យោងតាមអ្នកចិត្តសាស្រ្ត អ្នកអាចដឹងចិត្តមនុស្សច្បាស់ក្រឡែតដោយប្រើ ១៦ ល្បិចនេះ
- 2020-07-01 05:10:00
- ចំនួនមតិ 0 | ចំនួនចែករំលែក 0
យោងតាមអ្នកចិត្តសាស្រ្ត អ្នកអាចដឹងចិត្តមនុស្សច្បាស់ក្រឡែតដោយប្រើ ១៦ ល្បិចនេះ
ខណៈពេលអ្នកនិយាយទៅកាន់នរណាម្នាក់ អ្នកទទួលព័ត៌មានបានត្រឹមតែ ៣០% ប៉ុណ្ណោះ។ ក្រៅពីនេះ គឺអ្នកអាចដឹងបន្ថែមទៀតតាមរយៈកាយវិការ ពាក្យសម្តី សម្លេងនៃការនិយាយ និងមធ្យោបាយទាក់ទងផ្សេងៗទៀត។ ដូច្នេះ ប្រសិនបើអ្នកចង់ដឹងថាមនុស្សនៅក្បែរអ្នកមានអារម្មណ៍យ៉ាងដូចម្តេចនៅពេលណាមួយនោះ អ្នកអាចសង្កេតតាមរយៈចំណុចអស់ទាំងនេះបាន។ អ្វីដែលអ្នកគួរកត់សម្គាល់នោះរួមមាន៖
១. ចិញ្ចើម
បើចិញ្ចើមលើកឡើងលើនិងកោងមានន័យថាម្នាក់នោះមានការភ្ញាក់ផ្អើល។ ចិញ្ចើមលើកឡើងលើក៏អាចជាសញ្ញានៃការទាក់ទាញដោយនរណាម្នាក់ និង ការបើកទូលាយចិត្តផងដែរ។
បើចិញ្ចើមទាបហើយចូលគ្នានោះ ច្រើនតំណាងឲ្យកំហឹង។ ជាធម្មតា អ្នកនឹងឃើញស្នាមជ្រួញនៅចន្លោះចិញ្ចើមទាំងពីរ។
បើផ្នែកខាងក្នុងនៃចិញ្ចើមចូលគ្នាហើយឡើងលើ មានន័យថា ម្នាក់នោះអាចកំពុងមិនសប្បាយចិត្ត។
២. ភ្នែក
បើកែវភ្នែកសម្លឹងមើលទៅខាងស្តាំ មានន័យថា ម្នាក់នោះអាចកំពុងតែរកនឹងអ្វីមួយ ឬ ក៏និយាយកុហក។
បើកែវភ្នែកសម្លឹងមើលទៅឆ្វេង មានន័យថា ម្នាក់នោះកំពុងតែចងចាំអ្វីមួយ ឬ រកនឹកអ្វីមួយ។
បើកែវភ្នែកសម្លឹងមើលចុះក្រោម មានន័យថា ម្នាក់នោះអាចបង្ហាញថាមនុស្សម្នាក់មានការខ្មាស់អៀនភ័យ ឬ មិនមានភាពជឿជាក់លើខ្លួនឯង។ ពេលខ្លះវាក៏ជាសញ្ញានៃការមានអារម្មណ៍ថាខ្លួនមានកំហុស។
បើសិនជាកែវភ្នែកក្រឡិចក្រឡាច់ពីម្ខាងទៅម្ខាង អាចមានន័យថា ម្នាក់នោះមានអារម្មណ៍ភ័យ ឬ មិនស្រួលពេលនៅក្បែរអ្នក។
ប្រសិនបើរន្ធប្រស្រីភ្នែករីកធំ បង្ហាញពីភាពភ័យខ្លាច ចាប់អារម្មណ៍ ឬ លួចស្រឡាញ់អ្នក។
ប្រសិនបើរន្ធប្រស្រីភ្នែកតូចដូចគ្រាប់អង្កាំ មានន័យថា គេខឹងអ្នក។
ប្រសិនបើឃើញស្នាមជ្រួញនៅជុំវិញភ្នែក មានន័យថា ម្នាក់នោះ ពិតជាអស់សំណើចខ្លាំង។
៣. បបូរមាត់
បបូរមាត់ខាំ អាចជាសញ្ញាអវិជ្ជមានមួយចំនួនដូចជា ខឹង ការមិនពេញចិត្ត ការខកចិត្ត និង ការមិន យល់ព្រម។
ប្រសិនបើនរណាម្នាក់ខាំបបូរមាត់របស់គេ មានន័យថា គេកំពុងតែព្យាយាមលួងខ្លួនឯងកុំឲ្យមានអារម្មណ៍ភ័យ។
បើបបូរមាត់ម្ខាងលើកឡើងលើ មានន័យថា គេអាចនឹងមិនពេញចិត្ត ឬ ខឹង។
បើជ្រុងនៃបបូរមាត់ចូលគ្នាចុះក្រោមជាសញ្ញាទុក្ខព្រួយ។
៤. ដៃ
យកដៃប៉ះកមានន័យថា ម្នាក់នោះព្យាយាមការពារខ្លួនឯង ពេលមានអារម្មណ៍មិនស្រួល។
យកដៃប៉ះច្រមុះមានន័យថា ម្នាក់នោះកំពុងនិយាយកុហក។
ចុចអានបន្ត៖
សាកជ្រើសរើសនំណាមួយ ដើម្បីដឹងថាមិត្តភ័ក្តិរបស់អ្នកឃើញអ្នកជាមនុស្សប្រភេទណា