មនោសញ្ចេតនាគឺបែបនេះ ពេលខ្លះជាប្រភពនៃក្ដីសង្ឃឹម ពេលខ្លះជារណ្ដៅនៃទុក្ខសោក
- 2020-07-14 02:20:00
- ចំនួនមតិ 0 | ចំនួនចែករំលែក 0
មនោសញ្ចេតនាគឺបែបនេះ ពេលខ្លះជាប្រភពនៃក្ដីសង្ឃឹម ពេលខ្លះជារណ្ដៅនៃទុក្ខសោក
គេថា បើមិនចង់ឈឺចាប់ ត្រូវចេះរឹងមាំ កុំដោយសារតែសម្ដីគេមួយឃ្លា ហើយយើងអាចខ្ទប់មុខយំឲ្យសោះ។ កាលមិនទាន់មានស្នេហា បេះដូងមិនទាន់រំជួលដោយសារនរណាម្នាក់ ជីវិតប្រចាំថ្ងៃមានតែញ៉ាំ គេង ហើយទៅធ្វើការប៉ុណ្ណោះ។ អ្នកណាមើលមក នឹងគិតថា នេះគឺជាជីវិតគ្មានន័យ។
ប៉ុន្តែ អ្នកច្បាស់ទេថា នៅពេលមានស្នេហាហើយ ជីវិតនឹងមានន័យជាងមុននោះ។ នៅពេលមានស្នេហាហើយ វាគ្រាន់តែជារឿងមុន និងក្រោយប៉ុណ្ណោះដែលបេះដូងរបស់អ្នកនឹងរងគ្រោះ។
ការវិវដ្ដរបស់ស្នេហាដែលគ្មានអ្នកណាចៀសផុតនោះគឺ បុរសម្នាក់នឹងនាំមកនូវក្ដីសង្ឃឹមឲ្យអ្នក ធ្វើឲ្យអ្នកគិតថាខ្លួនជាមនុស្សស្រីដែលមានសុភមង្គលជាងគេលើពិភពលោក ស្មានតែគេជាមនុស្សចុងក្រោយរបស់ខ្លួនហើយ។ បន្ទាប់មកក៏ដល់ដំណាក់កាលសង្ស័យ ជឿជាក់ ប្រើអស់កម្លាំងកាយចិត្តលន់តួគេ ហើយគេបោះបង់ឲ្យអ្នកធ្លាក់ក្នុងរណ្ដៅដែលគ្មានថ្ងៃងើបរួច។
នៅពេលអ្នកដាក់ចិត្តស្រលាញ់នរណាម្នាក់ហើយ គឺអ្នកបានផ្ដល់សិទ្ធិឲ្យខ្លួនឯង ធ្វើឲ្យខ្លួនឯងកើតទុក្ខរួចទៅហើយ។ នៅពេលអ្នករំពឹងឲ្យគេធ្វើអ្វីមួយ ហើយគេបែរជាធ្វើតាមអំពើចិត្តគេ នោះអ្នកនឹងមានអារម្មណ៍ថាអាក់អន់ស្រពន់ចិត្ត ចៀសមិនផុតពីការអស់សង្ឃឹម។
នៅអំឡុងពេលស្រលាញ់គ្នា រយៈពេលណាមួយ ជឿជាក់ថាគេក៏ស្រលាញ់យើងពិតប្រាកដដែរ គ្រាន់តែថា ចិត្តមនុស្សប្រុសងាយប្រែប្រួល ចូលចិត្តអ្វីដែលថ្មី។ បែកពីយើង មួយខែ ក៏អាចរកថ្មីបាន ឯមនុស្សស្រីទម្រាំដាច់ចិត្តបើកបេះដូងជាថ្មី ទាល់តែព្យាបាលរបួសមួយនេះទាល់តែជាដាច់សិន។ តែក៏ក្រែងរអែងនឹងមនុស្សថ្មី ព្រោះខ្លាចជាន់ដានចាស់៕