កន្លែងធ្វើការមិនបានសងថ្លៃទឹកភ្នែកយើងទេ បើចង់យំសូមទៅយំនៅផ្ទះម្នាក់ឯង
- 2020-07-20 08:30:00
- ចំនួនមតិ 0 | ចំនួនចែករំលែក 0
កន្លែងធ្វើការមិនបានសងថ្លៃទឹកភ្នែកយើងទេ បើចង់យំសូមទៅយំនៅផ្ទះម្នាក់ឯង
កន្លែងធ្វើការមិនមែនជាជម្រកដូចផ្ទះយើងឡើយ គ្មានអ្នកណាអាណិតអាសូរដល់ទុក្ខសោករបស់អ្នកនោះទេ គេនឹងសងលុយឲ្យតែសមត្ថភាពរបស់អ្នកប៉ុណ្ណោះ។ ដូចនេះបើចង់សម្រកទឹកភ្នែក សូមទៅយំនៅផ្ទះរបស់យើង។ ខាងក្រោមនេះគឺជាវិបត្តិមួយចំនួនដែលកើតឡើងនៅពេលយើងឈានជើងចូលសង្គមអ្នកធ្វើការដែលកាលនៅរៀនមិនដែលប្រទះឡើយ។
១. ជីវិតរបស់មនុស្សពេញវ័យមិនដូចនៅក្នុងរឿងនិទានឡើយ។ គ្មានអ្វីដែលងាយស្រួលនោះទេ។ អ្នកដែលអាចចំណាយលុយដើម្បីបំបាត់ទុក្ខ គឺមានតែយើងម្នាក់គត់។
២. ទៅធ្វើការហើយ ទើបដឹងថា រកលុយទិញបាយមួយពេលពិបាកយ៉ាងណា។ ការតូចចិត្ត អន់ចិត្ត ខឹងសម្បារ ស្ទើរតែក្លាយទៅជារឿងប្រចាំថ្ងៃទៅហើយ។
៣. អ្នកដែលជោគជ័យនៅថ្ងៃនេះ មិនមែនមកពីគេសំណាងនោះទេ តែនៅក្នុងរាល់ទុក្ខលំបាកទាំងអស់ គេមិនព្រមបោះបង់ ហើយជ្រើសយកបន្តទៅមុខទៀត ទោះស្ថិតក្នុងកាលៈទេសៈណាក៏ដោយ។
៤. អស់សង្ឃឹម តូចចិត្តនៅកន្លែងធ្វើការអាចយំបាន តែកុំឲ្យគេដឹង។ យំហើយត្រូវរឹងមាំជាងមុន ហើយបន្តដំណើរទៅមុខទៀត។
៥. កន្លែងធ្វើការ គឺជាកន្លែងដែលមនុស្សពាក់មុខដាក់គ្នា ហើយគ្មានអ្នកណាសងលុយឲ្យថ្លៃទឹកភ្នែកអ្នកឡើយ គេគ្រាន់តែចំណាយលុយលើសមត្ថភាពអ្នកប៉ុណ្ណោះ។
៦. កើតមកមួយជាតិនេះ មានជីវិតតែមួយ សូមធ្វើអ្វីដែលបេះដូងមានសុភមង្គល៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
