បើបុរសមិននិយាយរឿង ៤ នេះជាមួយអ្នក កុំគិតថាគេស្រឡាញ់អ្នកពិតឲ្យសោះ

2020-06-24 10:20:00
ចំនួនមតិ 0 | ចំនួនចែករំលែក 0

អ្នកណាក៏ដឹងដែរថាក្នុងទំនាក់ទំនងស្នេហា រឿងដែលចាំបាច់បំផុតនោះគឺការប្រាស្រ័យទាក់ទងគ្នា។ បើដៃគូរបស់អ្នកពិតជាស្រឡាញ់អ្នកពិត គេនឹងមិនខ្លាចក្នុងការនិយាយគ្រប់ប្រធានបទជា មួយអ្នកនោះទេ។ ការនិយាយគ្នា យល់ចិត្តគ្នា និង ផ្ដល់ពេលវេលាឲ្យគ្នាសុទ្ធសឹងជាអ្វីៗដែលភាគីទាំងសងខាងគួរធ្វើដោយគ្មានការស្ទាក់ស្ទើរ ឬ បិទបាំងអ្វីឡើយ។ ដូច្នេះ បើអ្នកសង្កេតឃើញដៃគូស្នេហារបស់អ្នកតែងគេចវេះពីរឿង ៤ យ៉ាងនេះពេលនិយាយជាមួយអ្នក នោះកុំរំពឹងថាគេស្រឡាញ់អ្នកពិតឲ្យសោះ៖

រូបតំណាង

**១. តម្រូវការរបស់អ្នក៖** មនុស្សប្រុសដែលខ្វាយខ្វល់ និង យកចិត្តទុកដាក់ចំពោះអ្នកច្បាស់ជាចង់ដឹងចង់ឮពីអារម្មណ៍អ្នក និងអ្វីដែលអ្នកត្រូវការពីទំនាក់ទំនងមួយនេះ។ បើគេមិនដែលលើកយករឿងនេះមកនិយាយជាមួយអ្នក វាបង្ហាញថាគេមិនសូវខ្វាយខ្វល់ និង ព្យាយាមយល់ពីអ្នកបន្ថែមឡើយ។

២. គម្រោងថ្ងៃអនាគត៖ បើដៃគូរបស់អ្នកគិតគូច្បាស់លាស់ពីទំនាក់ទំនងអ្នកទាំងពីរ គេច្បាស់ជាសួរនាំ និង រៀបរាប់ប្រាប់អ្នកពីការរៀបចំគម្រោងថ្ងៃអនាគតសម្រាប់អ្នកទាំងពីរ។ បើអ្នកចាប់អារម្មណ៍ថារឿងនេះមិនបានស្ថិតក្នុងខួរក្បាលរបស់គេទេ នោះយកល្អអ្នកគួរត្រៀមចិត្តជាបណ្ដើរៗព្រោះអាចថាអ្នកមិននៅក្នុងគម្រោងថ្ងៃមុខរបស់គេក៏ថាបាន។

រូបតំណាង

៣. ចំណុចខ្វះខាតរបស់អ្នក៖ បើដៃគូរបស់អ្នកជាមនុស្សម្នាក់ដែលអ្នកអាចទុកចិត្តបាន នោះគេនឹងព្រមទទួលយកនូវគ្រប់យ៉ាងរបស់អ្នក ទាំងចំណុចល្អនិងអាក្រក់។ លើសពីនេះ គេនឹងតាំងចិត្តស្ដាប់រាល់ពេលអ្នកនិយាយពីរឿងក្នុងចិត្ត ដោយតបមកវិញនៅការលើកទឹកចិត្តអ្នកជានិច្ច។

៤. សិទ្ធសេរីភាពផ្ទាល់ខ្លួន៖ ទោះនៅក្នុងទំនាក់ទំនងស្នេហាជាមួយគ្នាក្ដី មិនបានមានន័យថាភាគីណាម្នាក់មានសិទ្ធគ្រប់គ្រងលើសិទ្ធសេរីភាពរបស់ភាគីម្ខាងទៀតឡើយ មិនថាពាក់ព័ន្ធរឿងមិត្តភាព គ្រួសារ ឬ ការងារឡើយ។ ដូច្នេះ បើគេស្រឡាញ់អ្នកពិត នោះគេនឹងផ្ដល់សិទ្ធសេរីភាពយ៉ាងពេញលេញសម្រាប់អ្នក៕