ចៀសវាងខ្ទេចខ្ទាំបេះដូង ស្រីៗគួរតែដកថយបើមានសង្សារលេងសើចបែបនេះ
- 2020-07-14 07:50:00
- ចំនួនមតិ 0 | ចំនួនចែករំលែក 0
ចៀសវាងខ្ទេចខ្ទាំបេះដូង ស្រីៗគួរតែដកថយបើមានសង្សារលេងសើចបែបនេះ
ពេលខ្លះយើងខំស្រឡាញ់គេស្មោះ ប៉ុន្តែគេវិញបែរជាយកបេះដូងយើងទៅជាន់ឈ្លីហើយប្រើប្រាស់ក្ដីស្រឡាញ់របស់យើងគ្រាន់តែជាការកំដរអារម្មណ៍ទៅវិញ។ ស្រីៗ ដើម្បីជៀសវាងចំណុចទាំងនេះ អ្នកគួរតែពិនិត្យបុរសម្នាក់នោះឲ្យបានច្បាស់ថាគេកំពុងលេងសើចឬ យ៉ាងណា៖
១. តែងតបសារមកយឺត
ព្រោះអ្នកមិនមែនជាអ្វីសំខាន់ណាស់ណាសម្រាប់គេទេ។
២. អ្នកមិនដែលជួបមិត្តភ័ក្ដិគេសោះ
បានន័យថាមិត្តគេក៏មិនដឹងថាអ្នកជាសង្សារនឹងគ្នាដែរ។ បើអ្នកសំខាន់សម្រាប់គេមែន រឿងអីត្រូវខ្លាចគេដឹង?
៣. គាត់មិនដែលនិយាយអ្វីលម្អិតច្រើនឡើយ
តើអ្នកស្គាល់គាត់បានច្បាស់ប៉ុណ្ណា? ត្រឹមអាហារ ឬពណ៌ដែលគាត់ចូលចិត្តមែនទេ? ចុះលើសពីនេះមានទេ? បើមិនមានទេ វាច្បាស់ណាស់គាត់មិនច្បាស់លាស់ជាមួយអ្នកទេ។
៤. មិនចង់ឲ្យអ្នកប៉ះពាល់ទូរស័ព្ទគាត់
នោះក៏ព្រោះតែគាត់មានអ្វីលាក់នឹងអ្នកហើយ។
៥. ក្នុង Facebook គាត់គឺគ្មានអ្វីទាក់ទងនឹងអ្នកសោះ
បើមនុស្សស្រឡាញ់គ្នាមែនប្រាកដជាត្រូវមានការបង្ហាញខ្លះជៀសមិនរួចទេ តែនេះអត់សោះ។ ច្បាស់ណាស់ គាត់មិនចង់ឲ្យស្រីផ្សេងដឹង។
៦. តែងដោះសាមិនសមហេតុផល
ជាពិសេសពេលខកការណាត់ម្ដងៗ ឬជួនកាលគឺមិនខ្វល់ថាអ្នកចាំគេយូរផង។ គ្រាន់តែសុំទោសក៏រួចរាល់។
ដូចនេះស្រីៗ បើអ្នកកំពុងជួបបុរសបែបនេះគឺបានន័យថាគេគ្រាន់តែលេងសើចជាមួយបេះដូងអ្នកប៉ុណ្ណោះ។ គួរតែឆាប់ចាកចេញមុនពេលឈឺខ្លាំងជាងនេះ៕
ចុចអាន៖ មិនបាច់គិតទៀតទេ! បើស្នេហាស្ថិតក្នុងស្ថានភាពបែបនេះហើយ គួរតែបណ្ដោយទៅ
ចុចអាន៖ ហេតុអ្វីមនុស្សស្រីកាន់តែរឹងមាំកាន់តែពិបាករកបានស្នេហា?