តេស្ត៖ សាកល្បងរើសក្រេមមួយដែលអ្នកចូលចិត្ត ដើម្បីដឹងថាអ្នកខ្វាយខ្វល់អ្វីជាងគេក្នុងចិត្ត

2020-08-28 06:30:00
ចំនួនមតិ 0 | ចំនួនចែករំលែក 0

ប្រិយមិត្តទំាងអស់គ្នា ប្រហែលជាធ្លាប់លេងល្បែងទាយរូបកន្លងមកដោយមានជាច្រើនប្រភេទ។ ហេតុដូចនេះថ្ងៃនេះ អ្នកទំាងអស់គ្នានឹងបានដឹងពីល្បែងថ្មីមួយទៀត គឺការជ្រើសរើសក្រេមណាមួយក្នុងចំណោមទំាងបួនប្រភេទ។ នៅពេលអ្នកជ្រើសរើសរួចហើយ អ្នកនឹងបានដឹងពីក្តីខ្វាយខ្វល់នៅក្នុងចិត្តអ្នកជាងគេ។ ហេតុដូចនេះ ចូរមកដឹងអត្ថន័យទំាងអស់គ្នា៖

ក្រេមទី១

បើអ្នកជ្រើសរើសយកក្រេមទី១ មានន័យថារឿងដែលអ្នកខ្វាយខ្វល់ជាងគេនោះគឺរឿងថ្ងៃអនាគត។ អ្នកមានការបារម្ភថាផ្លូវនៅថ្ងៃអនាគតនោះគឺមានការខុសប្លែកពីអ្វីដែលអ្នកបានគិតទុក។ ប៉ុន្តែជាការពិតនោះ ដរាបណាអ្នករស់នៅរាល់ថ្ងៃដោយមានក្តីសុខនោះ ច្បាស់ណាស់ថាវានឹងមានរឿងល្អកើតឡើងសម្រាប់ថ្ងៃខាងមុខដែរ។

ក្រេមទី២

បើអ្នកជ្រើសរើសយកក្រេមទី២ មានន័យថារឿងដែលអ្នកខ្វាយខ្វល់ជាងគេនោះគឺរឿងលុយកាក់។ ក្នុងចិត្តអ្នកហាក់បីមានសេចក្តីសុខស្ងប់ល្អ នៅពេលអ្នកមានប្រាក់គ្រប់គ្រាន់ក្នុងខ្លួន។ ដូច្នោះហើយ ប្រសិនបើអ្នកបន្តការតាមរកទ្រព្យសម្បត្តិនោះអ្នកនឹងមានភាពនឿយហត់ក្នុងការដេញតាមវា។

ក្រេមទី៣

បើអ្នកជ្រើសរើសយកក្រេមទី៣ មានន័យថារឿងដែលអ្នកខ្វាយខ្វល់ជាងគេនោះគឺរឿងរំជួលចិត្ត។ អ្នកជាមនុស្សតែងផ្តោតលើអ្នកដទៃ ដូច្នោះរាល់ការដើររបស់អ្នកដទៃនឹងមានឥទ្ធិពលមកលើរូបអ្នក។ យ៉ាងនេះហើយ ចូរអ្នកផ្តោតការយកចិត្តទុកដាក់មកលើខ្លួនឯងជាជាងទៅលើអ្នកដទៃដោយថែរក្សាផ្លូវកាយនិងផ្លូវចិត្តរបស់អ្នក។

ក្រេមទី៤

បើអ្នកជ្រើសរើសយកក្រេមទី៤ មានន័យថារឿងដែលអ្នកខ្វាយខ្វល់ជាងគេនោះគឺភាពអន់ថយ។ អ្នកពុំមានភាពជឿជាក់លើខ្លួនឯង អ្នកឆាប់មានភាពរំជួលចិត្ត ភិតភ័យនៅពេលជួបប្រទះរឿងហេតុផ្សេងៗ។ លើសពីនេះ អ្នកមិនអាចធ្វើការសម្រេចចិត្តបាននិងមានការស្ទាក់ស្ទើ។ ហេតុដូចនេះហើយ ចូរអ្នកស្វែងរកបុគ្គលិកលក្ខណៈរបស់អ្នកនិងសិក្សាពីវាឲ្យបានច្បាស់លាស់៕