ចិនមានករណីឆ្លងកូវិដ ១៩ថ្មីខ្ពស់បំផុត ទីក្រុងមួយប្រកាសធ្វើតេស្តលើប្រជាជនចំនួន ៦លាននាក់
- 2020-07-28 02:45:00
- ចំនួនមតិ 0 | ចំនួនចែករំលែក 0
ចិនមានករណីឆ្លងកូវិដ ១៩ថ្មីខ្ពស់បំផុត ទីក្រុងមួយប្រកាសធ្វើតេស្តលើប្រជាជនចំនួន ៦លាននាក់
ករណីឆ្លងមេរោគកូវីដ១៩ថ្មី នៅប្រទេសចិននៅទីក្រុងនានាបានធ្វើឲ្យប្រទេសនេះឈឺក្បាលសារជាថ្មី និងត្រូវធ្វើតេស្តជាលក្ខណៈខ្នាតធំ ដើម្បីចៀសវាងលទ្ធផលដែលនឹកស្មានមិនដល់។
ក្រោយពេលបុរសម្នាក់ ធ្វើការនៅរោងចក្រគ្រឿងសមុទ្រនៅទីក្រុង Da Lian ខេត្ត Liaoning បានឆ្លងកូវីដ១៩នោះ បានធ្វើឲ្យខេត្តមួយនេះ មានករណីថ្មីជាលើកដំបូង ក្រោយស្ងប់ស្ងាត់អស់រយៈពេល ១១១ថ្ងៃ។
ភ្លាមៗនោះ អាជ្ញាធរក្រុងបានធ្វើការសំអាតក្រុងជាលក្ខណៈទូទាំងក្រុង ព្រមទាំងត្រួតពិនិត្យឡើងវិញគ្រប់ផ្សារ ឬមជ្ឈមណ្ឌលទាំងអស់។
បណ្ដាញព័ត៌មាន Global Times បានឲ្យដឹងថា កាលពីថ្ងៃអាទិត្យទី ២៦ ខែកក្កដាកន្លងទៅ ទីក្រុងមួយនេះបានធ្វើតេស្តលើប្រជាជន ៦លាននាក់របស់ខ្លួនទាំងអស់ ដើម្បីដឹងពីឫសគល់នៃប្រភពឆ្លង។
ក្រសួងសុខាភិបាលចិនបានឲ្យដឹងកាលពីព្រឹកថ្ងៃទី ២៧ ខែកក្កដាថា គិតត្រឹមថ្ងៃដដែល ប្រទេសនេះមានករណីឆ្លងថ្មីចំនួន ៦១ករណី ដោយក្នុងនោះឆ្លងក្នុងសហគមន៍ ៥៧ករណី និងឆ្លងពីក្រៅប្រទេស ៤ករណី៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
