បរិយាកាសកំពុងអាប់អួរ ផឹកភេសជ្ជៈ៤ប្រភេទនេះជួយបន្សុទ្ធភាពកខ្វក់ពីរាងកាយយ៉ាងមានប្រសិទ្ធភាព

2020-07-27 02:20:00
ចំនួនមតិ 0 | ចំនួនចែករំលែក 0

ក្នុងបរិយាកាសដ៏អាប់អួរ រាងកាយងាយនឹងឆ្លងមេរោគ ហើយសុខភាពវិញក៏ងាយធ្លាក់ចុះដែរ។ ដូច្នេះដើម្បីទប់ស្កាត់កុំឲ្យងាកឈឺៗ និងបានសុខភាពល្អ អ្នកអាចធ្វើភេសជ្ជៈនៅផ្ទះដោយខ្លួនឯងបាន ដោយមិនស្មុគស្មាញ។

១. ទឹកក្រូចឆ្មាលាយជីអង្កាម

គុណសម្បត្តិ៖ ក្រូចឆ្មាត្រូវបានគេចាត់ទុកថាជាប្រភពវីតាមីន C ល្អបំផុតសម្រាប់រាងកាយ។ ដូច្នេះជួយឲ្យប្រព័ន្ធភាពស៊ាំកាន់តែរឹងមាំ បំបាត់ទល់លាមក និងជួយឲ្យអារម្មណ៍ស្រស់ស្រាយ។ រីឯជីអង្កាមវិញ ជួយបំបាត់អាការៈវិលមុខ ជួយបន្ធូរការតឹងច្រមុះ រំលាយអាហារបានល្អនិងស្បែកមានសុខភាពល្អ។

ដាក់គ្រឿងផ្សំទាំងពីរនេះចូលគ្នាមិនត្រឹមផ្ដល់អត្ថប្រយោជន៍បំបាត់ជាតិពុលចេញពីរាងកាយទេ ក៏ជួយគ្រប់គ្រងការរំលាយអាហារ និងជួយស្រកទម្ងន់បានទៀតផង។

វិធីធ្វើ៖ ចិតក្រូចឆ្មាជាចំណិតតូចៗប្រហែលកន្លះផ្លែចូលក្នុងកែវហើយដាក់ស្លឹកជីអង្កាមនិងដាក់ទឹក ចំណុះ៥០០មលចូល។ ដាក់ក្នុងទូទឹកកក ៤ -៦ ម៉ោង អាចផឹកបាន។

២. ទឹកផ្លែប៉ោមលាយម្សៅ Cinnamon

គុណសម្បត្តិ៖ ផ្លែប៉ោមមានប្រសិទ្ធភាពខ្ពស់ក្នុងការបន្សុទ្ធរាងកាយ ការពារជំងឺ សំបូរប្រូតេអ៊ីន និងវីតាមីន។ លើសពីនេះ បើអ្នកញ៉ាំផ្លែប៉ោមមួយថ្ងៃមួយផ្លែវាជួយកាត់បន្ថយជំងឺផ្សេងៗ ព្រមទាំងស្បែកភ្លឺថ្លានិងរាងស្អាត។

វិធីធ្វើ៖ ចិតផ្លែប៉ោមជាចំណិតស្ដើងៗចូលក្នុងកែវធំមួយ រួចដាក់ទឹកចំណុះ៥០០មល។ បន្ថែម Cinnamon ៣ -៤ ដើម និងបិទគម្របរយៈពេល៣០នាទី រួចអាចផឹកបាន។

៣. ទឹកក្រូចឆ្មាលាយផ្លែត្រសក់

គុណសម្បត្តិ៖ ទឹកក្រូចឆ្មាជួយបំបាត់អាការៈតានតឹងចេញពីរាងកាយ ជួយប្រព័ន្ធភាពស៊ាំនិងរំលាយអាហារបានល្អ។ ចំណែក ផ្លែត្រសក់ជួយរំញោចសរីរាង្គ បន្សុទ្ធជាតិពុលចេញពីរាងកាយ និងកាត់បន្ថយការតានតឹង។

វិធីធ្វើ៖ យកក្រូចឆ្មាមួយផ្លែធំ កាត់ជាចំណិតស្ដើងៗ ផ្លែត្រសក់កាត់ជាចំណិតៗ។ ដាក់គ្រឿងផ្សំ២មុខនេះក្នុងកែវ រួចចាក់ទឹកចំណុះ២លីត្រ ។ រួចទុកប្រហែល១ម៉ោង អាចផឹកបានហើយ។ បើចង់បន្ថែមរសជាតិទៀត អាចដាក់ស្លឹកជីអង្កាម២ -៣ សន្លឹកក៏បាន។

៤. ទឹកផ្លែសារីលាយក្រូចឆ្មានិងខ្ញី

គុណសម្បត្តិ៖ ផ្លែសារី ល្អសម្រាប់រាងកាយព្រោះវាជួយពង្រឹងប្រព័ន្ធភាពស៊ាំ ការពារការរលាកផងដែរ។ ក្នុងបរិយាកាសមានខ្យល់អ័ព្ទ គ្រប់គ្នាងាយនឹងឆ្លងបាក់តេរីណាស់។ ដូច្នេះ អំឡុងពេលនេះ ផឹកទឹកខ្ញីនិងក្រូចឆ្មា ពិតជាល្អបំផុតសម្រាប់អ្នកដើម្បីឲ្យប្រព័ន្ធភាពស៊ាំមានភាពធន់។ គេអាចហៅភេសជ្ជៈមួយប្រភេទនេះបានថា ទឹក Detox សុខភាពល្អបំផុតសម្រាប់រាងកាយក៏ត្រូវដែរ។

វិធីធ្វើ៖ យកផ្លែសារី២ចំណិត ទឹកក្រូចឆ្មាមួយស្លាបព្រា ខ្ញីហាន់ស្តើងៗបន្តិច លាយច្របល់គ្រឿងផ្សំ៣មុខនេះក្នុងទឹកចំណុះ២៤០មល។ រួចបិទគម្របឲ្យជិតប្រហែល៣ម៉ោង នោះអាចផឹកបានហើយ។

តែត្រូវចាំថា គ្រប់ភេសជ្ជៈខាងលើទាំងអស់ មិនអាចទុកលើសពី២៤ម៉ោងឡើយ ព្រោះងាយកើតបាក់តេរី ធ្វើឲ្យបាត់ប្រសិទ្ធភាព៕

អានបន្ត៖ ញ៉ាំខ្ទឹមសឆៅមួយថ្ងៃមួយកំពឹស ចៀសផុតពីជំងឺកាចសាហាវច្រើនមុខ

ប្រភព៖ kenhphunu ប្រែសម្រួល៖ លឹម សុនា