១០ រឿងដែលអ្នកប៉ងថា អ្នកអាចដឹងវាបានតាំងពីយូរ កុំឲ្យស្ដាយពេលចាស់ទៅ

បើដឹងរឿងទាំងនេះតាំងពីយូរ ជីវិតបែបងាយស្រួលជាងនេះឆ្ងាយណាស់។

១. កុំប្រែកែកជាមួយអ្នកមិនមានចំណេះដឹង ព្រោះបើឈ្លោះគ្នាជាមួយអ្នកឆោត អ្នកក៏ជាអ្នកឆោតដូចគ្នា។

២. អ្នកអាចរៀន ធ្វើការ សាកអ្វីក៏បាន តែកុំធ្វើដល់ថ្នាក់ខ្លួនរវល់ឡើងរកក្ដីសុខលែងឃើញ។

៣. កុំសរុបសេចក្ដីណាមួយដោយគ្មានហេតុផលមកជំនួយឲ្យសោះ ត្បិតអ្វីដែលអ្នកស្ដាប់បាន អាចមិនមែនជាការពិត ហើយគេអាចចាប់កំហុសរបស់អ្នកបាន។

៤. អាយុ ២០ឆ្នាំ អ្នកកុំខ្លាចខុស ព្រោះវាជាបទពិសោធន៍ទៅថ្ងៃក្រោយ។

៥. នៅក្នុងស្ថានភាពលំបាក ទើបអ្នកដឹងថាសមត្ថភាពរបស់ខ្លួនស៊ូបានដល់ប៉ុណ្ណា។ បើនៅតែស្រួលរហូត អ្នកគ្មានថ្ងៃដឹងពីសមត្ថភាពពិតរបស់ខ្លួនឡើយ។

៦. ប្រការដែលអ្នកស្ដាយក្រោយបំផុត រាល់ពេលក្រោកពីគេងរាល់ព្រឹក គឺមិនបានចូលគេងពីព្រលប់កាលពីយប់ម្សិលមិញ។

៧. ដើម្បីអភិវឌ្ឍន៍សមត្ថភាពរបស់ខ្លួន ត្រូវហ៊ានធ្វើរឿងដែលមិនធ្លាប់ធ្វើពីមុនមក។

៨. កុំរំពឹងខ្ពស់ពេក មុនពេលធ្វើអ្វីមួយ សូមរំពឹងត្រឹមតែ ១ភាគ ៣ នៃតម្លៃសរុបបានហើយ។ ធ្វើបែបនេះ ទោះលទ្ធផលចេញមកមិនដូច ១០០% ក៏នៅតែខ្ពស់ជាងការរំពឹងរបស់អ្នក។

៩. រៀនពីវិធីរកលុយ។ រកលុយគឺជាវិធីដែលមានប្រសិទ្ធិភាពបំផុតសម្រាប់ការពារខ្លួនឯង។ ទាំងនៅពេលដែលអ្នកកំពុងមានចំណូលល្អហើយ អ្នកក៏គួររកលុយបន្ថែមដែរ។

១០. រៀនជំនាញបន្ថែម។ ទោះនៅសាកល អ្នកអាចមានជំនាញស្រាប់ហើយក្ដី អ្នកក៏គួររៀនជំនាញអ្វីមួយបន្ថែមដែរ ព្រោះទីផ្សារការងារ ជំនាញកាន់តែច្រើន កាន់តែមានទីផ្សារ៕

ប្រភព៖ Guu ប្រែសម្រួល៖ Caramel

ពាក្យទាក់ទង

អត្ថបទសំខាន់ មេរៀនជីវិត Knowledge

ភ្ជាប់ទំនាក់ទំនងជាមួយ Kanha

អត្ថបទពេញនិយម

អត្ថបទថ្មី