គិតឲ្យបានច្បាស់លាស់មុនទិញទំនិញ ៦ មុខនេះ បើមិនចង់ខ្ជះខ្ជាយលុយ
- 2020-07-03 07:00:00
- ចំនួនមតិ 0 | ចំនួនចែករំលែក 0
គិតឲ្យបានច្បាស់លាស់មុនទិញទំនិញ ៦ មុខនេះ បើមិនចង់ខ្ជះខ្ជាយលុយ
តើក្នុងមួយថ្ងៃៗអ្នកចំណាយលុយអស់ប៉ុន្មានក្នុងការរស់នៅ? ជាធម្មតា មនុស្សម្នាក់ៗតែងតែណាយលុយលើចំណីអាហារ សម្លៀកបំពាក់ សុខភាព ដំណើរកម្សាន្ត ការសិក្សា ការស្នាក់នៅ និងការចំណាយវាយតូចតាចផ្សេងៗទៀត។ ការចាយវាយតិចតួចធ្វើឲ្យអ្នកណាយប្រាក់ដោយមិនដឹងខ្លួនឡើយ ដូច្នោះប្រសិនបើអ្នកមិនចង់ខាតលុយឥតប្រយោជន៍លើរបស់ទាំង ៦ មុខនេះទេ អ្នកគួរតែពិចារណារួមមាន៖
១. គ្រឿងតុបតែងមុខប្រើបានម្តងៗ
មិត្តនារីមិនតិចឡើយបានចំណាយលុយទិញគ្រឿងតុបតែងមុខរបស់ខ្លួនជាប្រចាំ។ ឧទាហរណ៍ថា អ្នកប្រើប្រាស់គូល័រផាត់ត្របកភ្នែកជាប្រចាំពេលអ្នកទៅធ្វើការ ប៉ុន្តែអ្នកប្រើពណ៌អស់នោះមិនទាន់អស់ផង ស្រាប់តែអ្នកឃើញពណ៌ថ្មី អ្នកក៏ស្រឡាញ់ហើយក៏ចង់ទិញ។ មុនពេលទិញ សូមអ្នកសួរខ្លួនឯងថា តើអ្នកបានប្រើរបស់អ្នកអស់ហើយឬនៅ? ការសួរបែបនេះនឹងដាស់តឿនអ្នកពីការទិញរបស់ផ្តេសផ្តាស។
២. ប្រដាប់ប្រដាក្មេងលេងថ្លៃៗ
នៅតាមផ្ទះភាគច្រើនតែងតែមានសត្វចិញ្ចឹមដូចជា កូនឆ្មា កូនឆ្កែជាដើម។ នៅពេលអ្នកទិញរបស់លេងថ្លៃៗមកលេងនៅផ្ទះ អ្នកប្រាកដជាឈប់លេងជាមួយសត្វចិញ្ចឹមអស់ទាំងនោះ។ ពេលនោះហើយ ជាពេលដែលអ្នកលែងអើពើជាមួយសត្វសំណព្វចិត្តរបស់ខ្លួន។ ចូរអ្នកគិតថា សត្វចិញ្ចឹមរបស់អ្នកអាចនឹងកំដរការអផ្សុករបស់អ្នកបាន ម្យ៉ាងវាក៏ដូចជាសមាជិកក្នុងគ្រួសាររបស់អ្នកដែរ។
៣. សម្ភារកីឡា
តើអ្នកជាអ្នកតាំងចិត្តថាហាត់ប្រាណជារៀងរាល់ថ្ងៃមែនទេ? ដូច្នោះ មានន័យថា អ្នកប្រហែលជានឹងទិញសម្ភារហាត់ប្រាណមួយចំនួននៅផ្ទះហើយ។ ប្រសិនបើដូច្នោះមែន ចូរអ្នកដាក់កម្រិតខ្លួនឯងថា បើចង់ហាត់ប្រាណមែន គួរតែទៅចុះឈ្មោះមួយខែនៅក្លឹបហាត់ប្រាណដើម្បីដឹងថាអ្នកមានការអត់ធ្មត់ប៉ុនណា។ បើពុំដូច្នោះទេ ពុំចាំបាច់ទិញសម្ភារៈនាំតែឲ្យអស់លុយនោះទេ។
៤. គ្រឿងតុបតែងខាងក្នុងផ្ទះ
នៅពេលអ្នកឃើញសម្ភារតុបតែងស្អាតៗអ្នកប្រហែលជាចង់ទិញយកមកតុបតែងបន្ទប់របស់អ្នកហើយ។ ចូរអ្នកគិតថា ប្រសិនបើអ្នកទិញវាំងនន កៅអី តុ ទូរ អស់ទាំងនោះ អ្នកត្រូវគិតពីទំហំបន្ទប់របស់អ្នកជាមុនសិនព្រោះការវាស់វែងទុកមុននឹងមិនធ្វើឲ្យអ្នកខាតបង់ប្រាក់ទទេៗឡើយ។
៥. ឈុតប្រើប្រាស់សម្រាប់ការកម្សាន្ត
នៅពេលអផ្សុក អ្នកប្រហែលជាគិតរកនឹកអ្វីមួយដើម្បីកែបញ្ហានោះ។ ដូច្នោះ អ្នកអាចចង់គូររូប ឬក៏ការដេរប៉ាក់ជាដើម។ ស្របពេលនោះដែរ អ្នកប្រហែលជាទិញរបស់អស់នោះភ្លាមៗតាមចិត្តនឹកឃើញ។ តែមុននឹងសម្រេចចិត្តទិញ អ្នកគួរគិតពីវិធីសាមញ្ញៗហើយអាចកែការអផ្សុករបស់អ្នកបានទៀតដូចជា គ្រាន់តែយកខ្មៅដៃ ១ ដើម ក្រដាស ១ សន្លឹក យកមកគូរទៅបានហើយដោយមិនចាំបាច់ទៅទិញឈុតផាត់នាំឲ្យខាតប្រាក់ទទេៗ។
៦. គ្រឿងប្រើប្រាស់អេឡិចតូ្រនិច
ស្របពេលបច្ចេកវិទ្យាជឿនលឿន របស់ប្រើប្រាស់នីមួយៗតែងតែមានការរីកចម្រើនទៅមុខជានិច្ច។ នាពេលបច្ចុប្បន្ននេះអ្នកអាចប្រើកាស ក្តារចុច ឧបករណ៍ស្តាប់តន្ត្រីដោយមិនប្រើខ្សែបាន។ ទោះបីជាយ៉ាងណាក៏ដោយ មុននឹងសម្រេចចិត្តរបស់អស់ទាំងនេះ អ្នកគប្បីគិតថាអ្នកចាំបាច់ទិញរបស់អស់នោះឬអត់? បើអ្នកគិតច្បាស់ហើយ អ្នកនឹងអាចសន្សំលុយបានមួយកម្រិតក្នុងការរស់នៅប្រចាំថ្ងៃ៕
ចុចអានបន្ត៖