ឥលូវមានតម្លៃខ្លួនខ្ពស់ជាង Lee Minho មែនពិត តែ Kim Soo Hyun ធ្លាប់របូតតួក្នុងរឿង F4 កូរ៉េ

2020-08-03 03:10:00
ចំនួនមតិ 0 | ចំនួនចែករំលែក 0

តើអ្នកធ្លាប់ស្រមៃទេថា ប្រសិនបើរឿងភាគ ហើយកំពូលតារាសម្ដែងប្រុសកូរ៉េ Lee Minho និង Kim Soo Hyun នឹងទៅជាយ៉ាងណា?

ទស្សនិកជនស្ទើរតែគ្រប់រូបទៅហើយដែលដឹងថា តារាសម្ដែងប្រុសកូរ៉េ Kim Soo Hyun គឺជាតារាប្រុសលំដាប់ A របស់កូរ៉េ ដោយមានតម្លៃខ្លួនខ្ពស់កប់ពពក ដោយក្នុងរឿងមួយភាគ គឺ១០ម៉ឺនដុល្លារ។ យ៉ាងណាក្ដី អ្នកមានដែលដឹងទេថា តារាលំដាប់ខ្ពស់មួយនេះ ក៏ធ្លាប់របូតតួសម្ដែងដូចអ្នកដទៃដែរ ពេលទើបចូលសិល្បៈ។

តាមនោះដែរ នៅក្នុងវីដេអូក្រោយឆាកមួយ ដែលចាក់បញ្ចាំងលើប៉ុស្តិ៍ទូរទស្សន៍ជប៉ុន ដែលបង្ហាញពីសកម្មភាពហាត់សម មុនពេលថតរឿង កន្លង់បាក់ស្លាប កុលាបមានស្នេហ៍នោះ គេបានសង្កេតឃើញថា នៅពេលនោះ Kim Soo Hyun ក៏ចូលរួមហាត់សមនឹងតួអង្គដទៃទៀតដែរ។

ជាក់ស្ដែង នៅពេលនោះ ប្រុសស្អាតវ័យ ៣២ឆ្នាំ កំពុងសាកតួ មិត្តភ័ក្ដិរួមថ្នាក់របស់តួ គឹម ចាន់ឌី។ យ៉ាងណាក្ដី អ្នកដឹកនាំរឿងហាក់មិនទាន់ពេញចិត្តនឹងសមត្ថភាពរបស់ តារារូបនេះ អ្នកដឹកនាំបានឲ្យលោកសាកឡើងវិញ ម្ដងទៀត។ គួរឲ្យសោកស្ដាយ នៅចុងបញ្ចប់ លោកនៅតែមិនអាចទទួលបានតំណែងខាងលើ ដោយតួនេះ ត្រូវបានធ្លាក់លើ តារាសម្ដែងប្រុស Jung Eui Chul ជំនួសវិញ។

រឿងភាគ ខាងលើក្រោយពេលចាក់បញ្ចាំង បានធ្វើឲ្យកេរ្តិ៍ឈ្មោះរបស់ Lee Minho និងតួដទៃ ល្បីសព្វអាស៊ី។ យ៉ាងណាក៏ដោយ នៅពេលនេះ តម្លៃខ្លួនរបស់តួ Goo Jun Pyo នៅតែទាបជាងរបស់ Kim Soo Hyun ដោយនៅពេលនេះ Lee Minho ទទួលបាន ៧ម៉ឺនដុល្លារសម្រាប់រឿង១ភាគ តិចជាង Kim Soo Hyun ៣ម៉ឺនដុល្លារ។ ទស្សនិកជនធ្លាប់គិតទេថា បើតារាប្រុសលំដាប់ទាំង២នេះ សម្ដែងរួមគ្នា សាច់រឿងនឹងទៅជាយ៉ាងណាវិញនោះ?

ប្រភព៖ preview.ph ប្រែសម្រួល៖ Caramel