លែងអង្គុយយំរឿងស្បែករោលក្រហមដោយសារប្រតិកម្មអាឡែហ្សីមុខ តាមវិធីនេះបាន
- 2020-06-19 09:50:00
- ចំនួនមតិ 0 | ចំនួនចែករំលែក 0
លែងអង្គុយយំរឿងស្បែករោលក្រហមដោយសារប្រតិកម្មអាឡែហ្សីមុខ តាមវិធីនេះបាន
មនុស្សស្រីដែលមានបញ្ហាអាឡែហ្ស៊ី ប្រាកដជាមិនសប្បាយចិត្តឡើយ។ អ្នកខ្លះ អាឡែហ្ស៊ីជាមួយទឹកនៅពេលយកមកលុបមុខ បណ្ដាលឲ្យស្បែកប្រែជាកន្ទួលរោល។ នេះដោយសារទឹកដែលកំពុងប្រើមានសារធាតុអាល់កាលីនខ្ពស់ពេក។ យ៉ាងនេះក្តី អ្នកនឹងលែងបារម្ភទៀតហើយ ជាមួយវិធីសាស្រ្តដ៏សាមញ្ញទាំងនេះ។
**១. លុបមុខជាមួយទឹកបរិសុទ្ធ**
នៅពេលស្បែកមុខចុះខ្សោយនិងងាយប្រតិកម្មបំផុត វិធីល្អគួរលាងមុខជាមួយទឹកបរិសុទ្ធ ព្រោះវានឹងជួយការពារកន្ទួលក្រហមបាន។ ឬអ្នកអាចប្រើទឹកច្រោះដែលចេញពីម៉ាស៊ីនស្តង់ដាក៏បាន ដើម្បីលុបលាងមុខ ដែលវាប្រសើរជាងប្រើទឹកធម្មតា។
២. ផ្អាកលាបគ្រីមលើមុខបណ្តោះអាសន្ន
នារីជាច្រើនយល់ថា អំឡុងស្បែកកំពុងរងកន្ទួលក្រហមបែបនេះ គួរលាបគ្រីមដើម្បីផ្តល់សំណើម នោះវានឹងជាសះស្បើយលឿន។ យ៉ាងណាក៏ដោយ សម្រាប់អ្នកមានស្បែកប្រតិកម្ម មានលក្ខណៈមិនដូចគ្នាទេ ហើយគ្រីមក៏ប្រហែលជាកត្តាជម្រុញឲ្យស្បែកងាយរោល នឹងកាន់តែធ្ងន់ធ្ងរជាងនេះ ។ដូច្នេះដើម្បីសុវត្ថិភាពនិងចៀសឆ្ងាយពីហានិភ័យ គួរផ្អាកលាបគ្រីមជាមុនសិន។ ប្រសិនបើអ្នកនៅតែចង់ប្រើទៀត គួរពិភាក្សាជាមួយអ្នកឯកទេសជាមុនសិន។
៣. ប្រើទឹកជូតមុខជាប្រចាំ
ផលិតផលដែលដាច់ខាតត្រូវប្រើជាប្រចាំចំពោះស្បែកមានប្រតិកម្មអាឡែហ្សី គឺទឹកជូតសម្អាតមុខ។ ដោយសារស្បែករបស់អ្នកងាយរងឥទ្ធិពលពីទឹក និងធូលីណាស់ ម៉្លោះហើយប្រើទឹកជូតមុខនឹងកាត់បន្ថយកាកសំណល់ ធូលីតោងជាប់លើមុខ ឲ្យស្បែកប្រែទន់រលោងបាន។ ជម្រើសល្អ គួរប្រើប្រភេទផលិតផលមានរូបមន្តគ្មានជាតិប្រេង ដែលសក្កិសមបំផុតចំពោះស្បែក។
៤. ប្រើថ្នាំជំនួយ
នារីជាច្រើនបានសម្រេចចិត្តទិញថ្នាំលេបដោយខ្លួនឯង ដើម្បីបំបាត់អាការៈនេះឲ្យបានជាលឿន។ ជាការលើកទឹក អ្នកគួរទិញថ្នាំនៅតាមឱសថស្ថានដែលមានការប្រឹក្សាពីអ្នកជំនាញត្រឹមត្រូវ។ ព្រោះវានឹងជួយព្យាបាល ព្រមទាំងដឹងពីមូលហេតុច្បាស់ដែលធ្វើឲ្យស្បែករោលកន្ទួល ព្រមទាំងត្រូវនឹងប្រភេទស្បែកជាដើម។
៥.ប្រើហ្វូមលាងមុខមានជាតិស្រាល
អ្នកមិនគួរប្រើសាប៊ូដុសមុខឡើយ ព្រោះនឹងឲ្យស្បែកងាយរោល និងអាឡែហ្សីកាន់តែខ្លាំង ប្រសិនបើប្រើប៉ះចំសាប៊ូផ្ទុកជាតិអាល់កាលីនខ្ពស់។ ជំនួសមកវិញ គួរជ្រើសរើសហ្វូមលាងមុខដែលមានរូបមន្តកាត់ស្រាលៗ ទើបជាការល្អ៕