បែកសស្រស់ថ្លាណាស់។ ម្ល៉ោះហើយ ដើម្បីទទួលបានស្បែកមុខទន់និងភ្លឺថ្លា មានសំណើម អ្នកចាំបាច់ត្រូវស្វែងរកដំណោះស្រាយ ពីម្ហូបអាហារ គ្រឿងសម្អា ក៏ដូចជាគ្រឿងថែរក្សាសម្ផស្សផងដែរ។ តែយ៉ាងណាក៏ដោយ យើងក៏ពិបាកសន្មត់ថា តើគ្រឿងសម្អាងទាំងនោះពិតជាគ្មានជាតិគីមី ហើយធ្វើឲ្យស្បែកមុខរបស់យើងទទួលបានលទ្ធផលល្អឬអត់។ ដូច្នេះ ថ្ងៃនេះ កញ្ញា សូមលើកយកគុណប្រយោជន៍ពីផ្លែល្ហុង ដែលអ្នកមិនត្រឹមអាចទទួលទានប៉ុណ្ណោះទេ តែក៏អាចធ្វើជាម៉ាសបិទមុខបានផងដែរ។
១. ធ្វើម៉ាសសម្រាប់អ្នកមានស្បែកស្ងួត
សម្រាប់អ្នកមានស្បែកស្ងូត គ្រឿងផ្សំដែលល្អបំផុតគឺ ល្ហុងលាយជាមួយទឹកឃ្មុំ។ សារជាតិទាំង២នេះលាយចូលគ្នាតែមួយ ព្រោះទឹកឃ្មុំនឹងជួយឲ្យស្បែកមានសំណើម ហើយអង់ស៊ីមក្នុងផ្លែល្ហុងនឹងជួយបង្រួមរន្ធញើស លាងសម្អាតស្បែកបានយ៉ាងល្អបំផុត។
វិធីធ្វើ៖ -ល្ហុងទុំ ១ /៤ -ទឹកឃ្មុំ ១/២ ស្លាបព្រា -ទឹកក្រូចឆ្មា ១/ ២ ស្លាបព្រា
យកគ្រឿងផ្សំទាំង៣មុខនេះលាយចូលគ្នា រួចលាបលើមុខ ប្រមាណ១០នាទី រួចសម្អាតចេញដោយទឹកត្រជាក់។ ដើម្បីទទួលបានគុណភាពឆាប់រហ័ស អ្នកអាចអនុវត្តវាជារៀងរាល់ថ្ងៃបាន។
២. ធ្វើម៉ាសសម្រាប់អ្នកមានស្បែកខ្លាញ់
សម្រាប់អ្នកមានដែលមានបញ្ហាស្បែកខ្លាញ់ គួរប្រើផ្លែល្ហុងនិងក្រូចឆ្មា ព្រោះផ្លែក្រូចផ្ទុកសារជាតិធម្មជាតិដែលជួយកាត់បន្ថយជាតិខ្លាញ់លើស្បែកបាន។ នៅពេលលាយល្ហុងនិងក្រូចចូលគ្នា វានឹងជួយឲ្យស្បែកមើលទៅភ្លឺថ្លា គ្មានខ្លាញ់ផងដែរ។
វិធីធ្វើ៖ -ល្ហុងទុំ ៣ស្លាបព្រា -ទឹកក្រូចឆ្មា ៣ស្លាបព្រា
លាយគ្រឿងផ្សំ២មុខនេះចូលគ្នាឲ្យសព្វ រួចលាបលើមុខ។ ទុកចោលប្រមាណ១៥នាទី រួចជម្រះចេញដោយទឹកស្អាត។ អនុវត្តឲ្យបានទៀងទាត់ នោះអ្នកនឹងទទួលបានលទ្ធផលជាទីគាប់ចិត្ត។
៣. ធ្វើម៉ាសសម្រាប់អ្នកមានស្បែកធម្មតា
ចំពោះប្រិយមិត្តដែលចង់បានស្បែកមុខពេញដោយសំណើម ភ្លឺថ្លា និងស្បែកផូរផង់តាមបែបធម្មជាតិ គួរប្រើគ្រឿងផ្សំ៣យ៉ាង គឺល្ហុង ចេក និងត្រសក់។
វិធីធ្វើ៖ លាយសារធាតុទាំង៣ចូលគ្នាជាល្បាយមួយ បន្ទាប់មកលាបវាលើមុខ និងក ប្រហែល១០ -២០ នាទី។ ក្រោយមក ត្រូវលាងជម្រះដោយទឹកស្អាត ហើយនៅពេលអនុវត្តបែបនេះបានទៀងទាត់ ស្បែកមុខរបស់អ្នកនឹងប្រែជាមានសំណើម គួរឲ្យចង់ប៉ះ៕