មិត្តនារីចង់ប្តូរពណ៌សក់អាចសាកជាមួយពណ៌ត្នោតខ្ចីបូកនឹងស្ទីលសក់ទំាងនេះសមឥតទាស់
- 2020-07-16 10:00:00
- ចំនួនមតិ 0 | ចំនួនចែករំលែក 0
មិត្តនារីចង់ប្តូរពណ៌សក់អាចសាកជាមួយពណ៌ត្នោតខ្ចីបូកនឹងស្ទីលសក់ទំាងនេះសមឥតទាស់
នៅពេលអ្នកចង់ផ្លាស់ប្តូរពណ៌សក់អ្នកប្រាកដជាពិបាកសម្រេចចិត្តណាស់មែនទេ? អ្នកមិនដឹងថាត្រូវតែអប់សក់ពណ៌មួយណានោះទេដោយសារតែមានពណ៌ស្អាតៗច្រើនពេក។ ហេតុដូច្នោះហើយ ថ្ងៃនេះ ប្រិយមិត្តទំាងឡាយណាដែលមានគម្រោងចង់ប្តូរពណ៌សក់នោះអាចសាកជាមួយនឹងពណ៌ត្នោតខ្ចីបាន។ ក្រៅពីការលាបពណ៌សក់ហើយអ្នកក៏អាចលេងស្ទីលធ្វើសក់បន្ថែមទៀតដើម្បីឲ្យកាន់តែថ្មី ប្លែក និងស្រស់ស្អាតតែម្តង។ ហេតុដូចនេះខាងក្រោមនេះជាគំរូបសម្រាប់អ្នកចង់ប្តូរពណ៌សក់ត្នោតខ្ចីរួមមាន៖
សក់ពណ៌ត្នោតខ្ចី + កាត់សក់សេះ
សម្រាប់អ្នកមានសក់វែងប្រះស្មា នៅពេលអ្នកប្តូរពណ៌សក់រួចហើយ អ្នកអាចកាត់សក់សេះបន្ថែមទៀតដើម្បីឲ្យកាន់តែប្លែក។ ប្រសិនបើអ្នកមានផ្ទៃថ្ងាសធំ អ្នកកាត់សក់សេះបានដើម្បីឲ្យមើលមកកាន់តែសមជាមួយនឹងផ្ទៃមុខរបស់អ្នក។
**សក់ពណ៌ត្នោតខ្ចី + សក់ត្រង់វែង**
សម្រាប់សក់ត្រង់វែងនេះវិញ ភាគច្រើនមិនរើសនឹងផ្ទៃមុខរបស់អ្នកទេ។ អ្នកអាចលេងម៉ូដបែបណាក៏បានដែរ ឲ្យតែអ្នកចេះច្នៃទៅតាមកម្មវិធីផ្សេងៗ។
សក់ពណ៌ត្នោតខ្ចី + សក់ខ្លីត្រឹមក
សម្រាប់អ្នកលាបសក់ពណ៌ត្នោតខ្ចីរួចហើយអាចមកសាកល្បងជាមួយនឹងសក់ខ្លីត្រឹមកបាន។ សក់ខ្លីត្រឹមក ជួយឲ្យអ្នកមើលមកទាក់ទាញព្រោះវាឃើញកញ្ចឹងករបស់អ្នក។ ចំពោះសក់ខ្លីលាបជាមួយពណ៌ត្នោតអ្នកអាចឆ្កឹះលាយជាមួយនឹងពណ៌សខ្លះៗបានដែរដើម្បីមើលមកកាន់តែស្រស់ស្អាត។
សម្រាប់ពណ៌ត្នោតខ្ចីនេះនៅក្នុងឆ្នាំ ២០២០ នេះគឺត្រូវម៉ាច់ជាមួយមិត្តនារីចង់ប្តូរពណ៌សក់ថ្មីៗតែម្តង។ នៅពេលអ្នកប្តូរពណ៌សក់អ្នកគប្បីថែរក្សាសក់របស់អ្នកឲ្យបានល្អ ព្រោះការប្តូរពណ៌សក់ភាគច្រើនអាចធ្វើឲ្យសក់អ្នកខូចសុខភាពបាន។ ដូច្នោះត្រូវយកចិត្តទុកដាក់ជាមួយនឹងការថែរក្សាសក់របស់អ្នកឲ្យបានច្រើន៕
រូបភាព៖ Little Red Book
ចុចអានបន្ត៖
មិត្តនារីមានសក់ខ្លីក្តីសក់វែងក្តី បើចង់ប្តូរស្ទីលធ្វើសក់កុំរំលងជាមួយបូរប៉ុន្មានប្រភេទនេះឲ្យសោះ