មុនប្រឡូកក្នុងវ័យស្នេហា មិត្តនារីគប្បីចងចំានូវចំណុច ៦ នេះ
- 2020-06-19 04:45:00
- ចំនួនមតិ 0 | ចំនួនចែករំលែក 0
មុនប្រឡូកក្នុងវ័យស្នេហា មិត្តនារីគប្បីចងចំានូវចំណុច ៦ នេះ
រឿងស្នេហាតែងកើតមានចំពោះមនុស្សគ្រប់រូបមិនថាអ្នកនៅវ័យសិក្សា ឬអ្នកនៅវ័យកំពុងធ្វើការឡើយ។ នៅពេលដែលអ្នកធ្លាប់តែរស់នៅម្នាក់ឯងមិនមានអ្នកណាថែទំាឬក៏មិនធ្លាប់មានស្នេហាពីមុនមក អ្នកប្រាកដជាប្លែកនៅពេលអ្នកចាប់ផ្តើមប្រឡូកចូលវ័យស្នេហា។ ដូច្នោះហើយ ប្រសិនបើអ្នកចង់សាកល្បងមានស្នេហានោះ អ្នកគប្បីចងចំានូវ ៦ ចំណុចនេះសម្រាប់ខ្លួនឯងដោយរួមមាន៖
**១. រៀនរស់នៅម្នាក់ឯង**
នៅពេលអ្នកនៅតែម្នាក់ឯង អ្នកនឹងមានពេលវេលាផ្ទាល់ខ្លួនច្រើនជាងពេលមានដៃគូរ។ អ្នកត្រូវតែរឿនបង្កើតក្តីសុខដល់ខ្លួនឯងច្រើនឡើងៗ ជាក់ស្តែងដូចជា អ្នកអាចដើរផ្សារទិញទំនិញយ៉ាងស្រួល ទៅសិក្សាជំនាញអប់រំខ្លីៗ ឬក៏អានសៀវភៅនៅផ្ទះយ៉ាងរំភើយ។ តែនៅពេលអ្នកមានដៃគូរហើយ អ្នកមិនអានពឹងផ្អែកទៅលើដៃគូរម្ខាងទៀតបានទំាងស្រុងនោះទេ ហេតុដូចនេះហើយ អ្នកត្រូវរៀនពឹងផ្អែកលើខ្លួនឯងខ្លះ។
២. បង្កើតទំនាក់ទំនងក្នុងសង្គម
ការរាប់អាននិងពង្រីកទំនាក់ទំនងក្នុងសង្គមជួយឲ្យអ្នកស្គាល់មនុស្សប្លែកៗថ្មីៗ យល់ដឹងពីរឿងផ្សេងៗ និងទទួលបានបទពិសោធន៍អស្ចារ្យដែលអាចជួយជម្រុញអ្នកឲ្យមានគំនិតច្នៃប្រឌិតនៅក្នុងពិភពលោកថ្មីមួយ។ អ្នកនឹងចង់ចេះចង់ដឹងរឿងថ្មីៗបន្ថែម នៅពេលអ្នកជួបមនុស្សនៅខាងក្រៅ។
៣. ស្គាល់ពីខ្លួនឯង
ការស្គាល់ពីខ្លួនឯងគឺជារឿងដំបូងមុនពេលអ្នកចាប់ផ្តើមមានទំនាក់ទំនងស្នេហាជាមួយនរណាម្នាក់។ ពេលខ្លះអ្នកដឹងថារបស់អ្វីដែលអ្នកត្រូវការ តែអ្នកមិនអាចដឹងថាមនុស្សបែបណាដែលអ្នកត្រូវការក្នុងជីវិតឡើយ។ ដូច្នោះហើយ អំឡុងពេលអ្នកមិនទាន់មានដៃគូរ អ្នកត្រូវស្វែងរកចំណុចខ្លំាងនិងចំណុចខ្សោយដែលខ្លួនមាន។ វាអាចនឹងមានប្រសិទ្ធភាពសម្រាប់ខ្លួនឯង នៅពេលដែលមនុស្សល្អមកដល់អ្នកអាចទទួលយកគេបាន។
៤. រៀនស្រឡាញ់ខ្លួនឯង
ទំនាក់ទំនងដែលមានដំណើរការល្អមិនសំដៅលើទំនាក់ទំនងដែលស្រឡាញ់គ្នាទៅវិញទៅមកនោះទេ តែវាក៏តម្រូវឲ្យអ្នកចេះស្រឡាញ់ខ្លួនឯងដែរ។ ក្នុងករណីប្រសិនបើអ្នកមានធ្លាប់មានទំនាក់ទំនងមុនៗ អ្នកអាចសួរខ្លួនឯងថា តើអ្នកធ្លាប់លះបង់នូវអ្វីដែលគេមិនចូលចិត្តដែរឬទេ? យ៉ាងនេះហើយ អ្នកត្រូវតែរៀនយល់ពីការគិតផ្នែកខាងក្នុងរបស់អ្នក និងចេះថែរក្សាខ្លួនអ្នកដើម្បីមានថាមពលគ្រប់គ្រាន់សម្រាប់ក្តីស្រឡាញ់អ្នកដទៃ។
៥. រៀនធ្វើជាមនុស្សរឹងមំា
ការរៀនធ្វើជាមនុស្សរឹងមំាជាមេរៀនដ៏ល្អសម្រាប់មិត្តនារីចាប់ផ្តើមលូតលាស់។ អ្នកត្រូវរៀនធ្វើជាមនុស្សធំព្រោះអ្នកមិនមែនជាកូនក្មេងដូចមុនទៀតឡើយ។ បើទោះបីជាអ្នកជួបរឿងរំជួលចិត្តយ៉ាងណាក៏ដោយ អ្នកត្រូវរៀនចេះដោះស្រាយតាមបែបមនុស្សធំសមរម្យ។ មុនពេលអ្នកម្ខាងពឹងផ្អែកលើអ្នក ការពឹងផ្អែកលើខ្លួនឯងជាមុនស្នេហ៍ដ៏ទាក់ទាញសម្រាប់មនុស្សដទៃ។
៦. ស្រឡាញ់កាន់តែច្រើន
ក្រៅពីជីវិតស្នេហា រឿងគ្រួសារ និងមិត្តភាពក្នុងជីវិតប្រចំាថ្ងៃពិតជាស័ក្តិសមសម្រាប់អ្នកផ្តល់ក្តីស្រឡាញ់ឲ្យបានច្រើន។ មុនពេលជួបមនុស្សត្រឹមត្រូវម្នាក់ អ្នកត្រូវចងចំាផ្តល់ក្តីស្រឡាញ់ចំពោះមិត្តភ័ក្តិនិងនិងក្រុមគ្រួសារឲ្យបានច្រើនៗ ព្រោះនៅពេលដែលអ្នកមានដៃគូរ អ្នកនឹងចំណាយពេលវេលាមួយចំនួនទៅរូបគេផ្ទាល់ដោយមិនមានពេលសម្រាប់មនុស្សជាទីស្រឡាញ់ច្រើននៅពេលដូចនៅ single ឡើយ៕
រូបភាព៖ Pinterest
ចុចអានបន្ត៖
ប្ដីប្រពន្ធធ្វើរឿងសាមញ្ញៗទាំងនេះ ជួយឱ្យជីវិតស្នេហាមានសុភមង្គលខ្លាំង