កូនប្រសារ ៣ប្រភេទនេះ ម៉ែក្មេក និងសាច់ថ្លៃគ្មានថ្ងៃអាចមើលងាយបានឡើយ
- 2020-08-27 12:03:00
- ចំនួនមតិ 0 | ចំនួនចែករំលែក 0
កូនប្រសារ ៣ប្រភេទនេះ ម៉ែក្មេក និងសាច់ថ្លៃគ្មានថ្ងៃអាចមើលងាយបានឡើយ
នៅពេលចំណងមនោសញ្ចេតនាប្ដីប្រពន្ធស្អិតរមួតខ្លាំងនោះ ប្ដីប្រាកដជាស្រលាញ់ប្រពន្ធខ្លាំង។ ដូចនេះម្ដាយប្ដីប្រាកដជាដឹងថា ធ្វើបាបកូនប្រសារ ក៏មិនខុសពីធ្វើបាបកូនប្រុសខ្លួនឯងដែរ។ យ៉ាងណាក្ដី ប្រសិនបើអ្នកជាកូនប្រសាររបៀបទាំង៣ខាងក្រោមនេះ សាច់ថ្លៃទាំងអស់គ្នា គ្មានអ្នកណាអាចធ្វើបាបអ្នកបានឡើយ។
១. កូនប្រសារដែលមានគ្រឹះសេដ្ឋកិច្ចរឹងមាំ
ទោះជាយ៉ាងណាក៏ដោយ បញ្ហាលុយកាក់នៅតែជារឿងមួយដែលមិនអាចគេចផុតទោះបីជាម្ដាយក្មេក កូនប្រសារស្រលាញ់គ្នាយ៉ាងណា។ ដោយសាច់ថ្លៃតែងតែគិតថា កូនប្រសារជញ្ជក់ឈាមកូនប្រុសខ្លួនឯង ប្រសិនបើនាងមិនមានការងារធ្វើត្រឹមត្រូវ។ ផ្ទុយមកវិញ បើអ្នកបញ្ជាក់ឲ្យឃើញថា រឿងលុយកាក់របស់អ្នករឹងមាំនោះ គឺពិបាកមានអ្នកណាហើបមាត់បញ្ឈិតបញ្ឍៀងអ្នកបានណាស់។
២. កូនប្រសារដែលមានខ្នងរឹងមាំ
នៅពេលរៀបការ ប្រសិនបើគ្រួសារខាងស្រីមានទំនាក់ទំនងនៅក្នុងសង្គមទូលាយ ដែលអាចជួយឲ្យខាងប្ដី មានការងារ ក៏ដូចជាកិត្តិយសនៅក្នុងសង្គមនោះ ម្ដាយក្មេកនឹងពិបាករកលេសធ្វើបាបខ្លាំងណាស់។ ត្បិតមុនពេលធ្វើអ្វី ក៏គាត់ត្រូវពិចារណាថា កូនប្រសារក៏អ្នកជួយគ្រួសារខ្លួនដែរ។
៣. កូនប្រសារដែលរស់នៅចុះសម្រុងនឹងប្ដី
មិនថាម្ដាយណានោះទេ ទោះបីកូនគេល្អយ៉ាងណាក៏ដោយ ប្រាកដជាកាន់ជើងកូនខ្លួនឯងមុនហើយ។ ដូចនេះ នៅពេលជំលោះមួយផ្ទុះឡើង ខាងសាច់ថ្លៃប្រាកដជាគិតថា យើងជាអ្នករករឿងមុន។ អាស្រ័យហេតុនេះហើយ ដើម្បីកុំឲ្យមានមាត់ចាបមាត់ព្រាប ទោះបីជាមានការឈ្លោះគ្នាមែនពិត ក៏យើងមិនត្រូវសម្ដែងឲ្យឃើញនៅនឹងមុខនោះទេ ដោយអាចទៅផ្ទះបិទទ្វាជជែកតែ២នាក់ប្ដីប្រពន្ធបាន។