ថ្ងៃណាមួយ ស្រាប់តែមិត្តភ័ក្ដិជិតស្និទ្ធបំផុតក្លាយជាមនុស្សអត់ស្គាល់គ្នា មានអារម្មណ៍ដូចម្ដេច?
- 2020-07-10 05:00:00
- ចំនួនមតិ 0 | ចំនួនចែករំលែក 0
ថ្ងៃណាមួយ ស្រាប់តែមិត្តភ័ក្ដិជិតស្និទ្ធបំផុតក្លាយជាមនុស្សអត់ស្គាល់គ្នា មានអារម្មណ៍ដូចម្ដេច?
បើសិនជាថ្ងៃមួយ ដោយសារតែមូលហេតុមួយចំនួនអចេតនាធ្វើឲ្យអ្នកនឹងមិត្តភ័ក្ដិជិតស្និទ្ធក្លាយជាមនុស្សមិនធ្លាប់ស្គាល់គ្នា អ្នកនឹងមានអារម្មណ៍យ៉ាងណា?
១. នោះគឺពេលម៉ាក់យើងសួរថា៖ "ម៉េចក៏ឥលូវមិនឃើញ ...(ឈ្មោះគេ) មកលេងផ្ទះយើងទៀត?”។
២. ពាក្យ "មិត្តភ័ក្ដិជិតស្និទ្ធ" ត្រូវប្រែជា "ខ្ញុំស្គាល់ម្នាក់ហ្នឹងដែរតាស"។
៣. អាចជានាគ្នាវិញបាន តែកែវបែកហើយមិនអាចដូចដើមបានទេ។
៤. ពី close friend រហូតដល់ក្លាយជា friend ធម្មតា បន្ទាប់មកក៏ unfriend គ្នា និងទីបញ្ចប់គឺ block គ្នាពេលណាក៏មិនដឹង។ ពីពេលនោះមក ជីវិតរបស់ខ្ញុំគឺគ្មានរូបអ្នកតទៅទៀត។ ចង់យំក៏មិនកើត ចង់សើចក៏មិនបាន។ ត្រូវធ្វើដូចគ្មានរឿងអីកើតឡើង។
៥. លែងមានអ្នកសង្ស័យថាយើងស្រលាញ់ភេទដូចគ្នាតទៅទៀត។
៦. ឃ្លាតឆ្ងាយដល់ថ្នាក់សូម្បីតែ like រូបភាពមួយក៏ចំណាយពេលគិតដែរ។
៧. ពិបាកចិត្តជាងគេនោះគឺនៅ friend ជាមួយគ្នា តែលែង comment ឆ្លងឆ្លើយរាប់រយដងដូចមុនទៀតហើយ។ ហើយបើជ្រុលជាប៉ះគ្នានៅក្រៅមែន ក៏រកវៀងជៀសគ្នាដូចមិនដែលស្គាល់។
៨. អារម្មណ៍បាត់បង់មិត្តភ័ក្ដិជិតស្និទ្ធម្នាក់ ពេលខ្លះពិបាកទ្រាំជាងបាត់បង់ស្នេហាទៅទៀត។
៩. ពេលខ្លះ នឹកឃើញអនុស្សាវរីយ៍ចាស់ ក៏ញញឹមម្នាក់ឯង ហើយក៏ស្ងៀមស្ងាត់ទៅវិញ។
១០. មនុស្សគ្រប់គ្នាសុទ្ធតែសួរថា ហេតុអីខ្ញុំអត់ទៅការវា ទាំងអត់ដឹងថាវាមានបានហៅខ្ញុំពីពេលណា។ ខ្ញុំមិនទាំងដឹងថាវាការថ្ងៃហ្នឹងផង។
១១. ឈឺចិត្តស្អិតទ្រូងនៅពេលដឹងថាវាមានមិត្តភ័ក្ដិជិតស្និទ្ធថ្មី ព្រោះដើមឡើយតំណែងនោះគឺជារបស់ខ្ញុំ។
១២. កាលមុនហៅគ្នាដោយរហស្សនាមអាក្រក់ៗ ឥលូវបានត្រឹមតែហៅឈ្មោះពិតប្រាកដ៕