អ្នកគាំទ្រមិនជឿថារូប២នេះរបស់ Son Ye Jin ខុសគ្នា ១៧ឆ្នាំ ព្រោះស្មានថាខុសគ្នា ១៧វិនាទី
- 2020-06-24 08:50:00
- ចំនួនមតិ 0 | ចំនួនចែករំលែក 0
អ្នកគាំទ្រមិនជឿថារូប២នេះរបស់ Son Ye Jin ខុសគ្នា ១៧ឆ្នាំ ព្រោះស្មានថាខុសគ្នា ១៧វិនាទី
កំពូលតារាសម្ដែងស្រីកូរ៉េ Son Ye Jin ត្រូវបានគេប្រៀបធៀបថាដូចទេពធីតា ព្រោះទោះបីជាឆ្លងកាត់ជិត ២០ឆ្នាំហើយក៏ពិតមែន តែសម្រស់នាងនៅតែដូចដើម។
មុននេះបន្តិច ទស្សនិកជនកូរ៉េបានគាស់កកាយបាននូវកម្រងរូបថតកាលពីឆ្នាំ ២០០៣ របស់តារាសម្ដែងស្រីជើងចាស់ Son Ye Jin ដែលកាលនាងនៅសម្ដែងរឿង Classic។ យ៉ាងណាក្ដី អ្វីដែលធ្វើឲ្យអ្នកគាំទ្រមិនជឿថារូបភាពទាំងនេះមកពី ១៧ឆ្នាំមុននោះគឺ សម្រស់គ្មានផ្លាស់ប្ដូរសូម្បីតែបន្តិចរបស់តួរឿង Crash Landing on You។
តាមនោះដែរ ជាមួយនឹងសម្លៀកបំពាក់ស្រដៀងនៅក្នុងរឿង Crash Landing on You ហ្វេននឹកស្មានថា រូបភាពទាំងនេះ គឺត្រូវផ្ដិតចេញពីរឿងភាគតែមួយ។ តែនៅពេលដឹងថា រូបនេះគឺចេញពីរឿង២ ដែលមានគម្លាតគ្នា ១៧ឆ្នាំ គឺពួកគេសឹងមិនជឿនឹងភ្នែកខ្លួនឯង។
មតិមួយចំនួនបានលើកឡើងថា ដោយសារតែមានសម្រស់ស្អាតធម្មជាតិ មិនកែកុន ទើបស្រីស្អាត ៣៨ឆ្នាំ មិនងាយចាស់ឡើយ។ មនុស្សជាច្រើនគិតថា បើរូបទាំងនេះថាថតខុសគ្នាតែ ១៧វិនាទីក៏គេជឿដែរ ព្រោះដូចជាមិនមានអ្វីខុសគ្នាឡើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
