បន្លែផ្លែឈើ៥មុខសម្បូរជាតិទឹកនិងកាឡូរីទាប សក្កិសមសម្រាប់នារីចង់ស្រកគីឡូ
- 2020-07-24 10:10:00
- ចំនួនមតិ 0 | ចំនួនចែករំលែក 0
បន្លែផ្លែឈើ៥មុខសម្បូរជាតិទឹកនិងកាឡូរីទាប សក្កិសមសម្រាប់នារីចង់ស្រកគីឡូ
នៅពេលដែលរាងកាយខ្វះជាតិទឹក ក្រៅពីបំពេញដោយការផឹកទឹកឲ្យបានច្រើន អ្នកក៏អាចស្វែងរកបានតាមរយៈបន្លែ ផ្លែឈើផងដែរ។
ខាងក្រោមនេះ ជាបន្លែ និងផ្លែឈើ៥ប្រភេទ ដែលសម្បូរជាតិទឹកច្រើនដល់រាងកាយ។
១. ឆៃថាវ
អ្នកប្រហែលមិនបានចាប់អារម្មណ៍ទេថា ដើម្បីបង្កើនជាតិទឹកក្នុងស៊ុប មេចុងភៅតែងបង់ឆៃថាវចូលឆ្នាំងសម្ល។ បន្លែមួយប្រភេទនេះ ផ្តល់អត្ថប្រយោជន៍ច្រើនចំពោះសុខភាព បង្កើនភាគរយតិចនៃជំងឺទឹកនោមផ្អែមផងដែរ។ ហើយកន្លះបន្ទះរបស់មើមឆៃថាវ ផ្ទុក១០%នៃវីតាមីន C ប៉ូតាស្យូម ម៉ាញ៉េស្យូម ផងដែរ។
២. ត្រសក់
សារធាតុក្នុងផ្លែត្រសក់ ល្មមគ្រប់គ្រាន់ក្នុងការផ្តល់នូវជាតិទឹក វីតាមីន ជាតិខនិជ និងថែមទាំងមានប្រូតេអ៊ីនសំខាន់ៗសម្រាប់រាងកាយទៀតផង។ ក្រៅពីនេះ វាជាបន្លែដែលសម្បូរដោយវីតាមីន K ដែលល្អបំផុតសម្រាប់សុខភាពឆ្អឹង។ បើតាមអ្នកជំនាញផ្នែកអាហារនៅប្រទេសអាមេរិក បង្ហាញថា ត្រសក់ផ្ទុកវីតាមីន C ដែលជួយរាងកាយស្រូបជាតិដែកបានល្អ មិនឲ្យស្លេកស្លាំង។
៣. ប៉េងប៉ោះ
បន្លែមួយប្រភេទនេះ សម្បូរណាស់នូវជាតិទឹក ហើយមួយផ្លែផ្ទុកនូវវីតាមីន A ចំនួន ៣៤% ។ នេះជាជីវជាតិដ៏សំខាន់សម្រាប់ទ្រទ្រង់ប្រព័ន្ធភាពស៊ាំ និងបង្កើនមុខងារល្អដល់បេះដូង សួត តម្រងនោម និងសរីរាង្គផងដែរ។ បន្ថែមពីនេះ ប៉េងប៉ោះមានសារធាតុលីកូពីន ដែលជាធាតុប្រឆាំងអុកស៊ីតកម្មជួយដល់កោសិកាដែលត្រូវរងការបំផ្លាញ។
៤. ម្ទេសប្លោក
ឃើញវាហឹរអ៊ីចឹងមែន តែវាជាបន្លែសម្បូរជាតិទឹកផងដែរ ហើយវាជាបន្លែដែលផ្ទុកវីតាមីន C ច្រើនលើសលប់ រួមទាំង B6 ដែលផ្គត់ផ្គង់ដល់ប្រព័ន្ធរំលាយអាហាររបស់រាងកាយយ៉ាងល្អបំផុត។ ទោះជាវាមានរសជាតិហឹរក៏ដោយ តែពេលធ្វើម្ហូប អ្នកអាចបន្ថែមម្រេចក្នុងអាហាររបស់អ្នកបាន។
៥. ឪឡឹក
ផ្លែឈើដ៏ពេញនិយមបំផុតនារដូវក្តៅ គឺឪឡឹកនេះហើយ។ វាផ្តល់ទាំងជាតិទឹកនិងជួយបំពេញអេឡិចត្រូលីតសម្រាប់រាងកាយ។ អេឡិចត្រូលីត ជួយចលនាសាច់ដុំ រក្សាជាតិ PH និងគ្រប់គ្រងបានល្អនូវប្រព័ន្ធប្រសាទ ។ នៅពេលអ្នកខ្វះសារធាតុមួយនេះ វាងាយនឹងធ្វើឲ្យអ្នកឆាប់អស់កម្លាំង ក្អួតចង្អោរ ឈឺក្បាល បាត់បង់ការគ្រប់គ្រងសម្ពាធឈាមថែមទៀតផង។
ប្រសិនបើអ្នកចង់បានភេសជ្ជៈស្រស់ៗ អាចយកឪឡឹកទៅធ្វើជាទឹកក្រឡុក ជួយឲ្យអារម្មណ៍ស្រស់ស្រាយ ដោយសារតែវាមានជាតិសូដ្បូម ដែលជាមុខងារសំខាន់បំផុតជួយរាងកាយនៅពេលខ្វះជាតិទឹក។