ជ្រើសរើសកែវណាមួយដែលទាក់ទាញអ្នក ដើម្បីដឹងថាមនុស្សប្រភេទណាដែលអ្នកចង់បាន?
- 2020-07-23 08:00:00
- ចំនួនមតិ 0 | ចំនួនចែករំលែក 0
ជ្រើសរើសកែវណាមួយដែលទាក់ទាញអ្នក ដើម្បីដឹងថាមនុស្សប្រភេទណាដែលអ្នកចង់បាន?
តោះមកលេងល្បែងចិត្តសាស្ត្រទំាងអស់គ្នាម្តងមើល៍។ ដូចជាអ្នកបានដឹងហើយការលេងល្បែងជ្រើសរើសរូបអាចបង្ហាញពីចិត្តគំនិតរបស់អ្នកបាន ទោះជាវាមិនមានភាពច្បាស់លាស់មួយរយភាគរយក៏ដោយ ក៏ការលេងជ្រើសរើសរូបនេះជួយអ្នកបានមួយកម្រិតដែរ។ ហេតុដូចនេះហើយ ថ្ងៃនេះប្រិយមិត្តកញ្ញាទំាងអស់គ្នានឹងបានដឹងពីការជ្រើសរើសរូបកែវណាមួយដែលមានភាពទាក់ទាញសម្រាប់អ្នក ដើម្បីដឹងថាមនុស្សប្រភេទណាដែលអ្នកចង់បានដូចក្នុងក្តីស្រម៉ៃរបស់អ្នក។ ចម្លើយនៃកែវនីមួយៗរួមមាន៖
កែវទី ១
ប្រសិនបើអ្នកជ្រើសរើសយកកែវទីមួយ មនុស្សដែលអ្នកចង់បានដូចក្នុងក្តីសុបិន្តរបស់អ្នកនោះគឺជាមនុស្សប្រភេទណាដែលមានភាពរ៉ូមែនតិចនិងចេះគិតគូរវែងឆ្ងាយ។ អ្នកមានអាកប្បកិរិយាដូចកូនក្មេង ដូច្នោះអ្នកសង្ឃឹមថាដៃគូររបស់អ្នកក៏មានអត្តចរិតដូចជារូបអ្នកដែរ។ មិនត្រឹមតែប៉ុណ្ណោះ អ្នកប៉ងឲ្យគេចេះលួងលោម ថ្នាក់ថ្នមស្រឡាញ់អ្នកឲ្យបានដិតដល់។
កែវទី ២
បើអ្នកជ្រើសរើសយកកែវទីពីរវិញ មនុស្សក្នុងក្តីសុបិន្តដែលអ្នកចង់បាននោះគឺជាមនុស្សប្រុសប្រភេទណាដែលចុះសម្រុងជាមួយអ្នក។ អ្នកចូលចិត្តមនុស្សប្រុសនិយាយត្រង់ៗនិងមានចិត្តសប្បុរស និងមានភាពចាស់ទុំគ្រប់គ្រាន់ដើម្បីមើលថែរក្សាអ្នក។ អ្នកមិនសូវជាចង់បានអ្នកមានប៉ុន្មានទេ តែប្រសិនជាគូរនោះអ្នកក៏ព្រមទទួលយកនិងហ៊ានដើរលើការផ្សងព្រេងជាមួយគ្នា។
កែវទី ៣
បើអ្នកជ្រើសរើសយកកែវទីបីវិញ មនុស្សដែលអ្នកចង់បានជាគូរអនាគតនោះគឺជាមនុស្សប្រុសប្រភេទណាដែលមានភាពស្ថិតស្ថេរ មានភាពចាស់ទុំជាមួយអ្វីមួយជាក់លាក់នៅក្នុងគំនិត។ អ្នកសង្ឃឹមថាដៃគូរអនាគតរបស់អ្នកអាចសិក្សាពីតារាសាស្ត្រនិងភូមិសាស្ត្រ ជជែកគ្នាជាមួយអ្នកពីនេះពីនោះ និងបង្រៀនអ្នកពីចំណេះដឹងថ្មីៗជានិច្ច។
កែវទី ៤
ប្រសិនបើអ្នកជ្រើសរើសយកកែវទីបួនវិញ មនុស្សក្នុងក្តីសុបិន្តរបស់អ្នកនោះគឺជាមនុស្សប្រភេទណាដែលមានអាជីពផ្ទាល់ខ្លួន មានមហិច្ឆិតាខ្ពស់ មានការផ្តោតអារម្មណ៍ និងសមត្ថភាពប្រតិបត្តិខ្លំាង និងត្រូវតែស្មោះត្រង់ជាមួយស្នេហារបស់អ្នក។ ដោយអ្នកចេះគិតគូរពីរឿងហិរញ្ញវត្ថុក្នុងគ្រួសារ មិនត្រឹមតែប៉ុណ្ណោះ គេត្រូវតែចេះប្រកបរបរចិញ្ចឹមជីវិតមុនពេលចាប់ផ្តើមមានស្នេហា៕
រូបភាព៖ Pinterest
ចុចអានបន្ត៖
ចង់ដឹងថាអ្នកមានអត្តចរិតបែបណា សាកល្បងជ្រើសរើសចម្លើយក្នុងរូបមួយនេះ