តេស្ត៖ ជ្រើសរើសចម្លើយណាមួយ ដើម្បីដឹងថាមនុស្សដែលអ្នកប្រាថ្នានៅថ្ងៃអនាគតជួបអ្នកពេលណា

2020-08-24 06:30:00
ចំនួនមតិ 0 | ចំនួនចែករំលែក 0

ស្នេហាពេលខ្លះអាចកើតឡើងដោយចៃដន្យរវាងមនុស្សពីរនាក់ដោយឥតបានព្រៀងទុកមុន។ អ្នកខ្លះជួបភ្លាមស្រឡាញ់ភ្លែតដូចជាផ្លេកបន្ទោរ ឬអាចមកជានិស្ស័យអ្នកទំាងពីរក៏ថាបាន។ ហេតុដូចនេះហើយ ថ្ងៃនេះ ប្រិយមិត្តទំាងអស់គ្នានឹងបានលេងល្បែងជ្រើសរើសចម្លើយដើម្បីដឹងថា គូរគាប់ចិត្តរបស់អ្នកនឹងជួបអ្នកនៅកន្លែងណា។ ដើម្បីលេងល្បែងនេះបាន អ្នកគ្រាន់តែសម្លឹងមើលរូប រួចហើយជ្រើសរើសចម្លើយមួយតែប៉ុណ្ណោះ ដូច្នោះអត្ថន័យនៃចម្លើយនីមួយៗរួមមាន៖

ក ស្រាទំពំាងបាយជូរ

បើអ្នកគិតថា នារីម្នាក់នោះកំពុងទទួលទានស្រាទំពំាងបាយជូរបានសេចក្តីថាបុរសដែលអ្នកប្រាថ្នានឹងមកជួបអ្នកនៅកន្លែងដែលមានរុក្ខជាតិបៃតង។ នាពេលថ្មីៗនេះ អ្នកគប្បីទៅកន្លែងដែលមានលក្ខណៈធម្មជាតិឲ្យបានច្រើនបន្តិច។ ប្រសិនបើអ្នកមិនមានពេលវេលាច្រើននោះទេ អ្នកអាចដើរទៅតាមសួនច្បារក្បែរផ្ទះ ដើម្បីស្រូបយកខ្យល់អាកាសនិងបរិយាកាសល្អៗបាន។ ការធ្វើបែបនេះអាចនឹងឲ្យអ្នកមានអារម្មណ៍ស្រស់ស្រាយក៏ដូចជាជួបមនុស្សថ្មីៗដែរ។

ខ ទឹកក្រូចច្របាច់

បើអ្នកគិតថា នារីម្នាក់នោះកំពុងតែទទួលទានទឹកក្រូចច្របាច់នោះមានន័យថា បុរសដែលអ្នកប្រាថ្នាអាចនឹងជួបអ្នកនៅកន្លែងស្ងប់ស្ងាត់ដូចជាហាងកាហ្វេ បណ្ណាល័យជាដើម។ នៅពេលអ្នកស្ងប់ស្ងាត់ អ្នកនឹងអាចស្តាប់យល់ពីបេះដូងរបស់អ្នកបានយ៉ាងងាយស្រួលថាមនុស្សដែលអ្នកចង់បានជាមនុស្សប្រភេទណា។ មិនត្រឹមតែប៉ុណ្ណោះ បុរសប្រភេទនោះនឹងតែងនៅរុញច្រានអ្នកចេញពីភាពងងឹតបាន។

គ ស្រាក្រហម

បើអ្នកយល់ថា នារីក្នុងរូបនេះទទួលទានស្រាក្រហម មានន័យថាបុរសដែលអ្នកប្រាថ្នានឹងអាចជួបអ្នកក្នុងពិធីជួបជុំក្នុងកម្មវិធីសង្គមនានា។ ប្រសិនបើអ្នកមានឱកាសក្នុងការចូលរួមការងារសង្គម មិនថាជារឿងរកស៊ី ឬ បណ្តាញការងារសង្គមអីនោះទេ អ្នកគួរឆ្លៀតចូលរួមតាមដែលអាចធ្វើបានដើម្បីបានជួបមិត្តថ្មីៗនិងអាចបង្ហាញខ្លួនអ្នកទៅមនុស្សដទៃទៀតផង។ មិនត្រឹមតែប៉ុណ្ណោះ អ្នកក៏អាចពង្រីកសមត្ថភាពខ្លួនឯងបានប្រសើរផងដែរ។

ឃ ស្រាសំប៉ាញ

បើអ្នកយល់ថា នារីក្នុងរូបនេះទទួលទានស្រាសំប៉ាញបានសេចក្តីថា មនុស្សដែលអ្នកតែងប្រាថ្នានោះអាចជួបអ្នកក្នុងឱកាសកម្មវិធីសិក្សាផ្សេងៗ។ ប្រសិនបើអ្នកមានឱកាសក្នុងបង្ហាញសមត្ថភាពទាក់ទងនឹងការរៀនសូត្រ មិនថាជាការចូលរួមឬការធ្វើបទបង្ហាញ អ្នកគួរសាកល្បងលមើល។ អ្នកត្រូវតែជឿជាក់លើខ្លួនឯងថាអាចធ្វើបាន ដើម្បីអភិវឌ្ឍសមត្ថភាពអ្នក៕